Gálatas 2:19 - Nuevo Testamento Tzeltal de Amatenango

¹⁹ Porke te joꞌone ta skuenta te mantaliletike chamenonix yuꞌun te mantaliletike, yuꞌun jaꞌix kuxulon ta skuenta te Diose.

Bible in Tzeltal Bachajón

¹⁹ Ta scuenta te Ley chamenonix ta stojol te Ley, scuenta yu'un ya xcuxajon ta stojol te Diose.

Bible in Tzeltal de Oxchuc y Tenejapa

¹⁹ Te jo'one lajemonix ta swenta mandalil te bit'il lajix sc'oplal ta co'tane, swenta yu'un jich me ya xcuxinon ta stojol te Diose.

Gálatas 2:19 Referans Kwoze

Romanos 7:4

Jich euk te jaꞌexe, kermanotak, ta skuenta te tutꞌil a cham te Cristoe, jich chamen a kꞌoex sok ekꞌa te mantaliletike, yuꞌun ayex ta skuenta jtul xan. Te ora to jaꞌix yuꞌunex te Cristoe te chaꞌkuxem tal te ba ay te animaetike. Jaꞌ sluwaril, te jkuxlejaltik ya xtuun ta stojol Dios.

Romanos 6:2

¡Ma jichuk! Joꞌotik te lajemotikix yuꞌun te mulile. ¿Tut me kꞌan kuxuyinukotik xan teme puru mulil ayotike?

1 Tesalonicenses 5:10

Te Jesucristoe cham ta jkajtik yuꞌun teme kuxulotike o ya xchamotik. Jun nax me ya xkuxuyinotik sok stukel.

2 Corintios 5:15

Te tutꞌil a cham Cristo yuꞌun spisil te genteetike, yuꞌun te machꞌatik kuxajtike ma jichuk xanix kuxajtik ta stukelik nax. Yuꞌun jaꞌix kuxajtik ta skuenta te Cristo, te cham y chaꞌkux tal ta skuentaike.

Romanos 6:11

Jaꞌ nax jich, te jaꞌexe naꞌaik me te chamenex yuꞌun te mulile, pero kuxulexix yuꞌun Dios te jun nax ayotik sok te Cristo Jesuse.

Romanos 8:2

Porke kꞌalal la kakꞌ jbatik ta skuenta te Espiritue, te ya yakꞌ kuxlejal ta skuenta te Cristo Jesuse, jaꞌ la skoltayotik ta skꞌab te mulile sok te lajele.

1 Pedro 2:24

Te Cristoe jaꞌ a yichꞌ bael te jmultike ta stiꞌbalul te ba kruse. Yuꞌun jich me a laj jilel skꞌoplal a te mulile, sok ya xkuxuyinotik bael ta spasel te tut leke. Te Cristoe ejchentesot yuꞌun jich me a lekubex a te jaꞌexe.

Romanos 6:14

Jich te mulile maꞌyukix spoder ta atojolik. Yuꞌun ma kuxulukex ta skuenta te mantaliletike. Jaꞌ xanix me kuxulex ta skuenta slekil yoꞌtan te Diose.

1 Pedro 4:6

Yuꞌun te machꞌatik chamenikixe altalanbot skꞌoplal te lek achꞌ kꞌope. Yuꞌun jich me ya xjuꞌ ya xkuxuyinik sok xchꞌulelik ta skuenta Dios, aunke liꞌ ba balmilale la me yichꞌ chapel te stiꞌbalule, jich tutꞌil spisil te genteetike.

Hebreos 9:14

Pero teme jich ay to, jaꞌ to xan mas ay yip stukel te xchꞌichꞌel Cristoe. Yuꞌun ta skuenta te Espíritu te sbajtel kꞌinal aye, Cristo la yakꞌ sba ta milel ta stojol Dios jich tutꞌil milbil smajtan Dios te maꞌyuk smule. Y te xchꞌichꞌele la sakutesbotik koꞌtantik yuꞌun te kaꞌteltik te ya yikꞌotik bael ta lajele. Yuꞌun jich me ya xjuꞌ te ya kakꞌ jbajtik ta abatinel yuꞌun te kuxul Diose.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Colosenses 2:20

Te jaꞌexe chamenex sok te Cristoe, y ma jaꞌukix ya achꞌuunik te jowil pꞌijutesel yuꞌun te balmilale. ¿Tut yuꞌun te jich to ya xꞌanex tutꞌil te machꞌatik ayik to ta skuenta te balmilale? ¿Tut yuꞌun te ya to achꞌuunik te mantalil yuꞌunike,

Gálatas 3:24

Te mantaliletike jich kꞌoem tutꞌ mosoil te ya xꞌikot bael yuꞌun untik, te ya stojutesotik bael ta stojol te Cristoe. Yuꞌun teme la jchꞌuuntik te Jesucristoe, ya xjuꞌ te libre ya xkꞌootik yuꞌun te jmultike.

Gálatas 2:20

Sok te Cristoe pajal jojkꞌajemon sok ta krus. Y ma joꞌukon xanix ta jkuenta kuxulon, jaꞌix ta skuenta Cristo te kuxulone. Y ta ora to te tutꞌil kuxulon sok te jtiꞌbalule, jaꞌ kuxulonix ta xchꞌuunel koꞌtan ta skuenta te Xnichꞌan Diose. Jaꞌ la xkꞌuxutayon y la yakꞌ sba entregal ta milel ta joꞌon ta jkaj.

Colosenses 3:3

Yuꞌun te jaꞌexe chamex, y te ora to tey mukul ay te akuxlejalik sok Cristo ta stojol Diose.

Gálatas 3:10

Yan te machꞌatik yaꞌtelinejik xchꞌuunel te mandaliletik yuꞌun jMoisese aylan ta skuenta chꞌayel. Porke te Sjun Dios jich ya yal: “Chꞌayel me ya xbajt machꞌauk a te ma spisiluk ya xchꞌuun spasel te tut tsꞌibabil ta sjunal yuꞌun te mantaliletike”, xchi me.

1 Corintios 10:31

Ya kalbeyex: Teme ay tutꞌ ya xweꞌex o xꞌuchꞌaex o teme ay tut yan xan ya apasik, pasaik spisil ta skuenta slekilal a te Diose.

Romanos 7:14

Jnaꞌojtik te skuenta Dios te mantaliletike. Pero joꞌon sok te jtiꞌbalule chonbilon kꞌoem jich tutꞌil mosoil yuꞌun te mulile.

Romanos 5:20

Tal te mantaliletik yuꞌun la sbayaltes te mulile. Pero te kꞌalal bayale te mulile, Dios a yakꞌ xan ta ilel ta mas te slekil yoꞌtane.

Romanos 4:15

Porke te mantaliletike ya me yakꞌ kastigo. Pero te ba maꞌyuk te mantalile, jich maꞌyuk tut ya xkꞌaxintayik a.

1 Corintios 9:20

Te kꞌalal ayon ta yolilik te juriyoetike, jich ya kakꞌ jba tutꞌ juriyo, yuꞌun jich me ya jpasbe ganar a. Jaꞌ bi, skuenta ya jpas ganar te machꞌatik aylan ta skuenta te mantaliletik yuꞌun te jMoisese, jich mismo ya kakꞌ jba euk ta skuenta te mantaliletike, aunke maꞌyukonix ta skuenta te mantaliletike.

Gálatas 6:14

Yan te joꞌone, ni ma xjuꞌ ya jtoy jba yuꞌun. Jaꞌ nax mukꞌ ya kaꞌiy jba yuꞌun te cham ta krus te Kajwaltik Jesucristoe. Yuꞌun ta skuenta nax te cham ta krus te Cristoe, te tutik ay ta balmilale chamenix jilel kuꞌun, y te joꞌone chamenonix yuꞌun te tutik skuenta balmilale.