Gálatas 2:17 - Nuevo Testamento Tzeltal de Amatenango

¹⁷ Pero teme jaꞌ libre ya xkꞌootik yuꞌun jmultik ta skuenta nax te Cristoe, tey ya xchiknaj a te pajal jmulawilotik sok te yanetike, ¿Me yuꞌun jich ya yakꞌ xmulawotik te Cristoe? Ma jichuk.

Bible in Tzeltal Bachajón

¹⁷ Teme ya jlehtic bin ut'il toj ya x'ilotic ta scuenta Cristo, pero teme chican te ha nix hich jmulawilotic, ¿yu'un bal ha ya yac' ta pasel mulil te Cristo? ¡Ban c'an hichuc!

Bible in Tzeltal de Oxchuc y Tenejapa

¹⁷ Jich yu'un, teme ya jletic te libre ya xc'ootic yu'un jmultic ta swenta te Cristoe, soc teme tey ya xchicnaj a te bit'il pajal jmulawilotique, ¿yu'un bal ya yal te ja' ya yac'otic ta jmulawil te Cristoe? ¡Ma jichuc!

Gálatas 2:17 Referans Kwoze

1 Juan 3:5

Te jaꞌexe anaꞌojikix te Jesucristoe tal ta balmilal yuꞌun tal xchꞌay te muliletike. Sok anaꞌojik te maꞌyuk smul stukele.

Gálatas 2:15

Joꞌotik juriyootik ta kayinabtike, y ma jmulawilukotik, jich tutꞌil te yanetike.

Romanos 11:7

Jich ya jnaꞌtik te ma juꞌ yuꞌunik te israeletike te tut la sleike. Pero te machꞌatik tsabilik yuꞌun te Diose jich la staik ta leel stukelik. Te yane tulanej bael yoꞌtanik,

Hebreos 8:2

Teꞌeyix ta aꞌtel ta saserdote te ba ay te batsꞌi mero temploe te jaꞌ pasbil yuꞌun te Kajwaltike y ma jaꞌuk pasbil yuꞌun te genteetike.

Gálatas 3:21

¿Me jaꞌ ya skꞌan xyal te mantaliletik yuꞌun jMoises te jaꞌ skontrainej te tutik sjapoj te Diose? Ma jichuk. Porke te mantaliletik te yauk yakꞌ kuxlejale, jich ya xjuꞌ te libre ay yuꞌun smul te machꞌa jich ya spas te tut ya yal te mantaliletike.

Gálatas 2:11

Pero te kꞌalal bajt ta mukꞌul jtejklum Antioquia te jPedroe, la kalbe ta sit porke ma tsaꞌamuk te tut yipal ta spasel.

Romanos 15:8

Ya kalbeyex ito: Te Cristoe xtaluk yakꞌ sba ta mantaltesel ta skuenta te juriyoetik yuꞌun jich ya xkꞌot ta pasel te tutik albil ta skuenta te antibo jmeꞌ-jtatike. Yuꞌun jich me ya yakꞌ ta ilel te Diose te jun yoꞌtan te ya yakꞌ kꞌotuk ta pasel te tut ya yale.

Romanos 3:6

Maꞌuk. Porke jichuk ma tojuk te Diose, ¿tut kꞌan juꞌuk yuꞌun te ya yichꞌbe jkuenta smulik spisil te gente ta balmilale?

Romanos 3:4

¡Maꞌuk! Ma jichuk. Te Diose jmel nax yaloj te tut batsꞌi jiche, aunke spisil winketik ya sleik lot. Yuꞌun jich ya yal te Sjun Diose: “Jamal me ya xchiknaj te batsꞌi jich te tut ya awale, y jich me ya xjuꞌ awuꞌun te kꞌalal ya awichꞌ chapele”, xchi me.

San Mateo 1:21

Te xMariae ya me xꞌayin xchꞌin kerem. Jesus me sbiil ya xkꞌot awuꞌun. Jich ya xkꞌot te sbiile yuꞌun ya me skoltay te jtejklum yuꞌun te smulike —xchi te chꞌul ángele.

San Lucas 20:16

Ya me xtal smil jilel te jꞌaꞌteletike, y ya me yakꞌ ta kanantayel ta yan te ubailtik yuꞌune —xchi te Jesuse. Te machꞌatik la yaꞌiyike la yalik: —Ma wan jichuk ya skꞌan te Diose —xchiik.

Gálatas 6:14

Yan te joꞌone, ni ma xjuꞌ ya jtoy jba yuꞌun. Jaꞌ nax mukꞌ ya kaꞌiy jba yuꞌun te cham ta krus te Kajwaltik Jesucristoe. Yuꞌun ta skuenta nax te cham ta krus te Cristoe, te tutik ay ta balmilale chamenix jilel kuꞌun, y te joꞌone chamenonix yuꞌun te tutik skuenta balmilale.