Gálatas 1:5 - Nuevo Testamento Tzeltal de Amatenango

⁵ A me chiknajuk slekilal ta sbajtel kꞌinal. Jichuk.

Bible in Tzeltal Bachajón

⁵ te ha ac'a yich' halbeyel yutsil sc'oblal sbahtel q'uinal. Hichuc.

Bible in Tzeltal de Oxchuc y Tenejapa

⁵ Ac'a chicnajuc yutsilal ta bayuc sbajt'el q'uinal. Jichuc.

Gálatas 1:5 Referans Kwoze

Romanos 11:36

Porke spisil te tutik aye ya xtal ta stojol Dios, y jaꞌ pastalanbil yuꞌun y stukel yuꞌun. Ben tsaꞌam slekil ta sbajtel kꞌinal te Diose. Jichuk.

Hebreos 13:21

Jaꞌ me ya stojutesex ta spasel spisil te tut lek ya apasike, jich tutꞌil ya skꞌan yoꞌtan stukele. Sok jaꞌ a spasbotik te tut ya skꞌan stukele, ta skuenta te Jesucristoe. ¡Ay slekilal sbajtel kꞌinal stukel te Cristoe! Jichuk.

Apocalipsis 14:7

Tulan la yal: “Xiꞌaik te Diose, y albeyaik slekilal. Yuꞌun kꞌotix yorail te stukel ya xꞌichꞌawan jkuentae. Ichꞌaik ta mukꞌ te machꞌa la spas te chꞌulchane y sok te balmilale, te mare, y te slokꞌib jaꞌetike”, xchiik.

Apocalipsis 7:12

La yalik: “Jichuk. A me yichꞌ alel te slekilale. Ay te stsaꞌamule, sok ay te spꞌijile. Ya me yichꞌ alel kola yal ta stojol. Ay ta akꞌel ta jkuentae, ay spoder, sok ay spuersa te Dios kuꞌuntike skuenta sbajtel kꞌinal. Jichuk”, xchiik.

Apocalipsis 5:12

Lom tulan yipalik ta yalel: “Te Chꞌin Karnera te la yichꞌ milele, stukel ya xjuꞌ ya yichꞌ te poder, te skꞌulejal, te spꞌijil, te spuersa, te akꞌel ta jkuenta, te slekilal, y te albeyel slekilale”, xchiik ta aw.

2 Pedro 3:18

Pero naꞌbeyaik sba lek te Kajwaltik Jesucristo te jKoltawanej kuꞌuntike. Y mukꞌubanik xan sok te slekil yoꞌtane. Ben tsaꞌam slekil stukel te ora to y sok ta sbajtel kꞌinal. Jichuk.

1 Pedro 5:11

Stukel ay spoder ta sbajtel qꞌuinal. Jichuk.

2 Timoteo 4:18

Y jaꞌ ya skoltayon ta spisil te tut ma lekuke y ya me skanantayon jaꞌ to teme ya yikꞌon te ba ay ta ajwalinel ta chꞌulchane. Ay slekilal stukel sbajtel kꞌinal. Jichuk.

1 Timoteo 1:17

¡Jaꞌ aꞌ kakꞌtik ta akꞌel ta jkuenta sok aꞌ kaltik slekilal sil tiempo te Ajwalil yuꞌun sbajtel kꞌinale, te stalel ay, sok ma chikanuk ta ilel, y stukel nax Diose! Jichuk.

Filipenses 4:20

Ay slekilal sbajtel kꞌinal te Jtatik Diose. Jichuk.

Efesios 1:12

Jich a spas, yuꞌun te joꞌotik te nail la jchꞌuuntik te Cristoe, jujun kꞌaal te kuxulotike ya me kalbetik te slekilal te Diose.

Romanos 16:27

Te Diose te stukel nax aye sok te stukel nax ay spꞌijile, a me akꞌek ta jkuenta te slekil ta sbajtel kꞌinal ta skuenta te Kajwaltik Jesucristoe. Jichuk.

San Lucas 2:14

“¡Ben tsaꞌam slekil te Dios te ay ta chꞌulchane! Ya yakꞌ bujtsꞌan kꞌinal ta balmilal ta stojol te machꞌatik ayik ta kꞌuxutayel yuꞌune”, xchiik.

San Mateo 28:20

Sok aꞌbeyaik snopik xchꞌuunel spisil te jmantal te kalojbeyexe. Ma me xchꞌay ta awoꞌtanik te sil tiempo joyinejex ta jujun kꞌaale jaꞌto teme laj te balmilale —xchi te Jesuse. Jichuk.

San Mateo 6:13

Y ma me xaꞌwakꞌ mulawukotik. Koltayaotik me te ba tut ma tsaꞌamuke. Yuꞌun jaꞌat me ya xmantalajat, sok ay bayal apoder, sok ay alekilal ta sbajtel kꞌinal. Jichuk”, xaꞌex ta skꞌoponel te Diose.

1 Corintios 8:13

Jaꞌ yuꞌun, teme ta skaj jweꞌel te ya kakꞌ yaluk ta mulil te kermanoe, jaꞌ lek te makꞌ jweꞌ te weꞌele, yuꞌun jich makꞌ xyal ta mulil ta jkuenta a.