Gálatas 1:15 - Nuevo Testamento Tzeltal de Amatenango

¹⁵ Pero Dios a stꞌujon ta nail to te ma to xꞌayinon ae, y ta skuenta skꞌuxul yoꞌtan te la yikꞌone.

Bible in Tzeltal Bachajón

¹⁵ Pero Dios, te la stsahon te ma to x'ayinon a soc te la yic'on ta scuenta te yutsil yo'tan, c'alal lec la ya'iy

Bible in Tzeltal de Oxchuc y Tenejapa

¹⁵ Ja'uc me to, Dios la stsaon te c'alal ayon to ta xch'ujt' a te jme'e. La yic'on ta swenta nax te yutsil yo'tane.

Gálatas 1:15 Referans Kwoze

2 Timoteo 1:9

Dios a skoltayotik y la yikꞌotik te ya xlekub te jkuxlejaltike. Ma yuꞌunuk ta skuenta kaꞌteltik, sino ke jaꞌ te tut snopoj ta yoꞌtane. Ta skuenta te Cristo Jesuse, te Dios a xkꞌuxutayotik te kꞌalal ma to xchiknaj a te balmilale.

Efesios 1:5

Ta skuenta skꞌuxul yoꞌtan jich chapal yuꞌun te nail toe te jich ya yikꞌotik ta yal-xnichꞌan ta skuenta te Jesucristoe, jich tutꞌil te yaloje te jich ya skꞌan yoꞌtane.

1 Corintios 1:9

Te tut yaloj te Diose puersa ya skꞌoes ta pasel. Y jaꞌ te machꞌa la yikꞌexe te jun nax ya xkuxuyinex sok te Xnichꞌane, jaꞌ te Jesucristo te Kajwaltike.

Romanos 1:1

Joꞌon jPabloon, te yaj-aꞌtelon te Jesucristoe, ya jtsꞌibabeyex te karta to. Dios la yikꞌon sok spitojon te apostol ya xkꞌoon yuꞌune, yuꞌun ya kalbe skꞌoplal te kolele.

Hechos 13:2

Ay jun kꞌaal te stsoboj sbaik ta kulto yuꞌun te Kajwaltike y skomoj sweꞌelik a, te Chꞌul Espiritue altalanbot yuꞌun: —Pitbikon te jBernabee sok te Sauloe yuꞌun tsabilix kuꞌun te ya spas te aꞌtele —xꞌutalanot.

Hechos 9:15

Pero te Kajwaltike la yalbe: —Baan, porke jtsaojix tal te winik me to. Yuꞌun ya me yalbon jkꞌoplal ta stojol te genteetik ta yanetik nasione, y sok euk te reyetik yuꞌune, y sok te israeletike.

Romanos 8:30

Sok te machꞌatik Dios ta slijkibal to jich stsaoje, la yikꞌtalan euk. Sok te machꞌatik ikꞌtalanbile, jamal a yalbe te kolemix yuꞌun te smule. Sok te machꞌatik jamal a yalbe te kolemix yuꞌun te smule, la yakꞌtalanbe smajtanin te slekilale.

Romanos 1:5

Ta skuenta te Jesucristoe, Dios la yaꞌbonix ta majtanil te ya xꞌochon ta apostol yuꞌune, yuꞌun ta spꞌejel balmilal ayuk machꞌa ya xchꞌuun te Jesucristoe.

San Mateo 11:26

Jich Tat te jich a skꞌan awoꞌtan atukele —xchi.

1 Pedro 5:10

Pero ta patil te ay awokolik cheꞌoxeb nax kꞌaale te jaꞌexe, Dios me ya yakꞌ xjuꞌ awuꞌunik ta lek. Ya me sjunutesbeyex awoꞌtanik sok ya me yaꞌbeyex yip awoꞌtanik sok jun awoꞌtanik. Ben bayal slekil yoꞌtan te Diose te la yikꞌotik yuꞌun ya kichꞌtik te slekilal sbajtel kꞌinal, te jun nax ayotik sok te Jesucristoe.

Efesios 3:11

Jich a spas to te Diose jich tutꞌil te xchapoj ta sbajtel kꞌinale te jich a kꞌot ta skuenta te Kajwaltik Jesucristoe.

Efesios 1:9

Y la yaꞌbotikix jnaꞌtik te tut ya skꞌan yoꞌtan te ma chikanuke, jaꞌ te tut xchapoj stukel mismo te yaloj te jich ya xkꞌot ta pasel yuꞌune.

Gálatas 1:6

Lom ayon ta ajtal-oꞌtan awuꞌunik te tutꞌil ora nax ya xjakalex bael ta stojol Diose, te la yikꞌex ta skuenta slekil yoꞌtan te Cristoe. Yuꞌun jaꞌ ya apasik seguir te yan kꞌop te kuybil te ya xkolotik yuꞌun.

1 Corintios 15:10

Pero ta slekil yoꞌtan Dios te jich ayon te tutꞌil ayone, y te slekil yoꞌtan kuꞌune ma lomuk nax, yuꞌun atꞌejemonix bayal ke ta spisil te yanetike. Aunke ma joꞌukon kaꞌtel jtukel, yuꞌun jaꞌ aꞌtej ta jkuenta te Diose ta skuenta slekil yoꞌtan te la skoltayone.

1 Corintios 1:24

Pero te machꞌatik ikꞌbilik yuꞌun te Diose, me juriyoetik o griegoetik, jaꞌ kꞌoem ta yoꞌtanik te jaꞌ spoder Dios sok jaꞌ spꞌijil Dios te Cristoe.

1 Corintios 1:1

Joꞌon jPabloon, te la yikꞌon ta aꞌtel te Diose ta skꞌanojel yoꞌtan. La yakꞌon ta apostolil yuꞌun te Jesucristoe. Joꞌon sok te hermano Sóstenese

San Lucas 10:21

Mismo tiempo a te Jesuse ben kontento kꞌajta yuꞌun te Chꞌul Espiritue. Jich a yal: —Kola awal Jtat, te yajwalat chꞌulchan sok te balmilale, ben bayal te slekil awoꞌtane. Porke jaꞌ la awakꞌtalanbe snaꞌ sluwaril spisil te machꞌatik chꞌin yakꞌoj sbaike. Ma jaꞌuk la awaꞌbe snaꞌ te machꞌatik pꞌijike, sok te machꞌatik ben pꞌij skuyoj sbaike. Jich Jtat, yuꞌun jich a skꞌan awoꞌtan atukel —xchi.

Romanos 9:24

Jich te Diose la yikꞌotik, ma jaꞌuk nax te juriyoetike, jich euk te machꞌa ma juriyouke.

Romanos 8:28

Jnaꞌojtik te Diose ya yaꞌbe spisil te tutik lek te machꞌatik lek skꞌanoje, y sok te ikꞌbilik yuꞌune, jich tutꞌil te ya skꞌan yoꞌtan stukele.

1 Corintios 1:21

Te Diose ta skuenta spꞌijil maꞌ yakꞌ sba ta naꞌel yuꞌun te machꞌatik ay ta skuenta te balmilale; maꞌ snaꞌbeyik sba ta skuenta te spꞌijilik naxe. Jaꞌ lek a yaꞌi te Diose te ya skoltay ta skuenta skꞌop te ya stikon ta alel ta stojol te machꞌatik ya xchꞌuunike, aunke te skꞌoplal to jowil nax kꞌoem ta yoꞌtanik.

Gálatas 1:1

Joꞌon jPabloon, te apostolon. Ma jaꞌuk tikonbilon yuꞌun te winketike sok ma jaꞌuk la yaꞌbonik kaꞌtel. Jaꞌ la yaꞌbon kaꞌtel te Jesucristoe y sok te Dios Tatile te jaꞌ a xchaꞌkuses tal te Jesuse te ba ay te animaetike.