Filipenses 1:21 - Nuevo Testamento Tzeltal de Amatenango

²¹ Porke te tutꞌil kuxulone, jaꞌ ta skuenta te Cristoe; y teme chamone, jich la jpas ganar a.

Bible in Tzeltal Bachajón

²¹ como ha jcuxlejal te Cristo, soc teme ya xchamon, ha jganar.

Bible in Tzeltal de Oxchuc y Tenejapa

²¹ Melel te bit'il cuxulone, ja' ta swenta te Cristoe. Teme ya xlajone, ja' jganar ya xc'ot.

Filipenses 1:21 Referans Kwoze

Gálatas 2:20

Sok te Cristoe pajal jojkꞌajemon sok ta krus. Y ma joꞌukon xanix ta jkuenta kuxulon, jaꞌix ta skuenta Cristo te kuxulone. Y ta ora to te tutꞌil kuxulon sok te jtiꞌbalule, jaꞌ kuxulonix ta xchꞌuunel koꞌtan ta skuenta te Xnichꞌan Diose. Jaꞌ la xkꞌuxutayon y la yakꞌ sba entregal ta milel ta joꞌon ta jkaj.

2 Corintios 5:8

Ay xchꞌuunel koꞌtantik, y koꞌtantikukix te yauk xjilix te jtiꞌbalultik to. Yuꞌun jich ya xba joyin jbatik sok te Kajwaltike.

2 Corintios 5:1

Te tiꞌbalultik jachik tutꞌil jun naul-pakꞌ te ma xjalaje. Pero jnaꞌojtik teme ya xlaj te naul-pakꞌ to, Dios spasojbotik ta chꞌulchan jun na skuenta sbajtel kꞌinal te ma jaꞌuk pasbil ta skꞌab genteetike.

Filipenses 1:23

Yuꞌun ma jnaꞌ te ba ay te mas lek ta xchaꞌkajale. Koꞌtanuk te ya jkꞌan xchamonixe, yuꞌun jich ya xba joyinix a te Cristoe, yuꞌun jaꞌ mas lek ya kaꞌiy te jichuk ya xkꞌote.

Colosenses 3:4

Jaꞌ akuxlejalik te Cristoe. Te kꞌalal stukel ya xchiknaj tale, te jaꞌexe jich me ya xchiknajex tal ta skuenta, sok ya me xkꞌot ta akuentaik te slekilale.

2 Corintios 5:6

Jaꞌ yuꞌun sil tiempo ay spuersa koꞌtantik. Jnaꞌojtik te jayeb kꞌaal te jnainejtik te jtiꞌbalultike yuꞌun ma to ayukotik te ba ay te Kajwaltike.

Filipenses 1:20

Jich yuꞌun jaꞌ mukꞌ skꞌoplal ta koꞌtan te maꞌyuk tut ya jta kꞌexlal yuꞌune. Sinoke ya xjuꞌ xkꞌopojon sok spuersa koꞌtan ta sit ta spisilik. Y te ora to sok siluk tiempo ya me kakꞌ ta ichꞌel ta jkuenta te Cristoe. Chikan teme ya to xkuxuyinone o teme tey ya xlajonix aye.

Apocalipsis 14:13

Jicha kaꞌiy jun xan kꞌop ta chꞌulchan te jich a yalbone: —Tsꞌibaya ta jun to: “Ben tsaꞌam slekil te ora to sok ta patil bael te machꞌatik ya xchamik ta skuenta te Kajwaltike —xchi. Sok la yal te Espiritue: —Ya me xkux yoꞌtanik yuꞌun te yaꞌtelike, sok ya me xꞌichꞌbot jkuenta yuꞌun te tut spasoje.

Gálatas 6:14

Yan te joꞌone, ni ma xjuꞌ ya jtoy jba yuꞌun. Jaꞌ nax mukꞌ ya kaꞌiy jba yuꞌun te cham ta krus te Kajwaltik Jesucristoe. Yuꞌun ta skuenta nax te cham ta krus te Cristoe, te tutik ay ta balmilale chamenix jilel kuꞌun, y te joꞌone chamenonix yuꞌun te tutik skuenta balmilale.

1 Corintios 1:30

Pero mismo te Diose jun nax a stsobex sok te Cristo Jesuse. Y jich a spas te jaꞌ jpꞌijiltik a yaꞌbotik te Cristoe. Y ta skuenta te Cristoe jich kolemotikix yuꞌun te jmultike. Uꞌuninbilotikix yuꞌun Dios y jaꞌ la skoltayotikix.

Filipenses 2:21

Spisilik jaꞌ nax ya sleik te tut ya skꞌan yoꞌtanike, y ma jaꞌuk te tut ya skꞌan yoꞌtan te Jesucristoe.

1 Corintios 3:22

Me jaꞌ jPablo, o Apolos, o jPedro, o balmilal, o kuxlejal, o lajel, o jaꞌ te tut ay te ora to, o jaꞌ te tut ay ta patil baele. Spisil jaꞌex awuꞌunik.

Filipenses 1:22

Pero teme sigue kuxulon sok te jtiꞌbalule, ya xjuꞌ sigue lek ya xꞌaꞌtejon ta skuenta te Kajwaltike. Jich ma jnaꞌ te tut ya jtꞌuje.