Filipenses 1:1 - Nuevo Testamento Tzeltal de Amatenango

¹ Joꞌon te jPabloon sok te jTimoteoe, te jꞌaꞌtelotik yuꞌun te Jesucristoe, la jtsꞌibatik te karta to yuꞌun te jayebex te ayex ta mukꞌul jtejklum Filipos te ayex ta skuenta Dios sok te jun nax ayex sok te Cristoe, ta apisilik sok te ansianoetik y sok te diakonetike.

Bible in Tzeltal Bachajón

¹ Pablo soc Timoteo, a'batetic yu'un te Jesucristo, ta stojol spisil te mach'atic ch'uhltesbilic te ayic ta stsojol Cristo Jesús ta Filipos, soc te obispohetic soc te diáconohetique.

Bible in Tzeltal de Oxchuc y Tenejapa

¹ Jo'on Pabloon soc te Timoteo te abatotic yu'un te Jesucristoe, ya jpatbeyex awo'tanic ja'ex te ch'ul lumex yu'un te Diose soc te jun ayex soc te Cristo Jesús, te ayex ta lum Filipos soc te jwentainwanejetic awu'unic soc te diaconoetique.

Filipenses 1:1 Referans Kwoze

2 Corintios 1:1

Joꞌon jPabloon. Skꞌanojel yoꞌtan Dios te apostolon yuꞌun te Jesucristoe, sok te hermano jTimoteoe. Ya jtsꞌibay te karta to ta akuentaik te jayebex te achꞌuunejik Dios te ayex ta jtejklum Corintoe y sok te jtejklum yuꞌun Dios ta spisil te estado yuꞌun Acayae.

Romanos 1:1

Joꞌon jPabloon, te yaj-aꞌtelon te Jesucristoe, ya jtsꞌibabeyex te karta to. Dios la yikꞌon sok spitojon te apostol ya xkꞌoon yuꞌune, yuꞌun ya kalbe skꞌoplal te kolele.

Tito 1:1

Joꞌon jPabloon, yaj-aꞌtelon te Diose sok apostolon yuꞌun te Jesucristoe. Tikonbilon ta yaꞌbeyel xchꞌuun Dios te machꞌatik tꞌujbilik yuꞌun te Diose, sok yuꞌun ya me snaꞌik ta batsꞌi jich te tut jchꞌuunejtike,

1 Timoteo 3:8

Jich mismo te diakonoetike ya skꞌan te jaꞌ te winketik te lek yoꞌtanike, sok te toj ya xkꞌopoje, sok te ma xyakube, sok te ma yauk skꞌupin sloꞌlayel takꞌin.

2 Tesalonicenses 1:1

Joꞌon jPabloon sok te Silvano y sok jTimoteo, la jtsꞌibayex te karta to, jaꞌex hermanoetik te ayex ta mukꞌul jtejklum Tesalónicae, te jun nax ayex ta skuenta te Jtatik Diose y sok te Kajwaltik Jesucristoe.

1 Tesalonicenses 1:1

Joꞌon jPabloon, joy jba sok te Silvano y sok jTimoteo la jtsꞌibayex te karta to, jaꞌex te hermanoetik te ayex ta mukꞌul jtejklum Tesalónicae, te jun nax ayex ta skuenta te Jtatik Diose y sok te Kajwaltik Jesucristoe. Te Jtatik Dios aꞌ yaꞌbeyex te slekil yoꞌtane y sok te bujtsꞌan kꞌinal ta akuentaike.

Efesios 1:1

Joꞌon jPabloon, apostolon yuꞌun te Jesucristoe te jich a skꞌan yoꞌtan te Diose. La jtsꞌibay te karta to yuꞌun te jayebex ayex ta skuenta Dios sok te achꞌuunejik te Cristo Jesuse te ayex ta mukꞌul jtejklum Efeso.

Romanos 1:7

Ya kalbeyex ta apisilik te ayex ta jtejklum Romae te kꞌux ya yaꞌiyex ta yoꞌtan te Diose, ichꞌbeyaik slekil yoꞌtan te jTatik Dios y sok te Kajwaltik Jesucristoe, y sok te bujtsꞌan kꞌinal ya yaꞌbeyexe.

2 Pedro 1:1

Joꞌon Simon Pedroon, jꞌaꞌtelon y apostolon yuꞌun te Jesucristoe. Ya jtsꞌibabeyex te karta to ta akuentaik, te pajal ay ta jkuentaik xchꞌuunel te tut ben tsaꞌame, porke toj yoꞌtan stukel te Diose y sok te jKoltawanej Jesucristoe.

Santiago 1:1

Joꞌon Santiagoon, jꞌaꞌtelon yuꞌun te Diose y sok te Kajwaltik Jesucristoe. Ya kalbe xkoltanuk te lajchaytijkꞌ stsꞌumbal Israele te pujkejemik ta spisil balmilale.

1 Timoteo 1:2

Ya jtsꞌibabeyat te karta to, jTimoteo, te batsꞌi jnichꞌanat kꞌoem, te pajal nax jchꞌuunejtik te Diose. A me yaꞌbat te slekil yoꞌtan, te xkꞌuxul yoꞌtan y te bujtsꞌan kꞌinal te Dios Tatile y sok te Cristo Jesuse te jaꞌ Kajwaltike.

Hechos 20:28

Jaꞌ yuꞌun ila me abaik, y kanantayaik me spisil te hermanoetik ta kongregasione te ba yakꞌojbeyex awaꞌtelik ta kanantawanej te Chꞌul Espiritue, yuꞌun ya akanantayik te machꞌatik xchꞌuunejikix te Kajwaltike, te stukel smanoj ta xchꞌichꞌele.

Apocalipsis 1:1

Jaꞌ to jaꞌ te la yakꞌ ta ilel Dios ta stojol te Jesucristoe, yuꞌun jaꞌ ya yaꞌbe snaꞌik te yaj-aꞌteltak te tutik ya xkꞌot ta pasel ta ora nax. Te Jesucristo la stikon bael te ángel, yuꞌun ya yaꞌbe snaꞌ te yaj-aꞌtele, jaꞌ te Juane.

Judas 1:1

Joꞌon Judason, yaj-aꞌtelon te Jesucristoe y sok jaꞌ jbankil te Jacoboe. La jtsꞌibay te karta to jaꞌ yuꞌun te machꞌatik kꞌuxutaybil yuꞌun te Jtatik Dios sok te ikꞌtalanbilix yuꞌune, sok jaꞌ te machꞌatik kanantaylanbilix yuꞌun te Jesucristoe.

1 Pedro 2:25

Yuꞌun te jaꞌexe te nail to jachikex tutꞌil karneraetik te chꞌayemik ta bayuk nax aylane. Pero te ora to, chaꞌsujtexix tal ta stojol te Cristoe, te ya skꞌanantayex jachik tutꞌil jtul jkanan te ma xway te ya skanantay te akuxlejalike.

Tito 1:7

Yuꞌun te machꞌa yichꞌoj yaꞌtel ta statalil yuꞌun te hermanoetike, jaꞌ ay yaꞌtel yuꞌun ta skanantayel te tutik yuꞌun te Diose. Jaꞌ yuꞌun ya skꞌan te tojuk ay bael te xkuxlejale. Ma me toybauk, ma me orauk ya xꞌilin, sok ma me wakꞌ yakubuk, ni ma me tojoluk pleto, sok ma me xbikꞌtaj yoꞌtan yuꞌun sloꞌlayel takꞌin.

Hebreos 13:23

Ay tut ya kalbeyex: Kolemix te kermanotik jTimoteoe. Teme ya xjul ta orae, ya me joyin tal te kꞌalal ya xtal kilexe.

2 Tesalonicenses 1:10

Kꞌalal ya xtal te Kajwaltike, ya me xꞌakꞌot ta jkuenta yuꞌun spisil te machꞌatik yuꞌune, y toj jcham ya yaꞌiyik ta spisil te machꞌatik xchꞌuunejike. Jich tutꞌil te jaꞌex te la achꞌuunik te skꞌoplal la kalbeyexe.

1 Tesalonicenses 2:2

Anaꞌojikix te nail to la jtatik utel y ilbajinel ta jtejklum Filipose. Pero Dios a skoltayotik ta yalel te ba ayex te skꞌoplal te kolel ta spisil jpuersa, aunke la kichꞌtik bayal kontrainel yuꞌun.

Efesios 1:15

Yuꞌun la jnaꞌix te jaꞌex te ay xchꞌuunel awoꞌtanik ta skuenta te Kajwaltik Jesuse y sok ay xkꞌuxul awoꞌtanik ta stojol spisil te machꞌatik yuꞌun te Diose.

1 Corintios 16:10

Teme kꞌot te jTimoteoe, ikꞌaik me ta lek te ba ayexe, yuꞌun jich ya xꞌaꞌtej ta yaꞌtel Kajwaltik jich tutꞌil joꞌone.

Apocalipsis 19:10

La jkejan jba ta yok te ángele, yuꞌun ya kichꞌ ta mukꞌ. Pero te ángele la yalbon: —Ma xꞌapas jich. Yuꞌun te joꞌone yaj-aꞌtelon euk te Diose, jich mismo te tutꞌil jaꞌate y sok te awermanotak te sigue jun yoꞌtanik ta yalel ta jamal te skꞌoplal Jesuse. Jaꞌ me xꞌawichꞌ ta mukꞌ te Diose —xchi. Yuꞌun te skꞌoplal te Jesuse jaꞌ ya xꞌalbot ta yoꞌtanik te machꞌatik jꞌalwanejetik yuꞌun te Diose.

Hechos 9:13

Kꞌalal la yaꞌi te jicha albote, te jꞌAnaniase la yal: —Kajwal, bayal machꞌa yalojbon tutꞌil ay te winik abi, y spisil te tut ma tsaꞌamuk spasojbe te machꞌatik xchꞌuunejat te ba Jerusalene.

San Juan 12:26

Teme ay machꞌa ya skꞌan yakꞌ sba ta tuuntesel kuꞌune, a me stsꞌakliyon te ba ya xboone. Y te ba ya xkꞌoone, te ya xkꞌot ekꞌa te machꞌa ya xtuun kuꞌune. Te machꞌa ya yakꞌ sba ta tuuntesel kuꞌune kꞌanbil me yuꞌun te jTate.

San Marcos 13:34

Jich me kꞌoem te tutꞌil jtul winik te jakal a bajt ta yan luware. La spas jilel ta mantal te yaj-aꞌteltake yuꞌun ya skanantay te nae. Jujutul la yaꞌbe jilel yaꞌtel, sok la yalbe jilel te jkanan-nae te ma me xwaye.

Apocalipsis 22:9

Pero stukel a yalbon: —Ma me apas jich. Yuꞌun joꞌon jꞌaꞌtelon yuꞌun euk te Dios, jich mismo tutꞌ jaꞌate, y sok te awermanotak te jꞌalwanejetike, y ta spisil te machꞌatik ya yakꞌ ta jkuenta te tut tsꞌibabil liꞌ ba libro to. Jaꞌ me ya awichꞌ ta mukꞌ te Diose —xchi.

Apocalipsis 2:12

Sok la yalbon: —Tsꞌibabeya ta sjun te ángel te ba ay tijkꞌ hermanoetik te aylan ta Pergamoe: “Jaꞌ to jaꞌ a yal te machꞌa yichꞌoj te puñal te chaꞌmejch yee.

Apocalipsis 2:8

Sok la yalbon: —Tsꞌibabeya ta sjun te ángel te ba ay jtijkꞌ hermanoetik te aylan ta Esmirnae: “Jaꞌ to jaꞌ a yal te Machꞌa ay ta slijkibale y sok te ay ta slajibale, te Machꞌa cham y te chꞌakux xane.

Apocalipsis 1:20

Jaꞌ to jaꞌ skꞌoplal te jukeb ekꞌetik te la awil te ay ta jbatsꞌil kꞌabe, y sok te jukchꞌix yawil kꞌajkꞌ te pasbil ta oroe. Te jukeb ekꞌetike jaꞌ xyal te juktul angeletik ta stojol te juktijkꞌ hermanoetike. Y te jukchꞌix yawil kꞌajkꞌe jaꞌ xyal te juktijkꞌ hermanoetike —xchi.

Hechos 1:20

Porke ta Sjun Salmoetik ya yal: “Te snae ya me xkajtaj jilel ta jojchol luwar, ma me ayuk machꞌa ya xꞌanin teꞌa”, xchi me. Sok ya yal xan: “Yan me machꞌa ya yichꞌbe jilel te yaꞌtele”, xchi me.

Gálatas 1:10

Te joꞌone ma jaꞌuk ya jle te lek jkꞌoplal yuꞌun te winketike, yuꞌun jaꞌ ya jle te lek jkꞌoplal yuꞌun te Diose. Teme jaꞌ ya jkꞌan te lek ayon sok te winketike, ma joꞌukonix a te yaj-aꞌtelon te Cristoe.

Gálatas 3:26

Yuꞌun te xchꞌuunel awoꞌtanik ta skuenta te Cristo Jesuse, ta apisilik te jaꞌexe yal xnichꞌanexix te Diose.

Gálatas 3:28

Ma kocheluk me juriyo o griego, me mosoil o libre ay, me winik o ants. Porke jun xanix ayex ta skuenta Cristo Jesus ta apisilik te jaꞌexe.

Efesios 6:24

Dios a me yaꞌbey te slekil yoꞌtan ta stojol spisil te machꞌatik sil tiempo kꞌux ta yoꞌtanik te Kajwaltik Jesucristoe. Jichuk.

Filipenses 2:5

Te jaꞌexe junuk nax mismo te tut ya anopike te tutꞌil ay yuꞌun te Cristoe Jesuse:

Filipenses 2:19

Teme jich ya skꞌan te Kajwaltik Jesuse, jnopoj te ya jtikonbeyex tal ta ora te jTimoteoe, yuꞌun jich me ya xjunub koꞌtan te ya kaꞌiy akꞌoplalik te jaꞌexe.

Filipenses 3:3

Porke te machꞌatik batsꞌi yichꞌojik sirkunsisione joꞌotik abi, yuꞌun jchꞌuunejtik te Diose ta skuenta te Espíritu, y ben jun koꞌtantik te ayotikix ta skuenta te Cristo Jesuse. Ma jaꞌuk ya kichꞌtik ta jkuenta te tutik ya spasbot te jtiꞌbalultike.

Filipenses 3:8

Sok jich maꞌyukix stuunel ta koꞌtan spisil. Jaꞌ nax ben tsaꞌam stukel ta ya jnaꞌbey sba te Kajwal Cristo Jesuse. Ta skuenta te Cristoe la jchꞌayix jilel spisil. Y ta spisil jich ya jkuyix ta kꞌaꞌpal, yuꞌun jich me ay stuunel kuꞌun te Cristoe,

Filipenses 3:12

Ma jkꞌan ya kal te juꞌemix kuꞌun ta spisile, ni te lom tojix ayone. Pero sigue ayon bael ta smaliyel te ya xkꞌo jtae, jaꞌ sluwar te la staon ta primero te Cristo Jesuse.

Filemón 1:1

Joꞌon jPabloon, te ayon ta prexo ta skaj te Cristo Jesuse, jun nax sok te hermano jTimoteoe, ya jtsꞌibabeyat te karta to, jaꞌat Filemon, te kꞌuxat ta koꞌtan sok te joy jbajtik ta aꞌtele,