Efesios 6:8 - Nuevo Testamento Tzeltal de Amatenango

⁸ Yuꞌun ya anaꞌikix ta juju-tul, me ay ta moso o libre ay, ya me yichꞌ stojol yuꞌun te Kajwaltike, yuꞌun te tutꞌi lek spasoje.

Bible in Tzeltal Bachajón

⁸ como ana'ojic te tuhlutuhl ya x'a'bot stojol sc'ab yu'un te Cajwaltic, ha chican te bin lec spasoj, teme ay ta mosohil o teme ay ta libre.

Bible in Tzeltal de Oxchuc y Tenejapa

⁸ Na'aic me te juju-jtulotic, teme lec te bila ya jpastique, ya me x'ac'bototic stojol jc'abtic yu'un te Cajwaltique, manchuc teme ayotic ta abatinel o teme ayotic ta libre.

Efesios 6:8 Referans Kwoze

Colosenses 3:24

Porke te jaꞌexe, jaꞌ ya xtuunex yuꞌun te Cristoe, te batsꞌi jaꞌ awajwalike.

San Lucas 14:14

Jich me ben tsaꞌam alekil yuꞌun, porke ma xjuꞌ yuꞌun te ya sujtesbeyat sjelol stukelike. Pero ya me awichꞌbe sjelol te kꞌalal ya xchaꞌkuxat tal sok te machꞌatik toj yoꞌtanik ta stojol Diose —xchi te Jesuse.

Colosenses 3:11

Jich maꞌyukix skꞌoplal me juriyo o ma juriyouke, me yichꞌoj sirkunsision o ma yichꞌojuk, me jyanlum, o ma tsaꞌamuk ta genteil, me ay ta mosoil o libre ay. Te tut tulan skꞌoplale jaꞌ te Cristo, te jaꞌ yuꞌun ta spisil y ay ta skuenta spisil.

2 Corintios 5:10

Porke jpisiltik puersa me ya xkꞌo jtejkꞌan jbajtik ta sit te ba ya xchapawan te Cristoe, yuꞌun ta juju-tul ya yichꞌ te tut ya xkꞌot ta skuentae, chikan me lek o me ma lekuk te tutiꞌ spas te kꞌalal ay to sok stiꞌbalul ae.

San Mateo 16:27

Jich te Nichꞌanile ya me xtal sok slekilal te jTate sok te xchꞌul angeletik yuꞌune. Ya me xtal kaꞌbe stojol juju-tul chikan te tut spasojike.

San Mateo 6:4

Mukul nax me xꞌawakꞌik. Y te jTatik ya yil te tutꞌil mukul nax ya apasike, ya me yaꞌbeyex amajtanik.

Hebreos 10:35

Ma meꞌ chꞌay yip awoꞌtanik ta stojol Dios, porke jaꞌ me ya yichꞌbeyex te jun mukꞌul majtanile.

Hebreos 11:26

La snop te jaꞌ mas lek te ya xkꞌax swokol ta ilbajinel te machꞌa te tꞌujbil yuꞌun te Diose, ke te jun yoꞌtan yuꞌun te skꞌulejal Egiptoe. Porke jaꞌ ay ta yoꞌtan te ya xꞌaꞌbot smajtan yuꞌun Dios te jich albil te ya xꞌaꞌbote.

Gálatas 3:28

Ma kocheluk me juriyo o griego, me mosoil o libre ay, me winik o ants. Porke jun xanix ayex ta skuenta Cristo Jesus ta apisilik te jaꞌexe.

San Mateo 6:1

“Ila me abaik te kꞌalal yipalex ta spasel te tut lek yoꞌtan yuꞌun te Diose, ma me xꞌawal ta awoꞌtanik te ya skꞌupinex ta sit te genteetike. Teme jich ay ta awoꞌtanik, ma me ayuk amajtanik yuꞌun te jTatik te ay ta chꞌulchane.

San Mateo 5:12

Junuk me awoꞌtanik, kontentoukex me, yuꞌun ya me awichꞌ amajtanik ta chꞌulchan. Jich me a kꞌax swokolik te jꞌalwanejetik yuꞌun Dios te nail a kꞌax ta balmilal awuꞌunike.

San Lucas 6:35

Yan te jaꞌexe kꞌux me xꞌawaꞌiyik ta awoꞌtanik te machꞌatik ya skontrainexe. Pasbeyaik te tut leke, sok aꞌbeyaik smajan te tut ay awuꞌunike. Ma me akꞌambeyik sjelol. Jich me bayal amajtanik ya awichꞌik yuꞌun, sok yal-xnichꞌanex ya xkꞌoex te Chꞌul Dios te ay ta chꞌulchane. Porke Dios kꞌux ta yoꞌtan te machꞌatik ma snaꞌik yalel kola yale sok te machꞌatik ma tsaꞌamuk yoꞌtanike.

1 Corintios 12:13

Manchuk me juriyootik o ma juriyoukotik, o mosoil o libreix ayotik, jun nax a kꞌootik kꞌalal la kichꞌtik jaꞌ ta skuenta te Espíritu, jich tutꞌil te jun nax ay te jtiꞌbalultike. Y ta jpisiltik ayotik ta skuenta te mismo Espiritue.

Colosenses 3:25

Pero te machꞌa ma lek tut ya spase, jich mismo ma lekuk te tut ya xꞌakꞌbot yuꞌune. Porke te Diose pajal nax ya yil te gentee.

San Mateo 20:7

La yalik: “Yuꞌun maꞌyuk machꞌa yikꞌotik ta aꞌtel”, xchiik. Jicha altalanbot yuꞌun: “Baanik ta aꞌtel te ba kaꞌtele”, xyut.