Efesios 6:19 - Nuevo Testamento Tzeltal de Amatenango

¹⁹ Y kꞌoponbonik me Diose euk, yuꞌun Dios me ya yaꞌbon te kꞌopetik ya skꞌan ya kale. Yuꞌun jich me ya xjuꞌ yuꞌun yalel sok yip koꞌtan te skꞌoplal kolel, y jich ya kakꞌ ta naꞌel te tut mukul ay ta nail toe.

Bible in Tzeltal Bachajón

¹⁹ Soc ha nix hichon, c'opombonic Dios scuenta yu'un te c'alal ya xc'opojon ya x'a'boton bin ya cal, scuenta yu'un ma ba ya xiwon ta yaq'uel ta nopel te lec yach'il c'op te mayuc ta na'el ta nahil to,

Bible in Tzeltal de Oxchuc y Tenejapa

¹⁹ Soc c'oponbonic Dios ta jwenta uuc, swenta yu'un ya me scoltayon ta c'op te c'alal ya cal te sc'op Diose, soc ma me xiw co'tan te ya cac' ta na'el te lec yach'il c'op te muquen ay ta neelal toe.

Efesios 6:19 Referans Kwoze

Colosenses 4:3

Kꞌoponbotik Dios euk te joꞌotike te yakuk sjambotik puerta te Kajwaltike ta yalel te skꞌope, sok ta yalel te tut mukul ay yuꞌun te Cristoe, te jaꞌ ayon ta prexo yuꞌun.

Hechos 4:29

Te ora to Kajwal, ilawil te tut tulan a yalbotike, y aꞌbotik me spuersa koꞌtantik ta yalel achꞌul kꞌop joꞌotik te awaj-aꞌtelotike, ma me awakꞌ xiꞌukotik.

2 Tesalonicenses 3:1

Ta slajibal, kermanotak, kꞌoponbotik me Dios te yakuk xkꞌot ta ora nax ta bayuk te skoplal te Kajwaltike, y yauk me xꞌichꞌot ta jkuenta yuꞌun te gentee, jich tutꞌil te kꞌot ta pasel te ba ayexe.

1 Tesalonicenses 5:25

Kermanotak, kꞌoponbotik me Dios euk.

Hebreos 13:18

Kꞌoponbotik me Dios. Seguro ayotik te jun koꞌtantik ta stojol Dios, sok jaꞌ ya jkꞌantik te lek ya jpastik spisile.

Hechos 4:31

Te kꞌalal laj yoꞌtanik ta skꞌoponel te Diose, nijkꞌ te luwar ba stsoboj sbaike. Y spisil a noj ta yoꞌtanik te Chꞌul Espiritue, y jamal a lijk yalik te skꞌop Diose.

1 Tesalonicenses 2:2

Anaꞌojikix te nail to la jtatik utel y ilbajinel ta jtejklum Filipose. Pero Dios a skoltayotik ta yalel te ba ayex te skꞌoplal te kolel ta spisil jpuersa, aunke la kichꞌtik bayal kontrainel yuꞌun.

2 Corintios 8:7

Yuꞌun te jaꞌexe te tutꞌil spisil yipalix ta juꞌel awuꞌunike: Ayix xchꞌuunel awoꞌtanik, sok ben lek ya anaꞌik xkꞌopojexe, sok pꞌijubenexixe, sok ben jun awoꞌtanik ya awakꞌ abaik ta abatinel, y sok te ben bayal kꞌuxotik ta awoꞌtanike. Jich mismo ya skꞌan te kꞌax jich ya xjuꞌix awuꞌunik te yaꞌtelul te kꞌuxutawaneje.

Efesios 1:9

Y la yaꞌbotikix jnaꞌtik te tut ya skꞌan yoꞌtan te ma chikanuke, jaꞌ te tut xchapoj stukel mismo te yaloj te jich ya xkꞌot ta pasel yuꞌune.

1 Corintios 4:1

Te jaꞌexe ma me kuyotik ta mukꞌ yuꞌun jaꞌ ayotik ta tuuntesel yuꞌun te Cristoe. Jaꞌ ay ta jkuentatik yakꞌel ta naꞌel te tut mukul snopoj te Diose.

Hechos 28:31

Jamal a yalbe yaꞌiy te tutꞌil ay ta ajwalinel te Diose, y la snojpeslan tut ay sluwar te Kajwaltik Jesucristoe. Maꞌyuk machꞌa komot yuꞌun.

Hechos 19:8

Oxeb u a been ta sinagoga te jPabloe. Ma xiꞌ ta yalel teꞌa te skꞌop Diose, y la yalulan jaꞌ to te la xchꞌuun yuꞌun te gente te tutꞌil ay ta ajwalinel te Diose.

Hechos 13:46

Jich te jPablo sok te jBernabee lijk yalbeyik ta jamal: —Te puersa nail ya kalbetikex te skꞌop Dios jaꞌex te juriyoexe. Pero te jaꞌexe ya apꞌajik, ma xꞌakꞌanik te ya awichꞌik akuxlejalik sbajtel kꞌinale. Te ora to ya sujtotik bael te ba ay te machꞌatik ma juriyouke.

Filemón 1:22

Sok ya me achapbon xan te ba ya xkꞌo anukone, yuꞌun seguro ayon te ya stsakbeyex akꞌopik te Diose te yakuk yakꞌon te ya xba kilexe.

Colosenses 2:2

Yuꞌun ya jkꞌan te ya yichꞌ spuersa te awoꞌtanike, yuꞌun ya me xchiknaj te jun nax ayex ta skuenta te skꞌuxul awoꞌtanike, sok yuꞌun te ben tsꞌakal ya anaꞌik te tut mukul ay yuꞌun Dios, te jaꞌ te skꞌoplal te Cristoe.

2 Corintios 3:12

Te tutꞌil jich ay ta koꞌtantike, jich a kaltik spisil ta jamal.

1 Corintios 1:5

Yuꞌun ta skuenta te Cristo Jesuse, Dios a yaꞌbeyex bayal slekilal, jich tutꞌil te ya anaꞌik te lek ya xkꞌopojexe, sok spisil te tut ya anaꞌike.

Hechos 14:3

Pero te apostoletike bayal kꞌaal a jalajik teꞌa. Jaꞌ yip yoꞌtanik te Kajwaltike, jicha juꞌ yuꞌunik yalel te tutꞌil ayotik ta kꞌuxutayel yuꞌun te Kajwaltike. Jaꞌ a yakꞌ ta ilel te tut batsꞌi jich te tut ya yalike yuꞌun te Kajwaltike la yaꞌbe spoderik ta spasel señaetik y sok milagroetik.

Hechos 9:27

Pero te jBernabee la yikꞌ bael y ba yakꞌ ta stojol te apostoletike. Te Bernabe la yaltalanbe te tutꞌil a yil ta be te Kajwaltike sok te tuti albot yuꞌun Kajwaltik te Sauloe, sok te tutꞌil jamal la yalix ta Damasco te Sauloe te tutꞌil ay skꞌoplal te Jesuse.

1 Timoteo 3:16

Jamal chikan te lom mukꞌ te tut jchꞌuunejtik te mukul aye: Dios la yichꞌ stiꞌbalul, chiknaj ta ilel. Akꞌot ta naꞌel te toj yoꞌtan yuꞌun te Espiritue. Ilot yuꞌun te chꞌul angeletike. La yichꞌ alel ta stojol te nasionetike. La yichꞌ chꞌuunel ta balmilal. Sok ikꞌot bael ta lekilal.

2 Corintios 7:4

Jamal koꞌtan ya xkꞌopojon ta atojolik, sok ben jun koꞌtan awuꞌunik. Aunke bayal jwokoltik, ben kakꞌoj puersa y ben bujtsꞌan kꞌinal ya kaꞌiy.

2 Corintios 1:11

teme jaꞌex ya akoltayotik ta skꞌoponel Dios. Teme bayalik te machꞌatik ya skꞌoponbotik Dios ta jtojoltike, jich me bayalik ya yalbeyik kola yal Dios yuꞌun te bendisionetik te ya kichꞌtike.

1 Corintios 2:7

Jaꞌ ya kaltik te spꞌijil skꞌop Dios te mukꞌul aye. Jaꞌ bi, jaꞌ te la snop ta yoꞌtan te kꞌalal ma to spas a te balmilale te ya slebotik jlekilaltik sbajtel kꞌinale.

Romanos 15:30

Kermanotak, ya kalbeyex ta skuenta te Kajwaltik Jesucristoe y sok te slekil yoꞌtan te Espíritu te ya yaꞌbotike, awokolikuk kꞌoponbikon Dios ta jtojol.

Hechos 18:26

Te jꞌApolose ma xiꞌ ta kꞌop te ba singogae. Pero te kꞌalal la yaꞌiy te sPriscila sok te jꞌAquila, la yikꞌik bael ta parte y la yalbeyik lek te tutꞌil ay ta chꞌuunel te Diose.

Hechos 4:13

Kꞌalal ya yil te jꞌuꞌeletik te makꞌ ya xiꞌ te jPedro sok te Juane, y la snaꞌik te maꞌyuk estudio yuꞌunike sok te maꞌyuk tut ya snaꞌike, lom yan a yaꞌiyik yuꞌun, y la snaꞌik te jaꞌ te la sjoyinik te Jesuse.

Hechos 2:4

Ta spisilik a noj ta yoꞌtanik te Chꞌul Espiritue, y lijk kꞌopojikuk ta yanetik kꞌop chikan te tutꞌil a akꞌot kꞌopojuk yuꞌun te Espiritue.

Hechos 9:29

La skꞌopon te juriyoetik te ya xkꞌopojik ta griego-kꞌope ta yaꞌbiyanel te tutꞌil ay skꞌoplal te Kajwaltike. Pero kꞌan smilik yuꞌun.

Romanos 16:25

Aꞌ kaltik yutsilal te Diose te ya xjuꞌ yuꞌun te ya yaꞌbeyex yip awoꞌtanike, jich tutꞌil te ya yal te skꞌoplal kolel te yipalon ta yalele, jaꞌ bi, jaꞌ te tutꞌil ay skꞌoplal te Jesucristoe. Jaꞌ to jaꞌ te tut la yakꞌix ta naꞌel ta ora to te tut xchapoj ta yoꞌtan te Diose. Jaꞌ te tut mukul ay ta nail to te kꞌalal ma to ayuk a te balmilale.

2 Corintios 6:11

Kermanotak jcorintoetik, jamal yipalotik ta yalel ta akuentaik, jamal ya kaltik te tut ay ta koꞌtantike.

Efesios 3:9

Y jaꞌ aꞌbilon kaꞌtel te ya jpasbe yilik ta spisilik te tut xchapoj ta sil tiempo te mukul ay yuꞌun te Diose, te jaꞌ spasoj spisil te tutik aye.