Efesios 6:17 - Nuevo Testamento Tzeltal de Amatenango

¹⁷ Jaꞌuk me smajkil ajolik te akolelike. Y te skꞌop Diose jaꞌuk me apuñalik te ya yaꞌbeyex te Chꞌul Espiritue.

Bible in Tzeltal Bachajón

¹⁷ Ich'ahic smahquil jolal yu'un colel soc te espada yu'un te Espíritu, ha te sc'op Diose.

Bible in Tzeltal de Oxchuc y Tenejapa

¹⁷ Ich'aic me te smajq'uil ajolique, ja' te acolelique. Soc ich'aic me te spuñal te Ch'ul Espiritue, ja' te Sc'op Diose.

Efesios 6:17 Referans Kwoze

Hebreos 4:12

Porke te skꞌop Diose, kuxul y ay spoder. Jaꞌ mas ay ye ke te puñal te chaꞌmejch yee. Najt ya xꞌoch kꞌalal ta oꞌtanil y sok ta chꞌulelal, jaꞌ to te ba kꞌalal kuxul te gentee, y ya xchiknates ta jamal te pensaretik y te tutik ya snop te oꞌtanile.

Apocalipsis 19:15

Ya xlokꞌ ta stiꞌ jun puñal te beno yee, yuꞌun ya yejchentes a te nasionetike. Ya spasawan ta mantal sok sbaston takꞌin ta stojolik. Ya me yaꞌbe yichꞌik kastigo, jachik tutꞌil ya spitsꞌot ta tekꞌel te yaꞌlel uvae. Y ya me yakꞌtalanbe yuchꞌik te bino yuꞌun te tulan wokole, jaꞌ te kastigo ya xtal ta stojol Dios te spisil ya xjuꞌ yuꞌune, yuꞌun ma xkujchix yuꞌun te tut ma lekuk ya spasike.

1 Tesalonicenses 5:8

Pero te joꞌotik te ayotik ta kꞌajkꞌaltike, ya skꞌan te siluk tiempo pꞌij ayotike. Ya skꞌan te jaꞌ ya jkoltay jbatik a ta skuenta te xchꞌuunel koꞌtantik y sok te skꞌuxul koꞌtantike. Y ya skꞌan ya jmak jbajtik jich tutꞌil jun kasko, jaꞌ te ay smukꞌul koꞌtanik yuꞌun te kolele.

Apocalipsis 2:16

Jaꞌ yuꞌun, sujtesa awoꞌtan ta stojol Dios. Teme maꞌuke, ya me xtalon ta ora nax, ya me kꞌabe jbaj sok te machꞌatik jich aye sok te puñal te ya xlokꞌ ta jtiꞌe.

Apocalipsis 12:11

Te kermanotaktike la tsalikix jilel ta skuenta xchꞌichꞌel te la smal te Chꞌin Karnerae, y sok ta skuenta te skꞌop Dios te la yalik ta jamale. Maꞌ xiꞌik yuꞌun teme ya xlaj xkuxlejalik aye, sino ke spꞌejel yoꞌtanik la yakꞌ sbaik ta milel.

Apocalipsis 1:16

Te ba sbatsꞌil kꞌabe yichꞌoj jukeb ekꞌetik, y te ba stiꞌe ya xlokꞌ tal jun puñal te chaꞌmejchꞌ yee. Te yelawe jachik tutꞌil kꞌajkꞌal te kꞌalal ya xtil sok te ya yichꞌ spuersae.

San Mateo 4:4

La yal te Jesuse: —Tsꞌibabil ta Sjun Dios te ma jaꞌuk nax waj te ya xkuxuyin a te genteetike. Jaꞌ ya xkuxuyinik yuꞌun spisil te tut ya xlokꞌ ta stiꞌ te Diose —xchi te Jesuse.

San Mateo 4:7

La yal te Jesuse: —Sok jich tsꞌibabil euk: “Ma me xꞌawilbe yoꞌtan te Kajwaltik Dios awuꞌune”, xchi me —xchi.

Efesios 5:26

Jich a spas yuꞌun jich ya yichꞌ lekutesel ta skuenta te skꞌop y sok ta skuenta te ichꞌjaꞌe.

Hebreos 6:5

y tsaꞌam a yaꞌiyikix te tsaꞌam skꞌoplal te Diose, y sok yaꞌiyikix te ay spoder Dios ta skuenta te yachꞌil balmilale