Efesios 5:3 - Nuevo Testamento Tzeltal de Amatenango

³ Jaꞌex te yuꞌunexix te Diose ma me spas ni ma xjuꞌ ya awalik te antsiwejele. Ni yanetik xan ta jkaj te tut ma lekuke sok te skꞌupin-oꞌtanile.

Bible in Tzeltal Bachajón

³ Te antsiwej soc antsinel, spisil bin ilobtic sba, o sbic'tal-o'tanil, jc'axel ma me xatahic ta halel, como ma snuhp'uc te mach'a ch'uhltesbilic.

Bible in Tzeltal de Oxchuc y Tenejapa

³ Te bit'il ch'ul lumex yu'un te Diose, ma snujp'in te ya awaanic te mulweje soc spisil ta jchajp te chijil-o'tanile soc te bic'tal-o'tanil yu'un te taq'uine.

Efesios 5:3 Referans Kwoze

Colosenses 3:5

Lajinbeyaik skꞌoplal spisil te tutik skuenta te balmilal te ay ta atojolike. Ma me xꞌapasik antsiwejel ni ma me xꞌapasik te tut ma lekuke. Ni ma me xꞌapasik te tut ma tsaꞌamuk ya skꞌan atiꞌbalulike, ni jaꞌuk te ay tut ya skꞌupin awoꞌtanike, sok ma me yuꞌuninbeyex awoꞌtanik te kꞌulejalile, te jaꞌ pajal sok te xchꞌuunel lotil diose.

Efesios 5:5

Yuꞌun anaꞌojikix te machꞌa ya spas te antsiwejele o ya spas te tutik skuenta balmilale, o te tut ya skꞌupin-oꞌtanile, te jaꞌ pajal sok te xchꞌuunel te lotil diosetike, ma xjuꞌ ya xkꞌot te ba ay ta ajwalil te Cristoe y sok te Diose.

1 Tesalonicenses 4:3

Te tut ya skꞌan te Diose jaꞌ te maꞌyuk amulik ya xkuxuyinex ta skuentae, sok te ma me ayuk machꞌa ya sꞌantsiweje.

1 Corintios 6:18

Jaꞌ yuꞌun, kꞌeja abaik me yuꞌun te antsiwejele. Tutikuk xan yan mulil te ya spas te jtul gentee makꞌ ya xkuch te stiꞌbalule. Pero te machꞌa ya spas te antsiwejele, ya xmulaw sok te stiꞌbalule.

1 Tesalonicenses 4:7

Yuꞌun ma jaꞌuk a yikꞌotik Dios yuꞌun ya jpastik te tut ma tsaꞌamuke. Jaꞌ ya skꞌan te ben tsaꞌam ya xꞌanotik ta skuentae.

1 Corintios 6:13

Ya awalik xan: “Te weꞌelile jaꞌ yuꞌun te jchꞌujtike y te jchꞌujtike jaꞌ yuꞌun te weꞌelile. Batsꞌi jich. Pero te Diose ya slajinbe jilel skꞌoplal ta xchebal. Pero ma me xkakꞌtik te ya xꞌantsiwe te jtiꞌbalultike. Te jtiꞌbalultike jaꞌ yuꞌun te Kajwaltike, y te Kajwaltike jaꞌ yuꞌun te jtiꞌbalultike.

Efesios 5:12

Yuꞌun asta ya xkꞌexawotik ta yalel te tut ya spasik ta mukule.

San Mateo 15:19

Porke ta awoꞌtanik ya xlijk anopik te tut ma tsaꞌamuk ta pasele: jaꞌ te milawe, sok te antsiwejele, sok te lokoubele, sok te elekꞌe, sok te le-kꞌope, sok te aꞌabiyanwaneje.

Apocalipsis 2:21

La kaꞌbeyix bayal tiempo yuꞌun te ya sujtes yoꞌtan ta stojol Dios, pero ma skꞌan ya sujtes yoꞌtan y ma xyijkitay te kremiwejele.

1 Corintios 10:8

Ma me wakꞌ jpastik antsiwejel, jich tutꞌil te la spasike, te jich chamik beintitres mil ta jtul ta jun nax kꞌaal.

Apocalipsis 22:15

Pero ya me xjilik ta fuera te machꞌatik ma lekuk yoꞌtanike, sok te machꞌatik ya snopik yakꞌel pox ta skuenta pukuje, sok te machꞌatik ya sꞌantsiwejike, sok te machꞌatik ya xmilawanike, sok te machꞌatik ya yichꞌik ta mukꞌ te lotil diosetike, y spisil te machꞌatik ya skꞌupinik spasel te lote.

Apocalipsis 21:8

Pero te machꞌatik ya xiꞌike, sok te machꞌatik ma xchꞌuunonike, sok te machꞌatik pꞌajbil te tut ya spasike, sok te machꞌatik ya xmilwanike, sok te machꞌatik ya sꞌantsiwejike, sok te machꞌatik ya snopik yakꞌel pox ta skuenta pukuje, sok te machꞌatik ya yichꞌik ta mukꞌ te lotil diosetike, y sok spisil te loꞌlawanejetike, te stukelike ya me staik bael chꞌojel ochel ta kꞌajkꞌ te lom tulan yipal ta tilel sok asufree, te jaꞌ te xchaꞌmelal lajele —xchi.

Apocalipsis 2:14

“Pero ay tut amulinej kuꞌun. Te teꞌey awuꞌun jtul cheb te ma skꞌan sjilesik te tutiꞌ yakꞌ ta nopel te jBalaame, te la yaꞌbe snop te jBalac te tutꞌil a yakꞌ mulawuk te jꞌisraeletike, te la yaꞌbe sweꞌ te weꞌeliletik te milbil smajtanin lotil diosetike y sok te lijkik ta antsiwejele.

1 Corintios 5:1

Pujkemix akꞌoplalik te ay jtulex te jaꞌexe te yinaminej te xchaꞌmeꞌe. Te mulil to lom tulan skꞌoplal. Ni maꞌyuk machꞌa jich spasoj te gente te ma snaꞌbeyik sba te Diose.

Apocalipsis 9:21

Y ni maꞌ yijkitayik te milawe, ni te spasel akꞌ-chamele, ni te antsiwejele, ni te elekꞌe.

2 Pedro 2:3

Ay sbikꞌtal yoꞌtanik yuꞌun te takꞌine, jich ay tut ya slokꞌesbeyex sok te tut palso ya yakꞌik ta nopele. Pero namey chapal skꞌoplalik te ya xbajtik ta chꞌayel. Ni ma xjuꞌ ya skoltay sbaikix teꞌae.

Hebreos 12:16

Ma me ayuk jtuluk te jaꞌexe te ya apasik antsiwejele, sok ma me apꞌajik te tut yuꞌun Dios. Yuꞌun jich tutꞌil la spas te jꞌEsau te ta jun nax weꞌelil la xchon te tut ay yuꞌun te tutꞌil ba alal stukel.

2 Corintios 12:21

Jaꞌ ya jxiꞌ te kꞌalal ya xtal kilex xane ya me xkꞌexawon ta stojol Dios awuꞌunik, y ya me xꞌokꞌon yuꞌun te bayalexix te jaꞌexe te ayix tiempo lijk a le amulike, y maꞌ jilesejikuk te tut skuenta balmilale, te antsiwejele, sok te tut kꞌexlaltik sba ta pasele.

Tito 2:3

Jich mismo euk te meꞌ-meꞌeletike ya skꞌan te lek ya xꞌakꞌawanik ta jkuentae. Ma me tojoluk aꞌbiye, ni yakubel. Sok ya skꞌan te lekuk te tut ya yakꞌ ta ilele.

2 Timoteo 3:2

Te winketike stukel nax lek ya skꞌan sbaik, sok ya me xbikꞌtaj yoꞌtanik yuꞌun te takꞌine, sok ya me stoy sbaik y lom mukꞌ me ya yakꞌ sbaik. Ya me stoyba-kꞌoptayik te Diose, sok ma xchꞌuunbe smantal smeꞌ-statik. Ma me snaꞌik yalel kola yal y maꞌyuk tut ya xchꞌuunik.

Hechos 15:20

Jaꞌ nax a me jpasbeytik sjunik te ya kalbetik te ma me wakꞌ sweꞌik tiꞌbal te ma lekuke yuꞌun jaꞌ smajtaninej te lotil diosetike, sok a me sjilesik te antsiwejele, sok te makꞌ sweꞌbeyik stiꞌbalul chambalametik te tsꞌotbil nax snukꞌe sok te jich nax chamene, sok te makꞌ sweꞌeik te chꞌichꞌe.

2 Pedro 2:14

Te sitike jaꞌ nax yaꞌtel te ya skꞌeluyik te ants te ya skꞌupine. Ni ma xlubik ta sleulanel smulik. Ya sloꞌlayik bael te machꞌatik maꞌyuk spuersa yoꞌtanike. Kaꞌyem yoꞌtanik a te tutik ya skꞌupin. Jaꞌ uꞌuninbilik yuꞌun te chꞌayele.

2 Pedro 2:10

Dios ya yaꞌbe kastigo ta spisil te machꞌatik sigue ya spasik te tut ya skꞌan yoꞌtanik te ma lekuke, y te ma skꞌanik te ya yajwalinik te Kajwaltike. Lom tulanik, y ay spuersaik, y ni makꞌ ya xiꞌik te ya stoyba-kꞌoptayik te machꞌatik ay tulan yaꞌtelike.

1 Pedro 5:2

Kanantayaik me te karneraetik yuꞌun te Diose te jaꞌ yakꞌojbeyexix ta akuentaike. Pasaik sok spꞌejel awoꞌtanik jich tutꞌil ya skꞌan te Diose, y ma me ta sujeluk ya apasik. Ma me xbajt ta awoꞌtanik takꞌin. Gano me xꞌaꞌtejex.

Tito 1:11

Te machꞌatik jich ya yalike, ya skꞌan kombeyel te stiꞌike. Yuꞌun ya yixlanbe yoꞌtanik spꞌejel te machꞌatik jun nax ay snaike. Ya snojpeswanik te tut ma jichuk ya skꞌane, skuenta jich ya staik sloꞌlayel takꞌine.

Tito 1:7

Yuꞌun te machꞌa yichꞌoj yaꞌtel ta statalil yuꞌun te hermanoetike, jaꞌ ay yaꞌtel yuꞌun ta skanantayel te tutik yuꞌun te Diose. Jaꞌ yuꞌun ya skꞌan te tojuk ay bael te xkuxlejale. Ma me toybauk, ma me orauk ya xꞌilin, sok ma me wakꞌ yakubuk, ni ma me tojoluk pleto, sok ma me xbikꞌtaj yoꞌtan yuꞌun sloꞌlayel takꞌin.

1 Timoteo 3:3

Sok ma me jyakubeluk, sok ma me kꞌayemuk ta sjajchel pleto. Ayuk me slekil yoꞌtan, chꞌunuluk me, sok ma me yauk skꞌupin takꞌin.

1 Timoteo 2:10

Jaꞌ me a xchap sbaik yuꞌun te lekil aꞌtele jich tutꞌil te ya skꞌan spas te antstik te jun yoꞌtanik xchꞌuunejik te Diose.

Filipenses 1:27

Jaꞌ nax tulan skꞌoplal te ya xkuxuyinex jich tutꞌil ya yal te lek achꞌ kꞌop yuꞌun te Cristoe. Jich mismo teme tal kilex o teme maꞌ talone ya jkꞌan ya kaꞌiy te jaꞌex te sigue jun awoꞌtanik y te jun nax ayexe. Ya me apasik puersa ta apisilik te ya awakꞌik ta chꞌuunel te skꞌoplal kolele.

Romanos 16:2

ikꞌaik me ta lek ta skuenta te Kajwaltike. Jich tutꞌil te ya skꞌan jpastik ta jpisiltik sok te hermanoetik te jun nax xchꞌuunel koꞌtantike. Y koltayaik me ta spisil te tutik puersa yuꞌune, porke ayix bayal machꞌa skoltayej, y skoltayejonix euk.

Romanos 6:13

Maꞌ awakꞌik entregal te atiꞌbalulik yuꞌun te mulile yuꞌun ta spasel te tut ma lekuke. Jaꞌ lek akꞌa abaik entregal ta stojol Dios, jich tutꞌil jtul gente te chame y te chaꞌkuxe. Sok akꞌaik entregal te atiꞌbalulik te ya xtuun yuꞌun ta spasel te tut leke.

Romanos 1:29

Nojel ta yoꞌtanik spisil ta jkaj te tut ma tojuk ta pasele. Muliletik ta balmilal, y baem ta yoꞌtanik spasel spisil te tut ma tsaꞌamuke, y biktajem yoꞌtanik yuꞌun kꞌulejalil y sok laꞌoꞌtantawanejetik. Sok il-oꞌtantawanej, sok milaw, sok pletojel, sok lolawanej, sok ixlanwanej, sok tontol aꞌbiye.

Hechos 20:33

Maꞌyuk machꞌa bikꞌtaj koꞌtan yuꞌun stakꞌin, ni ayuk machꞌa kꞌupinbe skꞌuꞌ-spakꞌ.

San Lucas 16:14

Te fariseoetike jaꞌ nax ben baem ta yoꞌtanik te stakꞌinike, jaꞌ yuꞌun te kꞌalal la yaꞌiyik te tuti yal te Jesuse, lijk yikꞌtinik yuꞌun.

1 Timoteo 6:10

Porke te skꞌupinel te takꞌine jaꞌ me te ya xlijk spisil ta jkaj te tut ma lekuke. Y ay machꞌatik ta skaj sbikꞌtal yoꞌtan yuꞌun takꞌin te la xchꞌayikix te xchꞌuunel yoꞌtanike. Y la staix bayal swokolik sok te xkuxlejalike.

San Lucas 12:15

Sok la yaltalanbe: —Ila me abaik te jaꞌexe, ma me xbikꞌta awoꞌtanik yuꞌun te kꞌulejalile. Porke ma jaꞌuk ya xkuxuyinat yuꞌun teme ay bayal tut ay awuꞌune —xchi te Jesuse.