Efesios 5:28 - Nuevo Testamento Tzeltal de Amatenango

²⁸ Jich tutꞌil te mamlalile ya xkꞌuxutay te stiꞌbalule, jich ya skꞌan xkꞌuxutay ekꞌa te yiname. Te machꞌa ya xkꞌuxutay te yiname, stukel mismo ya xkꞌuxutay sba.

Bible in Tzeltal Bachajón

²⁸ Ha nix hich te winiquetic, c'ux me ac'a ya'iy ta yo'tanic te yihnamic hich te bin ut'il c'ux ya ya'iyic stuquel te sbaq'uetalique. Te mach'a c'ux ya ya'iy te yihnam, ha nix c'ux ya ya'iy sba,

Bible in Tzeltal de Oxchuc y Tenejapa

²⁸ Jich te winiquetic te nujbinemique ya sc'an te c'ux ya yaiy ta yo'tan te yinamique, jich bit'il c'ux ya yaiy stuquel te sbaq'uetale. Te mach'a c'ux ya yaiy ta yo'tan te yiname ja' nix c'ux ya yaiy sba a.

Efesios 5:28 Referans Kwoze

Efesios 5:25

Mamlaliletik, kꞌuxutayaik me lek te awinamike jich tutꞌil Cristo te lek xkuxutayej te hermanoetik y te la yakꞌ xkuxlejal yuꞌunike.

San Mateo 19:5

Y la yal te Diose: “Jaꞌ sluwar te ya sjiles smeꞌ-stat te winike y ya yikꞌ sba sok te yiname, y jun nax stiꞌbalulik ya xkꞌot ta xchebalik”, xchi me.

Efesios 5:33

Jaꞌ yuꞌun ta juju-tulex te jaꞌexe, kꞌuxutaya me te awinamike jich tutꞌil kꞌux ya awaꞌiy aba atukele. Y jich te antse, a me yakꞌ ta jkuenta te smamlale.

Efesios 5:31

Jich tutꞌil ya yal te Sjun Diose: “Jaꞌ yuꞌun te winike ya sjiles te smeꞌ-state yuꞌun jun nax ya xkꞌot sok te yiname, y ta xchebalik jun nax ya xkꞌot”, xchi me.

Efesios 5:29

Porke maꞌyuk machꞌa ya spꞌaj te stiꞌbalule. Ya smaklin sok ya skanantay, jich tutꞌil Cristo te ya spasbe te hermanoetike.

1 Pedro 3:7

Jich euk te jaꞌexe, mamlaliletik, naꞌaik me tutꞌ kuxulex sok te awinamike. Akꞌaik me ta jkuenta te tutꞌil ya skꞌane. Naꞌaik me te antse chꞌin nax me staelik. Sok naꞌaik me euk te ta skuenta slekil yoꞌtan te Diose te jich altalanbil jilel euk te jich ya xꞌaꞌbot xkuxlejal te antstik jich mismo tutꞌil jaꞌexe. Jich me xꞌapasik yuꞌun ma me ayuk tut ya smakex a te ya akꞌoponik te Diose.