Efesios 5:26 - Nuevo Testamento Tzeltal de Amatenango

²⁶ Jich a spas yuꞌun jich ya yichꞌ lekutesel ta skuenta te skꞌop y sok ta skuenta te ichꞌjaꞌe.

Bible in Tzeltal Bachajón

²⁶ yu'un ya sch'ultes, c'alal lecubtesbil yu'un ta scuenta spoquel ta ha' ta scuenta te sc'ope,

Bible in Tzeltal de Oxchuc y Tenejapa

²⁶ Jich la spas swenta yu'un ya xch'ultes soc ya spoc ta ja' ta swenta te sc'ope.

Efesios 5:26 Referans Kwoze

San Juan 15:3

Te jꞌaexe pokbilexix yuꞌun te jkꞌop te la kalbeyexe.

Hebreos 10:22

Jaꞌ yuꞌun ya skꞌan xtijilajotik ta stojol Dios sok spisiluk me koꞌtantik y sok xchꞌuunel koꞌtantik te batsꞌi seguroe. Sakubenuk me te koꞌtantik yuꞌun te tut ma lek ya jnoptike, y sapbiluk me te jtiꞌbalultik ta puro lekil jaꞌ.

San Juan 3:5

Te Jesuse la sjakꞌbe: —Jamal ya kalbeyat: Te machꞌa ma xchaꞌayin ta jaꞌe y sok ta skuenta te Espiritue ma spas ya xꞌoch te ba ay ta ajwalil te Diose.

1 Corintios 6:11

Y jich la apasik ta nail to euk te jaꞌexe. Pero te ora to la awichꞌikix sakutesel y lekutesbilix awoꞌtanik yuꞌun amulik ta skuenta te Kajwaltik Jesucristoe y sok ta skuenta te Chꞌul Espíritu yuꞌun te Dios kuꞌuntike.

Efesios 6:17

Jaꞌuk me smajkil ajolik te akolelike. Y te skꞌop Diose jaꞌuk me apuñalik te ya yaꞌbeyex te Chꞌul Espiritue.

1 Juan 5:6

Kꞌalal tal te Jesucristoe la yichꞌ jaꞌ sok la smal te xchꞌichꞌele. Ma jaꞌuk nax la yichꞌ te jaꞌe, la smal uuk te xchꞌichꞌele. Te Espiritue jaꞌ testigo yuꞌun to, y te Espiritue batsꞌi jich te tut ya yale.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Hebreos 10:10

Dios la slekutesotikix porke te Jesucristoe la spasbe te skꞌanojel yoꞌtan te Diose te la yakꞌ ta majtanil te stiꞌbalule te la yichꞌ milel jun nax buelta yuꞌun sbajtel kꞌinal.

1 Pedro 3:21

Y te skꞌoplal jaꞌ abi, ja xyal te ichꞌjaꞌe, te jaꞌ ta skuenta te kolemotikix te ora to. Ma yuꞌunuk ya spokbotik lokꞌel te yijkꞌal jtiꞌbalultike, sino ke jaꞌ kꞌanbeyel te Diose te ya slekutes te koꞌtantike. Jich ya skoltayotik te tutꞌil chaꞌkux tal te Jesucristoe.

Hebreos 9:14

Pero teme jich ay to, jaꞌ to xan mas ay yip stukel te xchꞌichꞌel Cristoe. Yuꞌun ta skuenta te Espíritu te sbajtel kꞌinal aye, Cristo la yakꞌ sba ta milel ta stojol Dios jich tutꞌil milbil smajtan Dios te maꞌyuk smule. Y te xchꞌichꞌele la sakutesbotik koꞌtantik yuꞌun te kaꞌteltik te ya yikꞌotik bael ta lajele. Yuꞌun jich me ya xjuꞌ te ya kakꞌ jbajtik ta abatinel yuꞌun te kuxul Diose.

Hechos 22:16

Y te ora to, ¿tut xan a te ya amaliye? Jajchan, kꞌana ichꞌjaꞌ. Kopojan ta skuenta te Kajwaltike, yuꞌun jich me ya spokbeyat lokꞌel a te amule”, xyuton te jꞌAnaniase.

1 Pedro 1:2

Jaꞌex te tsabilex yuꞌun te Jtatik Diose te nameyix jich snopoj ta yoꞌtane, sok te chꞌulutesbilexix ta skuenta te Espiritue. Yuꞌun me ya achꞌuunik y ya me awichꞌik sakutesel ta skuenta xchꞌichꞌel te Jesucristoe. Ichꞌaik te bayal slekil yoꞌtan te Jesucristoe y sok te bujtsꞌan kꞌinal yuꞌune.

Judas 1:1

Joꞌon Judason, yaj-aꞌtelon te Jesucristoe y sok jaꞌ jbankil te Jacoboe. La jtsꞌibay te karta to jaꞌ yuꞌun te machꞌatik kꞌuxutaybil yuꞌun te Jtatik Dios sok te ikꞌtalanbilix yuꞌune, sok jaꞌ te machꞌatik kanantaylanbilix yuꞌun te Jesucristoe.

Hechos 26:18

Yuꞌun ya xba awikꞌtalanbe sit, jich makꞌ xbeenikix ta ijkꞌal kꞌinal a, ta sakil kꞌinal xlaj beenix a. Yuꞌun ma sigueuk ya xjapuyot yuꞌun a te pukuje, jaꞌ ya xjapuyotix yuꞌun a te Diose. Yuꞌun teme la xchꞌuunikone, jich me ya staik perdon yuꞌun a te smulike. Sok ya me kakꞌ ayinuk te ba aylan te chꞌul jtejklum yuꞌun Diose”, xyuton te Jesuse.

San Juan 17:7

Te ora to la snaꞌbeyikix sluwar te jaꞌat awuꞌun spisil te tuti awakꞌojbone,

Santiago 1:18

Jich ya skꞌan yoꞌtan te la yakꞌ chaꞌayinukotik ta skuenta te skꞌop te batsꞌi jiche, yuꞌun joꞌotik sba sitotik te yaꞌtel spasoje.

San Juan 15:8

Te jTate jich me ya xꞌakꞌot ta jkuenta a te kꞌalal bayal ya sitinexe. Jich me batsꞌi jnopojel ya xkꞌoex kuꞌun.

San Juan 13:10

Pero te Jesuse la sjakꞌbe: —Te machꞌa nuxemixe ma puersauk te ya xpokot xan skojtole. Tey a teme ya xpokbot te yoke, porke skojtolix sakuben. Y te jaꞌexe sakubenexix, aunke ma apisilikuk —xchi.

Romanos 10:8

¿Tut xchi ya awaꞌiy? Jich ya yal te Moisese: “Te skꞌop Diose serka ayix ta atojol sok ta atiꞌ sok ta awoꞌtan”, xchi me. Jaꞌ me te kꞌop te ya kaltik te ya skꞌan chꞌuunele.

2 Corintios 11:2

Tulan akꞌoplalik ta koꞌtan, jich tutꞌil tulan akꞌoplalik ta yoꞌtan te Diose. Joꞌon a kakꞌexix ta makel kꞌoem te ya xnujpun sok te jtul nax mamlalile, jaꞌ te Cristoe. Yuꞌun jich ya kakꞌex entregal ta stojol Cristo, jich tutꞌil jtul achꞌix te maꞌyuk smule.

Colosenses 3:16

Siluk tiempo ayuk ta awoꞌtanik te skꞌoplal te Cristoe. Sok spꞌijil awoꞌtanik tsitsa abaik y aꞌbeya abaik spuersa awoꞌtanik ta juju-tul. Sok awoꞌtanik kꞌayojinaik te Diose ta salmoetik sok kꞌayojetik sok yanetik kꞌayoj ta skuenta Espíritu.

Hebreos 4:12

Porke te skꞌop Diose, kuxul y ay spoder. Jaꞌ mas ay ye ke te puñal te chaꞌmejch yee. Najt ya xꞌoch kꞌalal ta oꞌtanil y sok ta chꞌulelal, jaꞌ to te ba kꞌalal kuxul te gentee, y ya xchiknates ta jamal te pensaretik y te tutik ya snop te oꞌtanile.

Hebreos 10:14

Porke ta skuenta te jun nax smajtan Diose, jich a stojutes yuꞌun sbajtel kꞌinal te machꞌatik ya xlekubik ta stojol Diose.

Hebreos 10:29

¿Me yuꞌun ma xkꞌot ta awoꞌtanik te jaꞌexe te mas to xan tulan kastigo ya sta te machꞌatik ya xpuchꞌik ta tekꞌel te Xnichꞌan Dios y te ya spꞌajbeyik te xchꞌichꞌele, sok te machꞌatik ya yixta-kꞌoptay te Espíritu yuꞌun Dios te jaꞌ kꞌuxutaylanbil yuꞌune? Te xchꞌichꞌele jaꞌ te la xchap jil a te tratee, sok te ya slekuteswane.

Hebreos 13:12

Jich euk te Jesuse kꞌax swokol ta milel ta ba stiꞌil jtejklume, yuꞌun ya xchꞌulutes a te machꞌatik yuꞌune ta skuenta te xchꞌichꞌele.

2 Pedro 1:9

Pero te machꞌa ma jichuk ay yuꞌune, jachik kꞌoem tutꞌil jtul chok o te machꞌa ma xyil kꞌinal ta jakale. Chꞌayix ta yoꞌtan te tutꞌil pokbilix yuꞌun te smul te sleoj te nail toe.