Efesios 4:13 - Nuevo Testamento Tzeltal de Amatenango

¹³ Jaꞌ to te jpisiltik te jun nax ya xkꞌootik ta skuenta te xchꞌuunel-oꞌtanile y te pajal ya jnaꞌbeytik sba te Xnichꞌan Diose. Yuꞌun jich ya jtajtik a te ya xmukꞌubotike te yan yan ya jta bael kiptik jaꞌ to teme la jtabetik smukꞌul te Cristoe.

Bible in Tzeltal Bachajón

¹³ ha to teme pajal ay sch'uhunel co'tantic ta jpisiltic soc te pajal ya jna'betic sba te Snich'an Dios, te ha muc'ul ants-winicotic ya xc'ohotic, te ya jtahtic c'ohel te stalel te Cristo.

Bible in Tzeltal de Oxchuc y Tenejapa

¹³ Ja' to teme jpisiltic jun nax ya xc'ootic ta swenta te xch'uunjel co'tantique, soc ja' to teme jna'ojbeytiquix sba ta lec te Snich'an Diose. Jich me lequil ants-winic ya xc'ootic ta stojol te Diose. Yan yan jtabel quiptic, ja' to teme la jtabeytic smuc'ul te Cristoe.

Efesios 4:13 Referans Kwoze

Colosenses 1:28

Te joꞌotike ya kalbetik skꞌoplal te Cristoe, ya jtsitstik y ya jnojpestik ta spisilik ta spꞌejel pꞌijilil, yuꞌun jich me tojobenikix ya xlaj kꞌot ta skuenta a te Cristoe.

San Juan 17:21

JTat, ya jkꞌambeyat te junuk nax ayik ta spisilike, sok te junuk nax ayotik soke, jich tutꞌil te jun nax ayotik te joꞌotike, jich benuk jun yoꞌtanik euk. Para ke jich te machꞌatik ayik ta skuenta te balmilale ya me xchꞌuunik te jaꞌat la atikonon tale.

Efesios 4:5

Jtul nax te ajwalil awuꞌunik, jun nax te tut achꞌuunejike, jun nax te ichꞌjaꞌ awichꞌojike,

Efesios 4:3

Oꞌtaninaik te jun nax ayex sil tiempoe. Jaꞌ ya skoltayex te Chꞌul Espiritue, te jun nax ya xkꞌoex ta skuenta te butsꞌan kꞌinal te ya yakꞌe.

2 Pedro 3:18

Pero naꞌbeyaik sba lek te Kajwaltik Jesucristo te jKoltawanej kuꞌuntike. Y mukꞌubanik xan sok te slekil yoꞌtane. Ben tsaꞌam slekil stukel te ora to y sok ta sbajtel kꞌinal. Jichuk.

Colosenses 2:2

Yuꞌun ya jkꞌan te ya yichꞌ spuersa te awoꞌtanike, yuꞌun ya me xchiknaj te jun nax ayex ta skuenta te skꞌuxul awoꞌtanike, sok yuꞌun te ben tsꞌakal ya anaꞌik te tut mukul ay yuꞌun Dios, te jaꞌ te skꞌoplal te Cristoe.

Hebreos 5:14

Te tulan weꞌelile jaꞌ yuꞌun te mukꞌul gentee, jaꞌ te machꞌatik ya snaꞌik tutꞌil aye. Porke kꞌayemikix ta snaꞌel te tut lek sok te tut ma lekuke.

Filipenses 3:8

Sok jich maꞌyukix stuunel ta koꞌtan spisil. Jaꞌ nax ben tsaꞌam stukel ta ya jnaꞌbey sba te Kajwal Cristo Jesuse. Ta skuenta te Cristoe la jchꞌayix jilel spisil. Y ta spisil jich ya jkuyix ta kꞌaꞌpal, yuꞌun jich me ay stuunel kuꞌun te Cristoe,

1 Corintios 14:20

Kermanotak, ma me jichukex te tutꞌil ay te untike. Jachikukex me te tutꞌil untik te ma to ayuk ya spas te tut ma tsaꞌamuke. Pero jichukex me te tutꞌil mukꞌul gente te ayix srasone.

Efesios 1:23

Yuꞌun te juju-tijkꞌ hermanoetike jaꞌ stiꞌbalul kꞌoem te Cristoe. Jich tsꞌakalix a kꞌot a te Cristoe, y te Cristoe jaꞌ tsꞌakal yuꞌun spisil te tutik aye.

Hechos 4:32

Spisil te hermanoetike te lom bayalikixe jun nax te tut ya snopike y jun nax te xchꞌulelike. Maꞌyuk machꞌa yal te stukel yuꞌun te stutik yuꞌune, sinoke jun nax yuꞌunik ta spisilik.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.

Efesios 4:12

Jich la xchap te ay machꞌatik ya skoltay te yanetik yuꞌun ya smukꞌutes te machꞌatik yuꞌun te Cristoe.

Efesios 2:15

Ta stiꞌbalul te Cristoe la slajinbe skꞌoplal te mantaliletik te ya yakꞌ jpastik spisil te tut ya yale. Y jich a spas ta jun nax yachꞌil jtejklum te xchebal jtejklume. Jun nax a kꞌot ta skuenta, sok jich a yakꞌ bujtsꞌan kꞌinal.

2 Corintios 4:6

Porke stukel mismo te Diose te la yakꞌ tal sakubuk kꞌinal te ba ay te ijkꞌal kꞌinale, jaꞌ nax te la yakꞌ sakubuk kꞌinal ta koꞌtantike yuꞌun ta skuenta jich ya xjuꞌ ya jnaꞌbetik sba a te stsaꞌamul Dios te ya xchiknaj ta sit-yelaw te Jesucristoe.

1 Corintios 1:10

Kermanotak, ta sbiil te Kajwaltik Jesucristoe, awokoliluk te yauk xꞌochex ta akuerdo sok te maꞌ xatꞌojuk abaike. Junuk me awoꞌtan abaik sok junuk nax me te tut ya anopike sok te tut ya awalike.

San Juan 17:3

Jaꞌ ya xkuxuyinik sbajtel kꞌinal yuꞌun te ya snaꞌbeyat aba, te úniko jaꞌat batsꞌi Diosate, sok te ya snaꞌbikon jba euk, joꞌon te Jesucristoon te la atikonon tale.

San Juan 16:3

Jich ya spasik yuꞌun ni ma snaꞌbeyik sba te jTate sok ma snaꞌbikon jba euk.

San Mateo 11:27

Sok la yal xan: —Te jTate yakꞌojbon ta jkꞌab spisil te tutik aye. Maꞌyuk machꞌa ya snaꞌbon jba joꞌon te Nichꞌanilone, jaꞌ nax ya snaꞌbon jba te jTate. Sok maꞌyuk machꞌa ya snaꞌbe sba te jTate, joꞌon nax jtukel te ya jnaꞌbe sbae, sok euk te machꞌa jayeb ya kaꞌbe snaꞌbeyik sbae.

San Juan 1:16

Jpisiltik kichꞌojbetik te bendision te ya xtal ta skuenta te slekil yoꞌtane.

San Juan 6:69

Te joꞌotike la jchꞌuuntikix, y jnaꞌojtik te jaꞌat Cristoat te xNichꞌanat Chꞌul Diose —xchi.

1 Corintios 2:6

Pero, te ba ay te machꞌatik xchꞌuunejix lek te Diose, jich ya xtuun kuꞌuntik te pꞌijil kꞌope. Pero ma jaꞌuk ya kaltik te pꞌijil kꞌop skuenta te balmilal to, ni ma jaꞌuk te machꞌatik sjapuyejike te nopol ya xlaj chꞌayik baele.

Gálatas 4:19

Kuntikilex te ben kꞌuxex ta koꞌtane, ayonix ta wokol nax tak yuꞌun te jaꞌexe, jich tutꞌil jtul meꞌil te ya xlijk swokole. Y sigue ayon bael ta wokol jaꞌ to teme Cristo ya stojutesexe.

Efesios 1:17

Ya jkꞌanbe te Diose yuꞌun te Kajwaltik Jesucristoe, te Tatil te lom bayal slekilale, aꞌ yaꞌbeyex te pꞌijilil ta skuenta te Espiritue, skuenta yuꞌun jich ya anaꞌik a te tut ya yakꞌ ta naꞌele, y ya me anaꞌbeyik sba ta lek.

Filipenses 3:10

Te tut ya jkꞌane, jaꞌ te yauk jnaꞌbey sba te Cristoe, sok te yauk kaꞌiy tutꞌil ay te spoder te la yichꞌ chaꞌkusesel yuꞌune, sok te pajaluk ya xkꞌax jwokol soke, y asta jich ya xkꞌoon ekꞌa te tutꞌil a laje.

2 Pedro 1:4

Ta skuenta te tutik to, la yalbotik te tut ya yaꞌbotik ta patile, te kꞌax lom tsaꞌam y lom mukꞌe. Yuꞌun jich pajal kileltik ya xkꞌootik sok te tutꞌil ay te Diose, sok te libre ya xjilotik yuꞌun spisil te tutik ma lekuk te kꞌayemik ta spasel liꞌ ba balmilale.