Efesios 3:19 - Nuevo Testamento Tzeltal de Amatenango

¹⁹ Ya jkꞌanbe te yauk anaꞌik te tutꞌil ay te skꞌuxul yoꞌtane te jaꞌ lom bayal mas mukꞌ ta spisil ke te tut ya jnaꞌtike, skuenta yuꞌun jich ben tsꞌakal ya awichꞌbeyik slekilal te Diose.

Bible in Tzeltal Bachajón

¹⁹ soc te ya xhu' awu'unic sna'beyel sba te sc'uxul yo'tan te c'ax hich a te bin ut'il ya xhu' ta na'el, scuenta yu'un ts'acal yac awich'ic spisil bintic ay yu'un Dios.

Bible in Tzeltal de Oxchuc y Tenejapa

¹⁹ Ja' te yacuc ana'ic stojol ta lec te bit'il ay te xc'uxul yo'tan cu'untic te Cristoe, c'axem to xan a te bitic ay ta na'ele, swenta yu'un jich me ts'acal ya awich'beyic yutsilal te Diose.

Efesios 3:19 Referans Kwoze

Efesios 1:23

Yuꞌun te juju-tijkꞌ hermanoetike jaꞌ stiꞌbalul kꞌoem te Cristoe. Jich tsꞌakalix a kꞌot a te Cristoe, y te Cristoe jaꞌ tsꞌakal yuꞌun spisil te tutik aye.

Colosenses 1:10

Jich ya xjuꞌ awuꞌunik te toj ya xꞌanex jich tutꞌil ya skꞌan spasik te machꞌatik yuꞌun te Kajwaltike, sok jich ya xjuꞌ awuꞌunik spasel ta sil tiempo te tut lek ya yil stukele. Jich me ya apasik spisil ta skajal skaj te lekil aꞌtele, y jich me ya anaꞌbeyik sba ta lek a te Diose.

2 Corintios 5:14

Jaꞌ ya spasotik ta mantal te xkꞌuxul yoꞌtan kuꞌuntik te Cristoe. Te tutꞌil jnaꞌojtik te jtul a cham yuꞌun ta spisilike, jicha a chamik ta spisilik kꞌoem euk.

San Juan 1:16

Jpisiltik kichꞌojbetik te bendision te ya xtal ta skuenta te slekil yoꞌtane.

Filipenses 4:7

Jich me ya yaꞌbeyex butsꞌan kꞌinal te Diose te jaꞌ ben tsaꞌam te ma xjuꞌ yuꞌun snaꞌel te winike. Y te bujtsꞌan kꞌinal to ya me snojesbeyex te awoꞌtanik sok te apensarik, porke te jaꞌexe jun nax ayex ta skuenta te Cristo Jesuse.

Gálatas 2:20

Sok te Cristoe pajal jojkꞌajemon sok ta krus. Y ma joꞌukon xanix ta jkuenta kuxulon, jaꞌix ta skuenta Cristo te kuxulone. Y ta ora to te tutꞌil kuxulon sok te jtiꞌbalule, jaꞌ kuxulonix ta xchꞌuunel koꞌtan ta skuenta te Xnichꞌan Diose. Jaꞌ la xkꞌuxutayon y la yakꞌ sba entregal ta milel ta joꞌon ta jkaj.

Efesios 5:2

Sokuk me xkꞌuxul awoꞌtanik xꞌanex, jich mismo tutꞌil Cristo la xkꞌuxutayotike y te la yakꞌ sba ta lajel ta jkajtik te joꞌotike, jich tutꞌil smajtan Dios y te majtanil te lom tsaꞌam yikꞌ ta stojol te Diose.

Efesios 3:18

Jich ya xjuꞌ awuꞌunik ta snaꞌel sok spisil te hermanoetike te lom jamal, lom najtꞌ, y lom toyol kꞌoel, y lom toyol moem te skꞌuxul yoꞌtan te Cristoe.

2 Pedro 3:18

Pero naꞌbeyaik sba lek te Kajwaltik Jesucristo te jKoltawanej kuꞌuntike. Y mukꞌubanik xan sok te slekil yoꞌtane. Ben tsaꞌam slekil stukel te ora to y sok ta sbajtel kꞌinal. Jichuk.

San Juan 17:3

Jaꞌ ya xkuxuyinik sbajtel kꞌinal yuꞌun te ya snaꞌbeyat aba, te úniko jaꞌat batsꞌi Diosate, sok te ya snaꞌbikon jba euk, joꞌon te Jesucristoon te la atikonon tale.

San Mateo 5:6

“Ben me tsaꞌam slekilik te machꞌatik jun yoꞌtanik ta spasel te tut ya skꞌan te Diose, jich me ya xkoltayot yuꞌun.

Efesios 5:25

Mamlaliletik, kꞌuxutayaik me lek te awinamike jich tutꞌil Cristo te lek xkuxutayej te hermanoetik y te la yakꞌ xkuxlejal yuꞌunike.

Filipenses 1:7

Ben lek ya kaꞌiy te jich ayex ta koꞌtan ta apisilik te jaꞌexe, porke ben jkꞌanojex ta koꞌtan. Porke pajal kichꞌojtik mismo bendisionetik, aunke liꞌ ayonix ta prexo to, o manchuk me ya kichꞌ ikꞌel ta stojol te jꞌuꞌeletike yuꞌun jich me ya jkoltay jba y ya kal te skꞌoplal te kolele.

Romanos 8:35

¿Machꞌa kꞌan juꞌuk yuꞌun te ya spitotik a te slekil yoꞌtan te Cristoe? Maꞌyukix. Ni jaꞌ te wokole, ni jaꞌ te oꞌol jbajtike, ni jaꞌ te tenele, ni jaꞌ te wiꞌnale, ni jaꞌ te maꞌyuk lek jkꞌuꞌ-jpakꞌtike, ni jaꞌ te milele, ni jaꞌ te lajele.

Romanos 8:39

Ni jaꞌuk te tut toyol aye, ni jaꞌuk te lom najt koem baele, ni jaꞌuk jkajuk te tut spasoj te Diose. Maꞌyuk tut ya xjuꞌ ya spitotik a te slekil yoꞌtan Dios te la yaꞌbotik kiltik ta skuenta te Kajwaltik Cristo Jesuse.

1 Pedro 1:8

Te jaꞌexe kꞌux ya awaꞌiyik ta awoꞌtanik te Jesucristoe aunke ma to awilojikuk; y te ora to, achꞌuunejik te Jesucristoe aunke ma to awilojikuk. Lom kontento ayex sok sbujtsꞌ awoꞌtanik te lom mukꞌe, y te ben tsaꞌam slekil te ma xjuꞌ xlaj ta alel skꞌoplale,