Efesios 3:12 - Nuevo Testamento Tzeltal de Amatenango

¹² Jaꞌ ta skuenta Cristo te ya xjuꞌ kuꞌuntik te ya xtijilajotik ta stojol te Diose. Jun koꞌtantik ya xꞌochotik tey a ta skuenta te xchꞌuunel koꞌtantike.

Bible in Tzeltal Bachajón

¹² Ta scuenta Cristo soc ta scuenta sch'uhunel co'tantic ta stojol, jun co'tantic ya xhu' ya xnohpojotic ta stojol Dios.

Bible in Tzeltal de Oxchuc y Tenejapa

¹² Soc ja' ta swenta Cristo te ya xju' ya xnoptsajotic ta stojol te Diose. Jun co'tantic ya x'ochotic tey a ta swenta bit'il te xch'uunjel co'tantique.

Efesios 3:12 Referans Kwoze

Efesios 2:18

Yuꞌun ta skuenta te Cristoe, jpisiltik ta xchebal jtejklum ya xjuꞌ xtijilajotik ta stojol te Tatile ta skuenta jun nax te Espiritue.

Romanos 5:2

Yuꞌun ta skuenta Cristo te kꞌot ta jkuentatik te slekil yoꞌtan Dios, ta skuenta nax te xchꞌuunel koꞌtantike. Y jich jun koꞌtantik ayotik sok ben butsꞌan kꞌinal ya jmalitik ya kichꞌtik te slekilal Diose.

San Juan 14:6

Te Jesuse la sjakꞌbe: —Joꞌon te beone, y joꞌon te tut batsꞌi jiche, y sok te kuxlejale. Maꞌyuk machꞌa ya xkꞌot ta stojol te jTat teme ma joꞌukon ta jkuentae.

2 Corintios 3:4

Jich kꞌoem ta koꞌtantik ta skuenta Cristo ta stojol Dios. Seguro ayotik te jich aye.

Romanos 3:22

Dios ya yakꞌotik ta libre yuꞌun jmultik teme la jchꞌuuntik te Jesucristoe. Y jich pajal skꞌoplal ta spisilik te machꞌatik ya xchꞌuune,

Hebreos 3:6

Yan te Cristo te Xnichꞌan Diose, jun yoꞌtan skuentainej spisil te sna Diose, jaꞌ te joꞌotike, teme jmel nax jun koꞌtantik kꞌalal ta slajibal kꞌaale, te ben tsaꞌam yipalotik ta smaliyele.

Hebreos 10:35

Ma meꞌ chꞌay yip awoꞌtanik ta stojol Dios, porke jaꞌ me ya yichꞌbeyex te jun mukꞌul majtanile.

1 Pedro 3:18

Porke te Cristoe kꞌax swokol ta milel yuꞌun te jmultik te jun nax buelta ta sbajtel kꞌinale. Lek yoꞌtan stukel, pero kꞌax swokol yuꞌun te machꞌatik ma lekuke, yuꞌun ya yikꞌex bael ta stojol Dios te jaꞌexe. Jich tutꞌil winik cham te stiꞌbalule; pero chaꞌkux sok te xchꞌulele.

1 Juan 2:28

Te ora to, kuntikil, jun nax xꞌanex sok te Cristo ta jmel nax. Yuꞌun me jun koꞌtantik a te kꞌalal ya xchiknaj tale, y jich makꞌ jtajtik kꞌexlal ta sit stukel te kꞌalal ya xtale.

1 Juan 3:21

Kermanotak te kꞌuxex ta koꞌtane, teme maꞌyuk tut ya yalbotik te koꞌtantike, ay smukꞌul koꞌtantik ta stojol te Diose.