Efesios 2:5 - Nuevo Testamento Tzeltal de Amatenango

⁵ La yaꞌbotik jkuxlejaltik jun nax sok te Cristoe te kꞌalal jich to chamenotik ta skaj te jmultike. Ta skuenta nax slekil yoꞌtan Dios te la yaꞌbeyex te kolele.

Bible in Tzeltal Bachajón

⁵ pajal la ya'botic cuxlejal soc Cristo te c'alal ayotic to ta mulil a (ha ta scuenta yutsil-o'tanil te colemex).

Bible in Tzeltal de Oxchuc y Tenejapa

⁵ Te bit'il lajemotic yu'un te mulile, jich la yac'botic jcuxlejaltic ta swenta Cristo. (Ta swenta nax yutsil yo'tan Dios te colemexe.)

Efesios 2:5 Referans Kwoze

Romanos 3:24

Pero te Diose, ta slekil yoꞌtan y majtanil nax te la yakꞌotik ta libre yuꞌun te jmultike, ta skuenta te tojbilix jmultik yuꞌun te Cristo Jesuse.

Efesios 2:8

Yuꞌun ta slekil yoꞌtan Dios te kolemexix ta skuenta xchꞌuunel awoꞌtanike. Ma yuꞌunuk jaꞌukex mismo te la aleik te akolelike, yuꞌun jaꞌ majtanil ya yakꞌ te Diose.

Romanos 5:10

Porke te Diose, te kꞌalal jkontrainejtik to aye, la yaꞌbotik bujtsꞌan kꞌinal ta skuenta te tutꞌil a cham te Xnichꞌane. Mas to xan a kolotik a te la yakꞌ xkuxlejale. Te ora to junix koꞌtantik sok

Romanos 5:8

Pero te Diose la yakꞌix ta ilel te ben skꞌanojotik ta yoꞌtane, te tutꞌil cham Cristo ta jkajtik te kꞌalal ayotik to ta mulil aye.

Hechos 15:11

Te joꞌotike jchꞌuunejtik te libre ayotikix yuꞌun jmultik ta skuenta slekil yoꞌtan te Kajwaltik Jesuse. Jich tutꞌil la yichꞌikix koltayel euk te jyanlumetike —xchi te jPedroe.

Efesios 2:1

Ta nail to te jaꞌexe chamenex kꞌoem ta skaj te kꞌayemex ta pasel tutik ma tsaꞌamuke y sok te muliletike,

Romanos 8:2

Porke kꞌalal la kakꞌ jbatik ta skuenta te Espiritue, te ya yakꞌ kuxlejal ta skuenta te Cristo Jesuse, jaꞌ la skoltayotik ta skꞌab te mulile sok te lajele.

Tito 2:11

Yuꞌun Dios a yaꞌbotik kiltik te slekil yoꞌtane, te jaꞌ yichꞌoj tal te kolel yuꞌun ta spisil te genteetike.

Efesios 5:14

Porke te sakil kꞌinale ya yakꞌ ta ilel spisil. Jaꞌ yuꞌun jich ya xꞌalot: “Kuxa awoꞌtan jaꞌat te wayalate. Jajchan tal te ba ay te animaetike, y Cristo ya yakꞌ sakubuk kꞌinal ta atojol”, xchi me.

Romanos 4:16

Jaꞌ yuꞌun te tut japbil ta stojol te jꞌAbrahame jich me ya xꞌaꞌbot spisil te stsꞌumbale, jaꞌ te tut majtanil ya xꞌaꞌbot yuꞌun te xchꞌuunel-oꞌtanile. Te tut yaloj te Diose ma jaꞌuk nax yuꞌun te machꞌatik ya xchꞌuun te mantaliletike. Jaꞌ yuꞌun spisil euk te machꞌatik ya xchꞌuun jich tutꞌil la xchꞌuun te jꞌAbrahame. Jaꞌ sluwaril te jaꞌ tatil kꞌoem kuꞌuntik ta jpisiltik te jꞌAbrahame,

2 Corintios 13:14

A me kꞌotuk ta akuentaik te slekil yoꞌtan te Kajwaltik Jesucristoe sok te xkꞌuxul yoꞌtan te Diose, sok a me sjoyinex sil tiempo te Chꞌul Espiritue. Jichuk.

Tito 3:5

La skoltayotik, ma yuꞌunuk lek te tut ya jpastik te joꞌotike, sino ke la yakꞌ slekil yoꞌtan ta jtojoltik. Pokbilotik kꞌootik kꞌalal la xchaꞌ yayintesotik ta achꞌe. Jaꞌ ta skuenta te Chꞌul Espiritue te la yaꞌbotik te achꞌ kuxlejale.

Romanos 5:6

Yuꞌun te kꞌalal maꞌyuk jpuersatik te ya jkoltay jbajtike, la sta yorail te cham te Cristoe ta skaj te machꞌatik ma lekikuke.

Romanos 16:20

Te Dios te ay bujtsꞌan kꞌinal ta skuentae, nopolix te ya yaꞌbeyex apuchꞌik ta tekꞌel te pukuje. Te Kajwaltik Jesucristoe a me yaꞌbeyex bendision.

San Juan 6:63

Jaꞌ kuxulat yuꞌun te Espiritue; yan te atiꞌbalule ma tut snaꞌ stukel. Y te tutik la kalbeyexe jaꞌ yuꞌun te Espiritue, jaꞌ ya xkuxuyinex yuꞌun.

San Juan 5:21

Porke jich tutꞌil te Tatile ya xchaꞌkuses te animaetike y ya yaꞌbe xkuxlejal; jich euk te Nichꞌanile, ya yaꞌbe xkuxlejal te machꞌa ya skꞌan ya yaꞌbeye.

Apocalipsis 22:21

Te Kajwaltik Jesuse a me yaꞌbeyex te slekilal ta atojolik ta apisilik te jaꞌexe. Jichuk.

San Lucas 15:24

Porke te jnichꞌan to chamenix a jkuy a, pero chaꞌkuxix tal. Chꞌayemix bael, pero la to jtajtik”, xchi te state. Jich a lijk spasik te kꞌine.

Colosenses 2:13

Te jaꞌex te namey tale, chamenex kꞌoem ta skaj te amulike sok ta skaj te ma ba ochemex ta jtejklum yuꞌun Diose. Pero te ora to, Dios a yaꞌbeyexix akuxlejalik jun nax sok te Cristoe, yuꞌun la spasbeyex perdon yuꞌun spisil te amulike.