Efesios 1:12 - Nuevo Testamento Tzeltal de Amatenango

¹² Jich a spas, yuꞌun te joꞌotik te nail la jchꞌuuntik te Cristoe, jujun kꞌaal te kuxulotike ya me kalbetik te slekilal te Diose.

Bible in Tzeltal Bachajón

¹² scuenta yu'un ya xhalbot yutsil sc'oblal ta jcuentacotic, ho'otcotic te nahil smuc'ulinej co'tancotic te Cristohe.

Bible in Tzeltal de Oxchuc y Tenejapa

¹² Yu'un jich la sc'an yo'tan te Diose, swenta yu'un te jo'otic te neel la jch'uuntic te Cristoe, ya me calbeytic te smuc'ul yutsilale te jayeb c'aal cuxulotique.

Efesios 1:12 Referans Kwoze

Efesios 1:6

Jich yuꞌun, sil tiempo ya jkꞌayojintik te slekilal te Diose, yuꞌun jich a yaꞌbotik bendision ta skuenta te Xnichꞌan te ben bayal skꞌanoje.

2 Tesalonicenses 2:13

Pero te joꞌotike sil tiempo ya skꞌan kalbetik kola yal Dios ta akuentaik, kermanotak te ben kꞌuxex ta koꞌtan ta skuenta te Kajwaltike. Porke Dios a stsaex yuꞌun jich me nail ya kꞌo ataik te kolel ta skuenta te Espíritu ya slekutesexe, sok ta skuenta te tut batsꞌi jich te la achꞌuunikixe.

Efesios 3:21

Aꞌ chiknajuk slekilal te Dios te ba ay te juju-tijkꞌ hermanoetike, sok ta skuenta te Cristo Jesuse ta sil tiempo y ta sbajtel kꞌinal. Jichuk.

Santiago 1:18

Jich ya skꞌan yoꞌtan te la yakꞌ chaꞌayinukotik ta skuenta te skꞌop te batsꞌi jiche, yuꞌun joꞌotik sba sitotik te yaꞌtel spasoje.

Efesios 2:7

Jich me ya xchiknaj ta ilel ta patil bael te lom bayal skꞌuxul yoꞌtan yakꞌojbotike, sok ay slekil yoꞌtan ta jtojoltik ta skuenta te Cristo Jesuse.

San Juan 14:1

La yal xan te Jesuse: —Ma me wakꞌ yajtal awoꞌtanik. Ja me xꞌachꞌuunik te Diose, y chꞌuunaikon me euk te joꞌone.

1 Pedro 1:21

Ta skuenta te Cristoe te ya achꞌuunik Dios te jaꞌexe. Jaꞌ te la yichꞌ chaꞌkuxesel te ba ay te animaetike, sok akꞌot ta akꞌel ta jkuenta. Jich yuꞌun te jaꞌexe awakꞌoj xchꞌuunel awoꞌtanik sok yipalex ta smaliyel te tut ya yaꞌbeyex te Diose.

2 Timoteo 1:12

Jaꞌ yuꞌun te ay jwokol ta ora to. Pero makꞌ me xkꞌexawon yuꞌun, porke te joꞌone jnaꞌoj machꞌa a te smukꞌulinej koꞌtane, y seguro ayon te stukel ay spoder yuꞌun ya skꞌejbon te tutꞌil yakꞌojbone, jaꞌ to te tut kꞌaalil te ya xchaꞌtal xane.