Efesios 1:10 - Nuevo Testamento Tzeltal de Amatenango

¹⁰ Te tut xchapoje ya me xkꞌot ta pasel te ya sta stiempoil yuꞌune. Dios ya me yakꞌ ta skuenta Cristo spisil te tutik ay ta chꞌulchan sok ta balmilal.

Bible in Tzeltal Bachajón

¹⁰ te ha ta scuenta Cristo ya stsob spisil bintic ay ta ch'ulchan soc spisil bintic ay ta bahlumilal te c'alal ya sta yorahil te chapal yu'une.

Bible in Tzeltal de Oxchuc y Tenejapa

¹⁰ Ja' la xchap te c'alal ya sta yorail yu'une, ya me x'och ta swenta Cristo spisil te bitic ay ta ch'ulchane soc ta balumilal.

Efesios 1:10 Referans Kwoze

Colosenses 1:20

Y ta skuenta Cristo jich la skꞌan ya yakꞌ bujtsꞌan kꞌinal ta spisil te tutik aye, spisil te tutik ay ta balmilal sok te tutik ay ta chꞌulchane. La yakꞌ bujtsꞌan kꞌinal ta skuenta te xchꞌichꞌel Cristo te la smal ta kruse.

Gálatas 4:4

Pero te kꞌalal la sta stiempoile, Dios a stikon tal te Xnichꞌane te alatayot yuꞌun jtul antse, sok te ay ta skuenta te mantaliletik yuꞌun te Moisese.

San Marcos 1:15

La yal: —Skꞌaalelix te ya xlijkix ta pasaw ta mantal te Diose. Jaꞌ yuꞌun sujtesa me awoꞌtanik yuꞌun te amulike. Chꞌuunaik sok awoꞌtanik te lekil kꞌope —xchi te Jesuse.

Hebreos 1:2

Te ora to, jaꞌ te slajibal kꞌaal, la skꞌoponotik ta skuenta te Xnichꞌane. Ta skuenta te Xnichꞌane, Dios la spas chꞌulchan balmilal, y jaꞌ a yaꞌbe yuꞌunin spisil te tutik aye.

Colosenses 1:16

Ta skuenta stukel, Dios a spas spisil te tutik ay ta chꞌulchane y sok te ay ta balmilale, te tutik chikan ta ilele, sok te tut ma chikanuk ta ilele, jich tutꞌil te tut kuxajtik te ma chikanuk ta ilel te ya xmantalaj sok te ay yaꞌtel sok te ay spoder. Spisil la yichꞌ pasel ta skuenta te Xnichꞌane sok spisil ay ta skuenta stukel.

1 Pedro 1:20

Jich chapalix a te kꞌalal ma to spas a te balmilale te ya xkꞌax swokol te Cristoe. Pero te tiempo to te slajibalixe, jicha chiknajix yuꞌun alekilik a te jaꞌexe.

Efesios 3:15

Spisil yichꞌoj sbiil yuꞌun te jayeb ta jkaj te tutik ay ta chꞌulchan sok ta balmilale.

Apocalipsis 5:9

Y la skꞌayojinik te achꞌ kꞌayoj to: “Jaꞌat atukel te ya xjuꞌ awuꞌun yichꞌel te balbil june y ta xchꞌiꞌel te seyoetik yichꞌoje. Yuꞌun la awichꞌ milel, y la amal achꞌichꞌel yuꞌun la aman ta stojol Dios genteetik ta spisil ta jkaj stsꞌumbal, te skajal skaj skꞌop sok jtejklum sok nasion.

Efesios 1:22

La yakꞌ te ya xchꞌuunbeyik smantal Cristo spisil te tutik aye, sok la yakꞌ te jaꞌ jolol yuꞌun spisil te juju-tijkꞌ hermanoetik te Cristoe.

1 Corintios 11:3

Pero ya jkꞌan ya anaꞌik te Cristo jaꞌ jolol yuꞌun spisil te winketike. Y te winike jaꞌ jolol yuꞌun te yiname, jich tutꞌil te jaꞌ sjol Cristo te Diose.

Hebreos 11:40

Porke ayotik ta jkuenta yuꞌun te Diose te ya yaꞌbotik te tut a te ben tsaꞌame. Yuꞌun ma me stukelikuk nax ya yichꞌik te tut ben tsaꞌame, ya me kichꞌtik ekꞌa te joꞌotike.

Colosenses 3:11

Jich maꞌyukix skꞌoplal me juriyo o ma juriyouke, me yichꞌoj sirkunsision o ma yichꞌojuk, me jyanlum, o ma tsaꞌamuk ta genteil, me ay ta mosoil o libre ay. Te tut tulan skꞌoplale jaꞌ te Cristo, te jaꞌ yuꞌun ta spisil y ay ta skuenta spisil.

Efesios 2:15

Ta stiꞌbalul te Cristoe la slajinbe skꞌoplal te mantaliletik te ya yakꞌ jpastik spisil te tut ya yale. Y jich a spas ta jun nax yachꞌil jtejklum te xchebal jtejklume. Jun nax a kꞌot ta skuenta, sok jich a yakꞌ bujtsꞌan kꞌinal.

1 Corintios 10:11

Spisil to jicha kꞌot ta pasel yuꞌun te antibo jmeꞌ-jtatike yuꞌun jun seña ta jtojoltik, y jicha tsꞌibayot jilel ta Sjun te Diose. Yuꞌun jun jpꞌijuteseltik te kuxulotik ta slajibal kꞌaale.

San Mateo 25:32

Spisil ta jkaj te genteetike ya me stsobtalanot tal ta stojol. Y ya me xatꞌalan bael jich tutꞌil te jkanan-karnerae. Jtijk ya yakꞌ te karnerae y jtijk ya yakꞌ te chiboetike.

Hebreos 9:10

Skuenta nax xkuxlejalik ta balmilal te tut ya spasike, jich tutꞌil te tut ya sweꞌike, sok te ya yuchꞌike, y te tutik ya spok skꞌabik te skuenta nax slekuteselike. Yuꞌun jaꞌ nax tulan ay skꞌoplal ta pasel jaꞌ to te Dios ya sjelontes te tutꞌil aye.

Efesios 3:2

Yuꞌun ya skꞌan ya anaꞌik: Te ta skuenta slekil yoꞌtane, Dios la yaꞌbon kaꞌtel ta skuenta alekilik te jaꞌexe.