Apocalipsis 9:14 - Nuevo Testamento Tzeltal de Amatenango

¹⁴ Y te kꞌope la yalbe te swaktulul ángel te yichꞌoj kornetae: “Kolesa te chantul angeletike te teꞌ chukajtik te ba ay te mukꞌul ukꞌum Eufratese”, xchi.

Bible in Tzeltal Bachajón

¹⁴ Hich la yalbe te swaquebal ch'ul a'bat te yich'oj te corneta: Tila te chaneb ch'ul a'batetic chuculic ta sti'il te muc'ul-ha' Éufrates, xchi sc'oblal.

Bible in Tzeltal de Oxchuc y Tenejapa

¹⁴ La caiy stojol te jich albot te swaquebal ch'ul abat te yich'oj oq'uese: “Coltaya bael te chantul ch'ul abatetic chuculic ta bay ti' muc'ul ja' Eufrates”, la yut.

Apocalipsis 9:14 Referans Kwoze

Apocalipsis 16:12

Te swakebal ángele la smal te sbaso ta sba te mukꞌul ukꞌum Eufratese. Y te yaꞌlel ukꞌume takej yuꞌun ya skꞌaes a te reyetik te ya xlaj lijk tal ta stojil xlokꞌ kꞌajkꞌale.

Apocalipsis 9:15

Jicha koleslanot tal te chantul angeletike, yuꞌun ya smiltalan xejtꞌ ta yoxxejtꞌel te gentee. Yuꞌun jich chaptalanbil te puersa ya sta yorail skꞌaalel, yuil y yaꞌbilal te jich ya xkꞌot ta pasele.

Apocalipsis 8:6

Te jukeb angeletik te yichꞌojik te jukeb kornetaetike la xchap sbaik yuꞌun ya yokꞌesinik.

Apocalipsis 7:1

Ta patil la kil chantul angeletik te tekꞌajtik te ba ay xchanmejchelul te balmilale. Skomojik te xchanmejchel ikꞌ yuꞌun makꞌ ya yikꞌay te sba te balmilale, ni ta sba te mare, ni ta sba jwoluk teꞌ.

Apocalipsis 8:2

Teꞌ nax a la kil jukeb angeletik te tekꞌajtik ta sit te Diose. Akꞌtalanbot jukeb kornetaetik.

Apocalipsis 7:2

Jich a kil xan yan ángel te yipal ta talel te ba stojil xlokꞌ tal kꞌajkꞌale. Yichꞌoj te seyo yuꞌun te kuxul Diose. Te ángel to tulan a awun ta kꞌop ta stojol te yan chantul xan te yichꞌoj spoder yuꞌun te ya yixlan te balmilale y te mare.