Apocalipsis 7:10 - Nuevo Testamento Tzeltal de Amatenango

¹⁰ Spisilik xꞌawlajan ta tulan kꞌop. Jich la yalik: “¡Ay jkoleltik ta skuenta te Dios kuꞌuntike te nakal ta smukꞌul naktajibe y sok ta skuenta te Chꞌin Karnerae!” xchiik.

Bible in Tzeltal Bachajón

¹⁰ Tulan hich yacalic ta c'op: Ay colel ta scuenta te Dios cu'untic te hucul ta muc'ul-huctajibal, soc ta scuenta te Jcolel Tuminchij, xchihic.

Bible in Tzeltal de Oxchuc y Tenejapa

¹⁰ Spisilic tulan yacalic ta aw. Jich yacalic ta yalel: “Te colele ay ta swenta te Dios cu'untic te nacal ta smuc'ul nactijibe soc ta swenta te Alalchije”, xiic.

Apocalipsis 7:10 Referans Kwoze

Apocalipsis 19:1

Ta patil la kaꞌiy yipalik ta tulan kꞌop te bayalik ta chꞌulchan, te jich la yalik: —¡Ay ta albeyel ta ichꞌel ta mukꞌ te Kajwaltike! Te kolele jaꞌ yuꞌun te Dios kuꞌuntike. Ay slekilal sok ay spoder.

Apocalipsis 12:10

Jich a kaꞌiy jun tulan kꞌop ta chꞌulchan, te ya yale: “Te ora to la staix yorail kolel yuꞌun te Kajwaltik Diose. Ay spoder y jaꞌ ayix ta ajwalil, y sok ayix yaꞌtel te Cristo yuꞌune. Porke la yichꞌix chꞌojel lokꞌel te machꞌa ya sleulanbe smul te kermanotaktike ta stojol Dios kuꞌuntik ta kꞌajkꞌal ajkꞌubal.

Apocalipsis 22:3

Ni maꞌyukix teꞌa te tut ya xꞌakꞌot bael ta chꞌayele. Te smukꞌul naktijib te Diose y sok te chꞌin karnerae te ay ta yolil te mukꞌul jtejklume, y te jꞌaꞌteletik yuꞌune ya xꞌichꞌot ta mukꞌ yuꞌunik teꞌa.

Efesios 2:8

Yuꞌun ta slekil yoꞌtan Dios te kolemexix ta skuenta xchꞌuunel awoꞌtanike. Ma yuꞌunuk jaꞌukex mismo te la aleik te akolelike, yuꞌun jaꞌ majtanil ya yakꞌ te Diose.

San Juan 1:29

Ta xchebal kꞌaal te Juane la yil te yipal tal ta tijilajel te Jesus te ba aye, y la yal: —Ila awilik: jaꞌ to jaꞌ te mera karnera yuꞌun Dios te ya xchꞌaybe smul te machꞌatik ayik ta balmilale.

Apocalipsis 21:5

Te machꞌa te teꞌ nakal ba ay te mukꞌul naktajibale, la yal: “Joꞌon ya jpas ta achꞌ spisil te tutik aye”, xchi. Sok jich a yalbon: —Tsꞌibaya te tut la kale. Porke te kꞌopetik to batsꞌi jich. Ayuk me smukꞌul awoꞌtan te jich ya xkꞌot ta pasele —xchi.

San Lucas 3:6

“Spisil genteetik ya me yil ta sitik te tutꞌil ay kolel yuꞌun te Diose,’ xchi me ta kꞌop”, xchi te jꞌIsaiase.

Apocalipsis 5:7

Te chꞌin Carnerae ba stsak te balbil jun te ay ta sbatsꞌil kꞌab te Machꞌa nakal te ba ay te mukꞌul naktajibale.

Apocalipsis 4:6

Ta yelaw te mukꞌul naktajibale ay tut ay teꞌa te pajal sok te jun mare te xlemet nax jich tutꞌil te espejoe. Ta yolil te ba ay te mukꞌul naktajibale y ta sjoylejal ay chaneb tut kuxajtik a skojtol ay sit ta yelaw y ta spat.

San Juan 4:22

Te jaꞌexe ma xꞌanaꞌik te machꞌa ya akejan abaik ta stojole. Yan te joꞌotike ya jnaꞌtik te machꞌa ya jkejan jbajtik ta stojole, yuꞌun te kolele talemix te ba ay te juriyoetike.

San Juan 1:36

Kꞌalal la yil a kꞌax bael te Jesuse, te Juane la yal: —Ila awilik me to. Jaꞌ me te mera karnera yuꞌun te Diose —xchi.