Apocalipsis 7:1 - Nuevo Testamento Tzeltal de Amatenango

¹ Ta patil la kil chantul angeletik te tekꞌajtik te ba ay xchanmejchelul te balmilale. Skomojik te xchanmejchel ikꞌ yuꞌun makꞌ ya yikꞌay te sba te balmilale, ni ta sba te mare, ni ta sba jwoluk teꞌ.

Bible in Tzeltal Bachajón

¹ Patil la jquil chaneb ch'ul a'batetic tec'ajtic ta schanxuhcul bahlumilal, scomojic te chaneb ic' te ya xbehenic ta bahlumilal scuenta yu'un ma ba ya xbehen ic' ta q'uinal, ta mar o ta te'etic.

Bible in Tzeltal de Oxchuc y Tenejapa

¹ Ta patil la quil chantul ch'ul abatetic. Tey tec'ajtic juju-jtul ta bay xchanjejch'elul te balumilale. Scomojic te chanchajp ic' te ya xbeenic ta balumilale, swenta yu'un xujt' ma xbeen ic' ta sba te lum q'uinale soc ta sba te mare, te jich ma stij sba pejt'uc a te te'etique.

Apocalipsis 7:1 Referans Kwoze

San Mateo 24:31

Te kꞌalal ya xꞌokꞌ tulan te kornetae, ya me stikon bael te chꞌul angeletik yuꞌune, ya me xba stsobik ta xchanmejchel balmilal te machꞌatik tꞌujbil yuꞌune.

San Marcos 13:27

Ya me stikon bael te chꞌul angeletik yuꞌune, ya xba stsobik tal ta xchan-mejchꞌelul balmilal sok ta sjoylejal chꞌulchan balmilal te machꞌatik tꞌujbilik yuꞌune.

Apocalipsis 9:14

Y te kꞌope la yalbe te swaktulul ángel te yichꞌoj kornetae: “Kolesa te chantul angeletike te teꞌ chukajtik te ba ay te mukꞌul ukꞌum Eufratese”, xchi.

Apocalipsis 7:3

Jich a yal: “Ma to awixlanik te balmilale ni te mare ni te teꞌetike, jaꞌ to teme la kaꞌbetik smarkaik ta stiꞌsbaik te machꞌatik jꞌaꞌteletik yuꞌun te Dios kuꞌuntike”, xchi.

Apocalipsis 9:4

Altalanbot mantal te makꞌ ya yixtalan te wamal te ay ta balmilal, ni junuk te tutik yaxe, ni jwoluk teꞌ, sinoke jaꞌ nax te machꞌatik ma yichꞌojikuk te seyo yuꞌun Dios ta stiꞌ sbaike.

Apocalipsis 6:6

Y te ba yolil ta xchanebal te tut kuxajtike la kaꞌiy jun kꞌop te la yale: “Jaꞌ nax jun kilo triwu te stojol te jun kꞌaal aꞌtele, y oxeb kilo sebada te stojol jun kꞌaal aꞌtele. Pero ma me awakꞌ chꞌayuk te aseite ni te binoe”, xchi.

Apocalipsis 8:7

Te primero ángel la yokꞌesin te skornetae, y chꞌojtalanot koel ta sba balmilal bat y kꞌajkꞌ kapal sok chꞌich. La xchikꞌ xejtꞌ ta yoxxejtꞌelal te teꞌtikile y spisil te yaxal wamaletike.

Apocalipsis 20:8

Y ya xlijk sloꞌlay te nasionetik ta spisil te balmilale, jaꞌ te Gog y Magog sbiilike. Sok ya me stsob tal ta guerra te soltaroetik yuꞌune, te lom bayal te jachik tutꞌil sjiꞌal te mare.