Apocalipsis 5:13 - Nuevo Testamento Tzeltal de Amatenango

¹³ Y jich a kaꞌiybe skꞌop ta spisil te tutik pasbil yuꞌun Dios ta chꞌulchane sok ta balmilale sok ta yeꞌtal te balmilale sok ta mar. Jich la yalik: “Te Machꞌa nakal ta mukꞌul naktajibale y sok te Chꞌin Karnerae, a me yichꞌ albeyel te slekilal, te akꞌel ta jkuenta, te stsaꞌamul, y te spoder ta sbajtel kꞌinale”, xchiik.

Bible in Tzeltal Bachajón

¹³ Soc spisil bintic ay ta ch'ulchan, ta bahlumilal, ta ye'tal bahlumilal soc ta mar la jca'iy hich yacalic ta yalel: Te mach'a hucul ta smuc'ul-huctajib, soc te Jcolel Tuminchij, ac'a yich' halbeyel yutsil sc'oblalic, ac'a ich'ec ta muc', ayuc me yutsilalic soc yu'elic ta sbahtel q'uinal, xchihic.

Bible in Tzeltal de Oxchuc y Tenejapa

¹³ Spisil te bitic chicnantesbil yu'une te ay ta ch'ulchan soc ta balumilal soc ta ye'tal balumilal soc ta mar soc spisil te bitic ay tey a, jich yacalic ta yalel: “Te mach'a nacal ta muc'ul nactijibal soc te Alalchije, ac'a yich' albeyel wocol. Ay ta ich'el ta muc', ay yutsilal soc ay yu'el ta sbajt'el q'uinal”, xiic ta spisilic.

Apocalipsis 5:13 Referans Kwoze

Filipenses 2:10

Yuꞌun ta skuenta te Jesuse ya skejan sbaik ta spisil te machꞌatik aylan ta chꞌulchane sok te ay ta balmilale y sok te ay ta yeꞌtal balmilale.

Apocalipsis 5:3

Pero ni ta chꞌulchan ni ta balmilal ni ta yeꞌtal balmilal, ni jtuluk ya xjuꞌ ya sjam te balbil june sok ni jtuluk ya xjuꞌ ya yil.

Apocalipsis 5:12

Lom tulan yipalik ta yalel: “Te Chꞌin Karnera te la yichꞌ milele, stukel ya xjuꞌ ya yichꞌ te poder, te skꞌulejal, te spꞌijil, te spuersa, te akꞌel ta jkuenta, te slekilal, y te albeyel slekilale”, xchiik ta aw.

Romanos 11:36

Porke spisil te tutik aye ya xtal ta stojol Dios, y jaꞌ pastalanbil yuꞌun y stukel yuꞌun. Ben tsaꞌam slekil ta sbajtel kꞌinal te Diose. Jichuk.

1 Pedro 5:11

Stukel ay spoder ta sbajtel qꞌuinal. Jichuk.

San Lucas 2:14

“¡Ben tsaꞌam slekil te Dios te ay ta chꞌulchane! Ya yakꞌ bujtsꞌan kꞌinal ta balmilal ta stojol te machꞌatik ayik ta kꞌuxutayel yuꞌune”, xchiik.

Apocalipsis 6:16

Y ya yalbeyik te witstikil y sok te latsꞌ-tontikile: “Tꞌuxajanik tal ta jbajtik y nakꞌaotik ta sit te machꞌa nakal ta mukꞌul naktajibale y sok te kastigo ya yakꞌ te Chꞌin Karnerae.

Romanos 16:27

Te Diose te stukel nax aye sok te stukel nax ay spꞌijile, a me akꞌek ta jkuenta te slekil ta sbajtel kꞌinal ta skuenta te Kajwaltik Jesucristoe. Jichuk.

Romanos 9:5

Jaꞌ stsꞌumbalik te antibo jmeꞌ-jtatike, sok jaꞌ stsꞌumbal yuꞌunik te Cristo te tal ta balmilal jich tutꞌil winik, te jaꞌ Dios stukel, te toyol ay yuꞌun spisil te tutik aye. Jaꞌ nax ay ta akꞌel ta jkuenta stukel ta sbajtel kꞌinal. Jichuk.

Apocalipsis 5:6

Y la kil jkojt Chꞌin Karnera teꞌ ta yolil te mukꞌul naktajibale, y te chaneb te tutik kuxajtike, y ta yolil te machꞌatik lom mamalikixe. Teꞌ kotol a, aunke milbil yilel. Ay jukeb xulbal y jukeb sit. Jaꞌ te jukeb Espirituetik yuꞌun Dios te tikonlanbil ta spisil balmilale.

Apocalipsis 1:6

Y la yakꞌotikix ta ajwalil, sok la yakꞌotik ta saserdoteil ta abatinel yuꞌun te Dios te State. Te stukel ben tsaꞌam slekil sok yichꞌoj tulan yaꞌtel ta ora to y ta sbajtel kꞌinal. Jichuk.

1 Pedro 4:11

Te machꞌa ay smajtan te ya xkꞌopoje, a me yal te tut yaloj te Diose. Te machꞌa ya snaꞌ mantaltesele, a me yakꞌ sba ta mantaltesel sok te spuersa te ya xꞌaꞌbot yuꞌun te Diose. Spisil te tut ya apasike, pasaik skuenta yuꞌun jich me lek ya xꞌalbot skꞌoplal a te Diose ta skuenta te Jesucristoe. Jaꞌ te machꞌa ay slekilal sok te ay spoder sbajtel kꞌinale. Jichuk.

Efesios 3:21

Aꞌ chiknajuk slekilal te Dios te ba ay te juju-tijkꞌ hermanoetike, sok ta skuenta te Cristo Jesuse ta sil tiempo y ta sbajtel kꞌinal. Jichuk.

Apocalipsis 5:9

Y la skꞌayojinik te achꞌ kꞌayoj to: “Jaꞌat atukel te ya xjuꞌ awuꞌun yichꞌel te balbil june y ta xchꞌiꞌel te seyoetik yichꞌoje. Yuꞌun la awichꞌ milel, y la amal achꞌichꞌel yuꞌun la aman ta stojol Dios genteetik ta spisil ta jkaj stsꞌumbal, te skajal skaj skꞌop sok jtejklum sok nasion.

Colosenses 1:23

Pero yuꞌun te jich aye ya skꞌan te jmel nax jun awoꞌtanik sok te xchꞌuunel awoꞌtanike. Ma me xtal xbajtukex ta smaliyel te tut ya awichꞌik yuꞌun te skꞌoplal kolel te la awaꞌiyike. Jaꞌ to jaꞌ skꞌoplal te la yichꞌix alel ta bayuk nax ta balmilale, jaꞌ te ay kaꞌtel ta yalel ekꞌae, joꞌon te jPabloone.

San Mateo 6:13

Y ma me xaꞌwakꞌ mulawukotik. Koltayaotik me te ba tut ma tsaꞌamuke. Yuꞌun jaꞌat me ya xmantalajat, sok ay bayal apoder, sok ay alekilal ta sbajtel kꞌinal. Jichuk”, xaꞌex ta skꞌoponel te Diose.

1 Timoteo 4:16

Ila me aba jaꞌat mismo, y sok kuidadoat me yuꞌun spisil te tut ya awakꞌ ta nopele. Junuk awoꞌtan ya me apas spisil. Teme jich ya apase, jaꞌat mismo ya akoltay aba, y jich me ya akoltay euk te machꞌatik ya yaꞌibeyat akꞌope.

San Juan 1:29

Ta xchebal kꞌaal te Juane la yil te yipal tal ta tijilajel te Jesus te ba aye, y la yal: —Ila awilik: jaꞌ to jaꞌ te mera karnera yuꞌun Dios te ya xchꞌaybe smul te machꞌatik ayik ta balmilale.

Apocalipsis 5:1

La kil yichꞌoj balbil jun ta sbatsꞌil kꞌab te Machꞌa nakal ta mukul naktajibale. Tsꞌibabil ta yutil y ta spat y tsꞌusbil ta jukeb seyoetik.

Apocalipsis 13:8

Te chanbalam to te xiꞌbentik sbae ichꞌot ta jkuenta yuꞌun spisil te machꞌatik ayik ta balmilale. Jaꞌ te machꞌatik ma tsꞌibabiluk sbiilik ta sjunal kuxlejal yuꞌun te Chꞌin Karnera te la yichꞌ milele. Te sjunal kuxlejale, jaꞌ te jun te la yichꞌ tsꞌibayel desde pas te balmilale.