Apocalipsis 3:3 - Nuevo Testamento Tzeltal de Amatenango

³ Naꞌa me te pꞌijutesel la awichꞌe y te la awaꞌiye. Jaꞌ me xꞌapas, y sujtesa awoꞌtan ta stojol Dios. Teme ma la akux awoꞌtane, ya xtalon ta atojol jachik tutꞌil jꞌelekꞌ te kꞌalal ma yipalukat ta smaliyele.

Bible in Tzeltal Bachajón

³ Na'a me hiche te bin awich'oj soc awa'iyej; pasa soc suhtesa awo'tan. Teme ma ba yac acux awo'tan, ya xtalon ta atojol hich te bin ut'il j'elec', ma na'biluc awu'un bin ora ya xtalon.

Bible in Tzeltal de Oxchuc y Tenejapa

³ Na'a me xan te bila la awaiy stojol te la ach'uune. Canantaya me, soc sujt'esa me awo'tan. Teme ma x'awic' asite, ya me xtalon ta atojol jich te bit'il ya xtal te j'eleq'ue, yu'un ma na'biluc awu'un te bi ora ya xtalone.

Apocalipsis 3:3 Referans Kwoze

Apocalipsis 2:5

Jaꞌ yuꞌun, naꞌame te ba ay te chꞌayemate. Sujtesa awoꞌtan ta stojol Dios, y pasa me xan jich tutꞌil te la apas ta nail toe. Teme maꞌuke, ya xtalon ta ora ta atojol y ya jpojbeyat te yawil akꞌajkꞌ te ba ay awuꞌune, teme max asujtes awoꞌtan ta stojol Diose.

2 Pedro 3:10

Pero te tut kꞌaalil ya xtal te Kajwaltike, ya xtal jichuk jꞌelekꞌ ta ajkꞌubal. Jich ora ya xlaj te chꞌulchane, te xiꞌxiꞌtik ta aꞌiyele. Te tutik pasbile ya me xlaj ta kꞌajkꞌ, y te balmilale sok spisil te tutik ay ae ya me xlaj ta chikꞌel.

1 Tesalonicenses 5:2

Te jaꞌexe anaꞌojikix lek te tut kꞌaalil ya sujt tal te Kajwaltike, jich ya xtal tutꞌil jꞌelekꞌ te ya xtal ta ajkꞌubale.

Apocalipsis 16:15

“Aꞌiya awaꞌiyik, te joꞌone ya me xtalon, te ma naꞌbiluk tut orae, te jachik tutꞌil jtul jꞌeleke. Ben tsaꞌam slekil te machꞌa xkuxoj yoꞌtane y sok te slapoj skꞌuꞌ-spakꞌe, yuꞌun ma me tꞌaxaluk a y ma me sta kꞌexlal te ya xꞌilot te tꞌaxale”, xchi te Kajwaltike.

San Mateo 25:13

“Jaꞌ yuꞌun te jaꞌexe, kuxuluk me awoꞌtanik, yuꞌun ma xꞌanaꞌik tut ora ni te tut kꞌaalil ya xtal te Nichꞌanile —xchi te Jesuse.

Hebreos 2:1

Jaꞌ yuꞌun ya me skꞌan ya kakꞌtik ta koꞌtantik ta lek te skꞌop Dios kaꞌiyejtikixe, yuꞌun ma me yauk jpit jbajtik bael te ba sbeelele.

1 Timoteo 6:20

Jaꞌat, jTimoteo, kanantaya me lek te tut kalojbeyate. Ma me awakꞌ achikin a te kꞌopetik skuenta balmilale te ma xtuune, ni te pꞌijil kꞌopetik te jowil nax te kuybil te ya snaꞌbe sluwarile.

San Marcos 13:36

Ma me chꞌayemuk awoꞌtanik a te tut ora ya xtale, teme ay tutꞌil tal ta orae.

San Marcos 13:33

“Jaꞌ yuꞌun ma me wayanik. Wikꞌiluk me asitik, y kꞌoponaik me Dios, porke ma xꞌanaꞌik te tut ora ya xkꞌot te yoraile.

Apocalipsis 3:19

“Joꞌon ya jkom y ya jtsits ta spisil te machꞌatik kꞌux ta koꞌtane. Jaꞌ yuꞌun akꞌaik me puersa y sujtesa awoꞌtan ta stojol Dios.

2 Pedro 3:1

Kermanotak te kꞌuxex ta koꞌtane, jaꞌ to jaꞌ xchebal karta te la jtsꞌibabeyexe. Ta xchebal jich a skꞌan koꞌtan te la jtsitsex, yuꞌun jich me xꞌanaꞌik te tut stojile.

Apocalipsis 3:11

Ya xtalon ta ora. Kꞌeja te tut ay awuꞌune, yuꞌun maꞌyuk machꞌa ya yichꞌbeyat te amajtane.

Apocalipsis 2:25

Pero ma me wakꞌ chꞌayuk te tut ay awuꞌunike asta jaꞌ to teme talone.

2 Pedro 1:13

Ya ke te kuxulon toe, ay ta jkuenta te ya kaꞌbeyex anaꞌik sok te ya kaꞌbeyex te tsitsulanel to.

2 Timoteo 1:13

Jaꞌ me ya atam te lekil nojpesel te joꞌon la kalbeyat jilel awaꞌiye. Sok jujun kꞌaal ayuk me xchꞌuunel awoꞌtan y sok skꞌuxul awoꞌtan te kichꞌojtik yuꞌun te jun nax ayotik sok te Cristo Jesuse.

Apocalipsis 3:2

Kuxa awoꞌtan y aꞌbe xan spuersa te tutik kuxul to awuꞌune te jmel ya xlajixe. Yuꞌun kiloj te tut ya apase ma tojuk ta sit te Dios kuꞌune.

Apocalipsis 22:7

La yal te Jesuse: —Ya me xtalon ta ora. Ben tsaꞌam slekil te machꞌa ya yakꞌ ta jkuenta te skꞌoplal te tut tsꞌibabil liꞌ ba libro to —xchi.