Apocalipsis 22:1 - Nuevo Testamento Tzeltal de Amatenango

¹ Te ángele la yaꞌbon kil jun sakil ukꞌum, te jaꞌ yuꞌun kuxlajele. Ben klaro jachik tutꞌil espejo. Y teꞌ ya xlokꞌ tal ba ay te smukꞌul naktajib te Diose y sok te Chꞌin Karnerae,

Bible in Tzeltal Bachajón

¹ Patil te ch'ul a'bat la ya'bon quil te muc'ul-ha' scuenta cuxlejal, xleblon sjahts' hich te bin ut'il cristal, te yac ta loq'uel tal ta stojol te smuc'ul-huctajib Dios soc ta stojol te Jcolel Tuminchij,

Bible in Tzeltal de Oxchuc y Tenejapa

¹ Te ch'ul abate la yac'bon quil muc'ja' te ya yac' cuxinele. Xlemet nax jich bit'il cristal. Tey loc' tel ta bay smuc'ul nactijib te Diose soc te Alalchije,

Apocalipsis 22:1 Referans Kwoze

Apocalipsis 7:17

Porke te Chꞌin Karnerae, te teꞌey ba yolil te mukꞌul naktajibale, ya skanantaylan jachik tutꞌil ya yichꞌ kanantayel te karneraetike. Y ya yikꞌtalan bael te ba lokꞌi-jaꞌ yuꞌun te kuxlejale. Y Dios ya skustalanbot yuꞌun spisil te yaꞌlel sitike —xchi.

San Juan 4:14

Pero te machꞌa ya yuchꞌ te jaꞌ ya kakꞌ joꞌone, sbajtel kꞌinal ma xtakej yoꞌtan yuꞌun. Porke te jaꞌ ya kakꞌ joꞌone jich ya xkꞌot tutꞌil lokꞌi-jaꞌ ta yoꞌtan te ya xkuxuyin sbajtel kꞌinal yuꞌune —xchi te Jesuse.

Apocalipsis 21:6

Ta patil la yalbon: —Juꞌix ta pasel joꞌon te ayon ta slijkibale y sok ta slajibale. Te machꞌa takin yoꞌtane, ta majtanil ya me kaꞌbe yuchꞌ te lokꞌi-jaꞌ yuꞌun te kuxlejale.

Apocalipsis 22:17

Te Chꞌul Espiritue y sok te machꞌa nujpunemix sok te Chꞌin Karnerae ya yalik: “La.” Te machꞌa ya yaꞌiye, a me yal: “La.” Y te machꞌa takin yoꞌtane, y te ya skꞌane, a me taluk y a yuchꞌ te jaꞌ yuꞌun kuxlejale ta majtanil nax.

Apocalipsis 3:21

Te machꞌatik ya xjuꞌ yuꞌunik tsalawe ya kakꞌtalanbe jun luwar jun nax sok joꞌon te ba ay te jmukul naktajibe, jachik tutꞌil joꞌon te kaꞌiyojix tsalaw y joyinejix ta naklej te Jtate te ba ay smukꞌul naktajibe.

Hechos 2:33

Y ikꞌotix bael yuꞌun ba naklukix ta sbatsꞌil skꞌab te Diose, y aꞌbot ta skuenta te Chꞌul Espíritu te tut albil yuꞌun te Tatile. Jaꞌ yuꞌun te tut yipalex ta yilele sok te yipalex ta yaꞌiyele, jaꞌ a yakꞌix kꞌotuk ta pasel te Jesuse.

Apocalipsis 21:11

Te mukꞌul jtejklume, xlemlun yuꞌun te xojobil te Diose. Te xlemete jachik tutꞌil jun ton te ben tsaꞌame, jaꞌ te jaspe-tone, te jich tutꞌil te espejo te chikan kꞌinal aye.

San Juan 15:26

“Pero te kꞌalal ya xtal te Joyinwanej awuꞌunik te ya jtikombeyex tal ta stojol te jTate, jaꞌ me ya yalbon jkꞌoplal stukel. Jaꞌ te Espíritu te ya yakꞌ ta naꞌel te tut batsꞌi jiche.

Apocalipsis 5:13

Y jich a kaꞌiybe skꞌop ta spisil te tutik pasbil yuꞌun Dios ta chꞌulchane sok ta balmilale sok ta yeꞌtal te balmilale sok ta mar. Jich la yalik: “Te Machꞌa nakal ta mukꞌul naktajibale y sok te Chꞌin Karnerae, a me yichꞌ albeyel te slekilal, te akꞌel ta jkuenta, te stsaꞌamul, y te spoder ta sbajtel kꞌinale”, xchiik.

Apocalipsis 5:6

Y la kil jkojt Chꞌin Karnera teꞌ ta yolil te mukꞌul naktajibale, y te chaneb te tutik kuxajtike, y ta yolil te machꞌatik lom mamalikixe. Teꞌ kotol a, aunke milbil yilel. Ay jukeb xulbal y jukeb sit. Jaꞌ te jukeb Espirituetik yuꞌun Dios te tikonlanbil ta spisil balmilale.

Apocalipsis 1:1

Jaꞌ to jaꞌ te la yakꞌ ta ilel Dios ta stojol te Jesucristoe, yuꞌun jaꞌ ya yaꞌbe snaꞌik te yaj-aꞌteltak te tutik ya xkꞌot ta pasel ta ora nax. Te Jesucristo la stikon bael te ángel, yuꞌun ya yaꞌbe snaꞌ te yaj-aꞌtele, jaꞌ te Juane.

Apocalipsis 21:9

Tal jtul ta sjuktulul te angeletike te yichꞌojik te jukeb basoetik te nojel ta jukkaj te último tulan wokoletike. Y la yalbon: —Laꞌ. Ya kakꞌ awil te achꞌix te ya xnujpun sok te Chin Karnerae —xchi.

Apocalipsis 22:6

Te ángele la yalbon: —Te kꞌopetik to batsꞌi jich, y ya xjuꞌ ya xchꞌuun awoꞌtan te jich ya xkꞌote. Te Kajwaltik Diose, te la skuentainbe yoꞌtan te jꞌalwanejetike, la stikon tal te ángel yuꞌune, yuꞌun ya yaꞌbe yil te yaj aꞌteletik te tut xba kꞌotuk ta pasel —xchi.

San Juan 13:32

Teme jaꞌ te Nichꞌanile ya yakꞌ ta ilel slekilal te Diose, jich te Diose ya yakꞌ ta ilel slekilal. Y jich me ya xkꞌot ta pasel ta ora.