Apocalipsis 2:3 - Nuevo Testamento Tzeltal de Amatenango

³ Tsꞌijkem awuꞌun te awokole, y bayal kꞌaxem awokol ta jkaj, pero ma xlubat.

Bible in Tzeltal Bachajón

³ C'axem awocol soc cuhchem awu'un, tulan a'tejemat ta scuenta jbihil, soc ma ba luhbenat.

Bible in Tzeltal de Oxchuc y Tenejapa

³ C'axemix te awocole soc ts'ijq'uem awu'un, tulan at'ejemat ta jwenta, ma ba comen awo'tan.

Apocalipsis 2:3 Referans Kwoze

Hebreos 10:36

Te jaꞌexe puersa ya skꞌan xjuꞌ awuꞌunik te wokole, yuꞌun jaꞌ ya apasik te tut ya skꞌan yoꞌtan te Diose y jich ya awichꞌik te tut a te stukel yaloje.

Hebreos 12:1

Jaꞌ yuꞌun, te joꞌotike joybilotik ta bayal gente te machꞌatik ya yakꞌix ta ilel te xchꞌuunejik Diose. A me jilestik ta xujktik spisil te tut a te ya smakotike y sok te mulil te ya sjoyotike. Y ya me jpastik puersa ta animal te ya xkꞌoj jtajtik te tut ay ta jtojoltike.

Gálatas 6:9

Jich yuꞌun ma me wakꞌ lubukotik ta spasel te tut leke. Porke teme ma xchebaj koꞌtantike, ya me sta stiempoil te ya kilbeyik sit te kaꞌteltike.

Colosenses 1:11

Ya jkꞌanbetik stukel te jaꞌ ya yaꞌbeyex apuersaike ta skuenta te stsaꞌamul spodere. Jich ya xjuꞌ awuꞌunik te ya xkujch awuꞌunik ta spisil yuꞌun te spuersa awoꞌtanike sok yuꞌun te apasensiae.

San Juan 15:21

Spisil to ya me spasbeyex ta joꞌon ta jkaj, porke ma snaꞌbeyik sba te machꞌa la stikonon tale.

1 Corintios 13:7

Te xkꞌuxul-oꞌtanile spisil ya xkujch yuꞌun, spisil ya xchꞌuun, spisil ya smaliy, sok ya stsꞌijk yuꞌun spisil.

Apocalipsis 3:10

“Apasoj kumplir te mantaliletik kuꞌune te jun awoꞌtan ya atsꞌik awokole, y jaꞌ yuꞌun joꞌon ya jkꞌejat a te tut ora ya xtal te prewa ta stojol ta spisil te balmilale, yuꞌun te ya spasot ta prewa a ta spisil te machꞌatik kuxajtik ta balmilale.

Hebreos 6:15

Te jAbrahame jun yoꞌtan a smaliy, y la yichꞌ te tut albil yuꞌun te Diose.

Hebreos 6:12

Ma jkꞌantik te ya xchꞌajubexe. Jaꞌ ya jkꞌantik te ya atsꞌakliyik te machꞌatik jun yoꞌtanik ta xchꞌuunel te Diose, y te jun yoꞌtan ya smaliyik te tut ya xꞌaꞌbot yuꞌun Dios te sjapoj jilele.

Hebreos 6:10

Porke te Diose ben toj yoꞌtan y ma xchꞌay ta yoꞌtan te tut ya apasik te jaꞌexe, y te slekil awoꞌtanik te la awakꞌik ta ilel te la akoltayik te hermanoetik te xchꞌuunejike, jich tutꞌil te yipalex ta spasele.

1 Timoteo 4:10

Jaꞌ yuꞌun ya xꞌaꞌtejotik sok ya jpastik puersa, porke jaꞌ ayotik ta smaliyel te kuxul Diose te jaꞌ jKoltawanej yuꞌun ta spisil, pero ja mero ya xkoltayot yuꞌun te machꞌatik ya xchꞌuunike.

2 Tesalonicenses 3:13

Kermanotak, ma me lubanik ta spasel te tut leke.

2 Corintios 4:16

Jaꞌ yuꞌun ma me wakꞌ chebajuk koꞌtantik, aunke yipal ta lajel yip te jtiꞌbalultike. Pero te yutil koꞌtantike yipal ta achꞌubel jujun kꞌaal.

2 Corintios 4:1

Jaꞌ yuꞌun ma xchebaj koꞌtantik, porke ta slekil yoꞌtan te Diose la yaꞌbotik te aꞌtel to.

Romanos 12:12

Kontento me xꞌamaliyik te lekilale. Kujchuk me awuꞌunik sok apuersaik te wokoletike. Ma me akom abaik ta skꞌoponel Dios.

Romanos 8:25

Pero teme ya jmalitik te ma to jaꞌuk te chikan ya kiltike, ya to me skꞌan te junuk me koꞌtanik ta smaliyel.

San Lucas 14:27

Sok te machꞌa ma skꞌan ya xkuch skruz kꞌoeme teme ya stsꞌakliyone, ma spas teme jnopojel kuꞌun ya xkꞌote.

Apocalipsis 1:9

Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.

2 Pedro 1:6

sok te yakuk anaꞌ tutꞌ ya akom abaike, sok te ya xkujch awuꞌunik, sok te junix awoꞌtanik ta stojol Dios,

1 Tesalonicenses 1:3

Maꞌyuk ya jkom jbajtik ta snaꞌulanelex ta stojol te Jtatik Diose te tutꞌil bayal xchꞌuunel awoꞌtanik aꞌtejemexix te jaꞌexe, sok te tutꞌil bayal slekil awoꞌtanik la awakꞌ abaik ta abatinele, y sok te tutꞌil yipalex ta smaliyel te Kajwaltik Jesucristoe te la skoltayex te juꞌ awuꞌunik te kujch awuꞌunik te wokoletike.

2 Corintios 11:23

Teme jaꞌ jꞌaꞌteletik yuꞌun te Cristoe, joꞌon kꞌaxemon xan a ke te yanetike, aunke jich ya xkꞌopojon tutꞌil jtul jowiyel. Joꞌon mas aꞌtejemon ke te yanetike. Bayal buelta ochemon ta prexo, mas ke te yanetike, y ma ajtabiluk kichꞌoj majel, mas ke te yanetike. Bayal buelta ayon ta peligro yuꞌun lajel.

2 Corintios 5:9

Jaꞌ yuꞌun lekuk kaꞌteltik sil tiempo ta skuenta te Kajwaltike, manchuk me ya jilestik te jtiꞌbalultik to, o sigue kichꞌojtik to.

Romanos 2:7

Ya yaꞌbe xkuxlejal sbajtel kꞌinal te machꞌatik ya sleik te lekilale, sok la yakꞌ ta jkuenta te tut ma xlaje, sok jaꞌ sil tiempo aꞌ spasik te tut leke.

San Lucas 18:1

Te Jesuse la yaltalanbe jun seña-kꞌop yuꞌun jich aꞌ snopelan te ya skꞌopon Dios sil tiempoe, sok te makꞌ xcheꞌbaj yoꞌtanike.

San Lucas 8:15

Yan te tsꞌunubil te kꞌot ta lekil lume, jaꞌ skꞌoplal te machꞌatik ben jun yoꞌtanik ta xchꞌuunel te skꞌop Diose, sok ya yaꞌtelin spasel te tut ya yaꞌiye, y ben jun yoꞌtanik. Ya me sitin ta lek ta yoꞌtanik te skꞌop Diose.

Hebreos 13:13

Konik euk sok te Jesuse ta stiꞌil te jtejklume, y kꞌaxuk jwokoltik jich mismo te ma akꞌot ta jkuenta sok te kꞌax swokol stukele.

1 Timoteo 5:17

Te ansianoetik te lek ya skanantay te hermanoetike, ya skꞌan te kꞌax lek ya xꞌakꞌot ta jkuentae, batsꞌi jaꞌ te ansianoetik te ya yaꞌtelinik yalel te skꞌop Dios sok te ya snojpeswane.

2 Tesalonicenses 3:8

Ni maꞌyuk a weꞌotik ta majtanil nax. Aꞌtejotik y la jpastik puersa ta kꞌaal y ajkꞌubal yuꞌun jich maꞌyuk a kakꞌtik awokolik a te jaꞌexe.

2 Tesalonicenses 3:5

A me yaꞌbeyex anaꞌik te Kajwaltik te tutꞌil ay skꞌuxul yoꞌtan te Diose, sok te tutꞌil kujch yuꞌun swokol te Cristoe.

1 Tesalonicenses 2:9

Kermanotak, te jaꞌexe naꞌaik me te tutꞌil a aꞌtejotik y la jpastik puersa yuꞌun jich la jta jkuxlejaltik a. Aꞌtejotik ta kꞌajkꞌal y ajkꞌubal, yuꞌun maꞌ jkꞌantik te la kakꞌtik awokolik te jaꞌexe te la kalbeyex skꞌoplal te Diose.

Filipenses 4:3

Y jaꞌat te jun awoꞌtan te joy jbajtik ta aꞌtele, ya jkꞌan ya akoltayik te hermanaetik to te la spasik puersa te la skoltayon ta yalel te skꞌoplal kolele, sok euk te jClementee y sok te yanetik te jun nax a aꞌtejon soke. Te sbiilike tsꞌibalanbilix te ba sjunal te kuxlejale.

Filipenses 2:16

Jich me ya xjuꞌ awuꞌunik te tutꞌil ya awalbeyik ta jamal te skꞌoplal kuxuyinele. Jich te kꞌalal ya xtal te Cristoe, ben kontento ya sujton ta akuentaik, yuꞌun jnaꞌoj te ma jowiluk nax kakꞌoj puersa ta aꞌtel ta akuentaike.

Gálatas 6:2

Koltaya abaik ta xkuchel te ijkatsile, jich me ya xjuꞌ awuꞌunik spasel a te smantal te Cristoe.

2 Corintios 10:15

Ma yuꞌunuk mukꞌ ya kakꞌ jbajtik yuꞌun te ba aꞌtejemix te yane. Ma yauk xlokꞌotik bael te ba kꞌalal jmajkojtike. Jaꞌ ya jmalitik te max ya xjuꞌ xꞌaꞌtejotik ta awolilik chikan te tutꞌil yipal ta mukꞌubel te xchꞌuunel awoꞌtanike. Pero sil tiempo liꞌ ayotik ta ba kꞌalal jmakojtike.

2 Corintios 6:5

sok te aresial, o prexo, o skontrainelotik, o ta tulan aꞌtel, sok ma wayotik, o ma weꞌotik.

Romanos 16:12

Albikon xkoltanuk euk te Trifenae y sok te Trifosae te ya xꞌaꞌtejik ta yaꞌtel te Kajwaltike, y jich euk te kermanatik Persidae te ben kꞌux ta koꞌtantike, te bayal aꞌtejemix ta yaꞌtel te Kajwaltike.

San Lucas 21:19

Junuk me awoꞌtanik; yuꞌun jich me ya xkolex.

San Marcos 15:21

La stsakik ta xkuchel bael skrus Jesus tul winik te yipal ta kꞌaxel bael te xkꞌotuk ta kꞌalkꞌaltike. Te winike Simon sbiil, jaꞌ te stat te Alejandro sok Rufoe te Cirene sbiil te slumale.

1 Tesalonicenses 5:12

Kermanotak, awokolikuk akꞌaik me ta jkuenta te machꞌatik ya xꞌaꞌtejik te ba ayexe te ya stojutesex y ya stsitsex ta skuenta te Kajwaltike.

1 Corintios 16:16

Awokolikuk me te jaꞌexe, akꞌaik me ta jkuenta te machꞌatik pajal yoꞌtanik soke, y spisil te machꞌatik ya xkoltawanik y ya xꞌaꞌtejike.

San Lucas 5:5

La sjakꞌ te Simone: —Ma wan, Maestro. Yuꞌun spꞌejel ajkꞌubal a aꞌtejotikix, ni jkojtuk a jtajtik. Pero yuꞌun te jaꞌat ya awale, ya me xba jchꞌoj ochel abi —xchi.