Apocalipsis 2:19 - Nuevo Testamento Tzeltal de Amatenango

¹⁹ “Kiloj spisil te tut ya apase. Jnaꞌoj te xkꞌuxul awoꞌtane, y te xchꞌuunel awoꞌtane, sok te awakꞌoj aba ta abatinele, y sok te kujchem awuꞌun te awokole. Y kiloj te ora to yipalat ta spasel ta mas ke te nail toe.

Bible in Tzeltal Bachajón

¹⁹ Ya jna' bin yilel awa'tel, te sc'uxul awo'tan, sch'uhunel awo'tan, te yac awac' aba ta a'batinel, te slamalil awo'tan, soc te c'ax hich awa'tel a te bin ut'il ta shahchibal.

Bible in Tzeltal de Oxchuc y Tenejapa

¹⁹ Jo'on quilojbat te awat'ele, te ay xc'uxul awo'tane, te ay xch'uunjel awo'tane, te awac'oj aba ta abatinele, soc te ts'ijq'uem awu'un te awocole, soc te c'ax jich yacatix ta at'el ta ora to te bit'il at'ejat ta neelal toe.

Apocalipsis 2:19 Referans Kwoze

1 Timoteo 1:5

Te tut sluwar te jich la jpasat ta mantale, yuꞌun jaꞌ skꞌan te kꞌux ya kaꞌi jbajtik ta juju-tule. Jaꞌ te skꞌuxul-oꞌtanil te ya xchiknaj teme sakubenix te koꞌtantike, sok teme tojobenotike, y sok teme lek jchꞌuunejtik te Diose.

2 Pedro 1:7

sok te kꞌuxuk ya awaꞌiyik te hermanoetike, sok ayuk xkꞌuxul awoꞌtanike.

San Juan 15:2

Ya slokꞌes spisil te skꞌab yakꞌil te ma xyakꞌ site. Te skꞌab yakꞌil te ya yakꞌ site ya septalan y ya sjojchotes yuꞌun ya sitin lek a.

2 Tesalonicenses 1:3

Kermanotak, sil tiempo ya skꞌan kalbetik kola yal Dios yuꞌun te jaꞌexe. Jaꞌ lek te jich ya jpastike porke te xchꞌuunel awoꞌtanike yipal ta mukꞌubel, y te xkꞌuxul awoꞌtanik te ay awuꞌunik ta juju-tule yipal ta mukꞌubel ta stojol te yanetike.

2 Pedro 3:18

Pero naꞌbeyaik sba lek te Kajwaltik Jesucristo te jKoltawanej kuꞌuntike. Y mukꞌubanik xan sok te slekil yoꞌtane. Ben tsaꞌam slekil stukel te ora to y sok ta sbajtel kꞌinal. Jichuk.

1 Pedro 4:8

Jaꞌ tulan skꞌoplal te ayuk me bayal xkꞌuxul awoꞌtanik, porke te xkꞌuxul-oꞌtanile bayal perdon ya yakꞌ yuꞌun muliletik.

1 Tesalonicenses 3:6

Pero te ora to te jTimoteoe sujtix tal kꞌalal Tesalónica, y yichꞌojbotik tal lek akꞌoplalik yuꞌun te xchꞌuunel awoꞌtanike y sok te slekil awoꞌtanike. La yalbotik te sil tiempo ya anaꞌotik sok slekil awoꞌtanik, y sok te awoꞌtanikuk ya akꞌan ya awilotik, jich tutꞌil te joꞌotik te ya jkꞌan kiltikexe.

Colosenses 3:14

Jaꞌ tulan skꞌoplal te ya awakꞌik ta ilel te ay skꞌuxul awoꞌtanike, te ya yakꞌex ta jun nax.

Apocalipsis 2:13

“Te joꞌone jnaꞌoj te teꞌ anat te ba ay snaktajib te pukuje. Pero sigueuk me junuk awoꞌtan ta jkuenta. Ma jilesejuk te tutꞌi achꞌuuneje, ni jaꞌuk te tut kꞌaalil yuꞌun te jꞌAntipas te jun yoꞌtan a yalbon jkꞌoplal, te la smilik te ba mukꞌul jtejklum te ba ay te Satanase.

Apocalipsis 2:9

“Joꞌon jnaꞌoj te awokol sok te ameꞌbaale. Pero te jaꞌate jkꞌulejat. Y jnaꞌoj te ma lekuk akꞌoplal ya yalbelat yuꞌun te machꞌatik ya yalik te juriyoike pero ma jaꞌuklan. Jaꞌik jtijkꞌ yuꞌun Satanas.

San Lucas 1:23

Kꞌalal tsꞌakay te jayeb kꞌaal ay ta abatinel ta temploe, te Zacariase sujt bael ta sna.