Apocalipsis 18:8 - Nuevo Testamento Tzeltal de Amatenango

⁸ Jaꞌ yuꞌun ta jun nax kꞌaal ya xtal te tulan swokolike: lajel, wokol y wiꞌnal, sok ya me yichꞌ chikꞌel ta kꞌajkꞌ. Porke te Diose bayal spoder, te jaꞌ Ajwalile, jaꞌ la yichꞌix jkuentae —xchi.

Bible in Tzeltal Bachajón

⁸ Ha yu'un ta junax c'ahc'al ya me xc'oht ta stojol te swocole: ha te lajel, oq'uel, wi'nal, soc ya me yich' chiq'uel ta c'ahc'; como bayel yu'el te Cajwaltic Dios te ya yich'be sc'op, xchi sc'oblal.

Bible in Tzeltal de Oxchuc y Tenejapa

⁸ Ja' swentail te jun nax c'aal ya xtal castigo ta stojole. Ya xtal lajel, oq'uel soc wi'nal, soc ya me yich' chiq'uel ta c'ajc'. Melel ay bayal yip te Cajwaltic Dios te ya yac'bey castigoe”, xi' la caiy.

Apocalipsis 18:8 Referans Kwoze

Apocalipsis 17:16

Y te lajuneb xulbal te la awil te ay ta sjol te chanbalam te lom yane, ya me spꞌajik te jmulawil antse. Y ya me sjilesik ta chꞌojel y tꞌaxal ya xjil yuꞌunik. Ya me sweꞌbeyik te stiꞌbalule y ya me xchikꞌik ta kꞌajkꞌ.

Apocalipsis 18:19

Y ya me smukik ta tsꞌubil lum te sjolike, y ya xꞌokꞌik yuꞌun te yajtal yoꞌtanike. Y xꞌawlajan: —¡Ay, oꞌol me sba te jtejklum te lom mukꞌe. Sok te skꞌulejale la yakꞌ kꞌulejubuk spisil te machꞌatik ay sbarkoik ta mare. Y ta jtsꞌin nax a laj ta jimel! —xchiik.

1 Corintios 10:22

¿Me yuꞌun jaꞌ ya jkꞌantik te ya kakꞌtik ilinuk te Kajwaltike? ¿Meꞌn joꞌotik mas tulanotik ke te Diose?

Apocalipsis 19:3

Te nax a la yalik xan: —¡Ay ta albeyel ta ichꞌel ta mukꞌ te Kajwaltike! Te xchꞌailel te mukꞌul jtejklume ni jaymel ya xkom te xtomomet ya xmoe —xchiik.

Apocalipsis 18:17

y ta jtsꞌin nax a laj te lom bayal skꞌulejale —xchi. Spisil te japuyej-barkoetike y te machꞌatik ya xbeenik ta tiꞌtiꞌ jaꞌe, sok te jꞌaꞌteletike ta barkoetik y spisil te machꞌatik ya sleik aꞌtel ta mare, jakal to me ya xjilik.

Apocalipsis 17:18

Te ants te la awile jaꞌ seña te mukꞌul jtejklum te ya spas ta mantal te reyetik ta balmilale —xchi.

Apocalipsis 11:17

Jich a yalik: “Ya kalbetikat kola awal, Kajwaltik Dios te spisil ya xjuꞌ awuꞌune. Atalel ayat ta namey sok ta ora to. Porke la awakꞌix ta ilel te lom bayal apoder y la awichꞌix awaꞌtel ta ajwalil.