Apocalipsis 17:6 - Nuevo Testamento Tzeltal de Amatenango

⁶ Te nax a la jnaꞌ te yakubenix te antse. Jaꞌ yakuben yuꞌun te xchꞌichꞌel te machꞌatik yuꞌunik te Diose y sok te xchꞌichꞌel te machꞌatik miltalanot yuꞌun te la yalik ta jamal te skꞌoplal te Jesuse. Te kꞌalal la kile, lom cham a kaꞌiy yuꞌun.

Bible in Tzeltal Bachajón

⁶ La jquil te ants yacuben yu'un te sch'ich'el te mach'atic ch'uhltesbilic soc te sch'ich'el te mach'atic lajemic ta milel ta scuenta Jesús. Mero xcham co'tan yu'un te c'alal la jquil te antse.

Bible in Tzeltal de Oxchuc y Tenejapa

⁶ La quil te antse yacuben yu'un xch'ich'el te mach'atic ch'ul lum yu'un te Diose soc te xch'ich'el te mach'atic la yich'ic milel yu'un te la yalic ta jamal te xch'uunejic te Jesuse. Te c'alal la quile, cham nax la caiy yu'un.

Apocalipsis 17:6 Referans Kwoze

Apocalipsis 16:6

Porke stukelik la smalbeyik xchꞌichꞌel te machꞌatik aylan awuꞌune, y sok te jꞌalwanejetike. Jich te ora to jaꞌat la awaꞌbe yuchꞌik te chꞌichꞌe, yuꞌun jich mismo ya skꞌan ya xkꞌot ta skuentaik —xchi.

Apocalipsis 13:15

Y te xchebal chanbalam te xiꞌbentik sbae aꞌbot spoder te ya yaꞌbe xkuxlejal te slokꞌol primero chanbalam te xiꞌbentik sbae. Yuꞌun te slokꞌol abi ya me xkꞌopoj, y ya me smil spisil te machꞌatik ma xyichꞌik ta mukꞌe.

Apocalipsis 2:13

“Te joꞌone jnaꞌoj te teꞌ anat te ba ay snaktajib te pukuje. Pero sigueuk me junuk awoꞌtan ta jkuenta. Ma jilesejuk te tutꞌi achꞌuuneje, ni jaꞌuk te tut kꞌaalil yuꞌun te jꞌAntipas te jun yoꞌtan a yalbon jkꞌoplal, te la smilik te ba mukꞌul jtejklum te ba ay te Satanase.

Apocalipsis 13:7

Jicha aꞌbot xan permiso te ya yaꞌbe sba sok guerra ta skontrainel te machꞌatik yuꞌunik te Diose asta ya stsaltalan. Y aꞌbot yaꞌtel ta stojol spisil ta skajalkaj stsꞌumbal te gentee ta jujun jtejklum, ta skajalkaj skꞌopik, sok ta yanetik nasionetik.

Apocalipsis 12:11

Te kermanotaktike la tsalikix jilel ta skuenta xchꞌichꞌel te la smal te Chꞌin Karnerae, y sok ta skuenta te skꞌop Dios te la yalik ta jamale. Maꞌ xiꞌik yuꞌun teme ya xlaj xkuxlejalik aye, sino ke spꞌejel yoꞌtanik la yakꞌ sbaik ta milel.

Hechos 22:20

Y te kꞌalal milot te awaj-aꞌtel jꞌEstebane te ya yalbeyat akꞌoplale, joꞌon mismo teꞌeyon ekꞌa. Akuerdo ayon ekꞌa te milote, y joꞌon a jkanantaybe skꞌuꞌ-spakꞌ te machꞌatik jmilawetike”, xkut.

San Juan 2:10

y la yalbe: —Spisil genteetik kꞌayemik a te jaꞌ nail ya yuchꞌik te ben tsaꞌam binoe. Y kꞌalal la yuchꞌikix bayal a te machꞌatik ikꞌtalanbile, jich me ya xlijk tuunuk yuꞌunik te bino te mas chopole. Pero te jaꞌate akꞌejoj te lekil binoe, y jaꞌ to nax ya awakꞌ ta ilel te ora to —xyut.