Apocalipsis 17:14 - Nuevo Testamento Tzeltal de Amatenango

¹⁴ Ya me yaꞌbe sbaik sok ta skontrainel te Chꞌin Karnerae, pero te Chin Karnerae ya me stsaltalan. Porke jaꞌ stukel Ajwalil yuꞌun te ajwaliletike y Rey yuꞌun te reyetike. Y te machꞌatik ay ta skuentae jaꞌ ikꞌtalanbil y tꞌujtalanbil yuꞌun Dios y jun yoꞌtanik ta stojol —xchi.

Bible in Tzeltal Bachajón

¹⁴ Ya me ya'beyic guerra te Jcolel Tuminchij, pero ya me xtsalotic yu'un, como ha principal yu'un principaletic soc ha Ajwalil yu'un ajwaliletic; soc te mach'atic sjoquinejic, ha'ic te mach'atic ic'bilic, tsahbilic soc te jun yo'tanic ta stojol, xchi.

Bible in Tzeltal de Oxchuc y Tenejapa

¹⁴ Ya me spasic guerra soc te Alalchije, ja'uc me to, ya stsalotic yu'un. Melel ja' Ajwalil yu'un te ajwaliletique, soc ja' Muc' Ajwalil yu'un te muc' ajwaliletique. Te mach'atic sjoinej sbaic soque, tsabilic soc ic'bilic yu'un te Diose, soc jun yo'tanic ta stojol —la yuton.

Apocalipsis 17:14 Referans Kwoze

Romanos 8:30

Sok te machꞌatik Dios ta slijkibal to jich stsaoje, la yikꞌtalan euk. Sok te machꞌatik ikꞌtalanbile, jamal a yalbe te kolemix yuꞌun te smule. Sok te machꞌatik jamal a yalbe te kolemix yuꞌun te smule, la yakꞌtalanbe smajtanin te slekilale.

1 Timoteo 6:15

Te Dios ya me yakꞌ taluk te kꞌalal ya sta yorail yuꞌun. Porke jaꞌ úniko stukel, y ben tsaꞌam ay spoder, Rey yuꞌun te reyetike, y Ajwalil yuꞌun te ajwaliletike.

San Mateo 22:14

“Porke bayal te machꞌatik ya xꞌikꞌtalanot tale, pero ma bayaluk te machꞌa tꞌujtalanbile —xchi te Jesuse.

Apocalipsis 3:21

Te machꞌatik ya xjuꞌ yuꞌunik tsalawe ya kakꞌtalanbe jun luwar jun nax sok joꞌon te ba ay te jmukul naktajibe, jachik tutꞌil joꞌon te kaꞌiyojix tsalaw y joyinejix ta naklej te Jtate te ba ay smukꞌul naktajibe.

Apocalipsis 1:5

y sok euk te Jesucristoe, te jun yoꞌtan ay ta testigoe. Jaꞌ stukel primero a chaꞌkux tal te ba animaetike, y yichꞌoj tulan yaꞌtel te mas mukꞌ ay yuꞌun te ajwaliletik ta balmilale. Kꞌuxotik ta yoꞌtan te Cristoe, sok la yakꞌotikix ta libre yuꞌun te jmultik te la smal te xchꞌichꞌele.

Apocalipsis 2:10

“Ma me xiꞌan yuꞌun te tut ya xkꞌax awokol yuꞌune. Yuꞌun te pukuje ya me xchꞌikex ta prexo yuꞌun ya me spaselex ta prewa ta apisilik. Y ya me xkꞌax awokolik lajunebuk kꞌaal. Jmel nax me junuk awoꞌtan asta ba kꞌalal ya xchamat. Y joꞌon ya kꞌabeyat te akuxlejal jachik tutꞌil majtanile.

Apocalipsis 16:14

Jaꞌ espirituetik yuꞌun te pukujetike te ya spasik señailetik sok milagroetik. Y lijkik bael ta stsobel ta spisil te reyetik ta balmilale yuꞌun ya yaꞌbe guerra te jun kꞌaal te lom tulan skꞌoplal yuꞌun te Dios te spisil ya xjuꞌ yuꞌune.

1 Corintios 15:24

Teꞌ nax a jaꞌix a te slajibal kꞌaale. Te kꞌalal Cristo ya slajinbe spisil yaꞌtel te machꞌatik tulan yaꞌtelik sok te ay spuersaike, y ya yaꞌbe entregal ta stojol te Dios Tatile te yaꞌtel yichꞌoj ta ajwalile.

Romanos 8:37

Pero ta spisil to ya me jtsaltik jilel ta skuenta te machꞌa kꞌuxotik ta yoꞌtane.

San Mateo 28:18

Te Jesuse tijilaj tal te ba ayike. Jicha yal: —Dios a yaꞌbonix ta jkuenta spisil te chꞌulchan sok te balmilale.

Apocalipsis 11:7

Pero te kꞌalal lajix yoꞌtanik ta yalel a te skꞌoplale, te chanbalam te xiꞌbentik sba ta ilel ya xlokꞌ tal ta chꞌen yuꞌun ya xtal smak. Ya me stsalotik yuꞌun sok ya me xmilotik yuꞌun.

1 Pedro 2:9

Pero te jaꞌexe tsabilex yuꞌun Dios sok te atsꞌumbalike. Saserdoteex te ayex ta abatinel yuꞌun te Reye. Te jaꞌexe jun lekil nasion, jun jtejklum te yuꞌunex te Diose. Y te jich ay to, yuꞌun ya awalbeyik te tut spasoj Dios te lom tsaꞌame, te la yikꞌex tal lokꞌel ta ijkꞌal kꞌinal yuꞌun ya xꞌochex bael te ba sakil kꞌinal yuꞌun te lom tsaꞌame.

2 Timoteo 2:4

Ni jtuluk soltaro te ay ta abatinel te jaꞌ ya xbajt ta yoꞌtan te tut ay ta pasel ta balmilale. Jaꞌ nax ya spas te tut lek yoꞌtan yuꞌun te kapitan yuꞌune.

San Juan 15:16

Te jaꞌexe ma jaꞌukex la atꞌujikon, sino ke joꞌon a jtꞌujex te jaꞌexe. Jaꞌ a jtsaex yuꞌun te ya xbenexe sok te bayal ya sitinexe. Te sit ya awakꞌike ma xlaj sbajtel kꞌinal. Jich te jTate ya me yaꞌbeyex spisil te tut ya akꞌambeyik ta jkuentae.

San Mateo 25:40

“Ya me yalbe te ajwalile: “Jamal ya kalbeyex te tutꞌil jich la apasbeyik jtuluk te kermanotake te ben chꞌin yakꞌoj sbaike, joꞌon la apasbikon abi”, ya me yut.

Romanos 1:6

Sok te jaꞌexe te ayex ta jtejklum Romae, Dios skanojex, y la yikꞌex te yuꞌun ya xkꞌoex te Jesucristoe.

Apocalipsis 2:13

“Te joꞌone jnaꞌoj te teꞌ anat te ba ay snaktajib te pukuje. Pero sigueuk me junuk awoꞌtan ta jkuenta. Ma jilesejuk te tutꞌi achꞌuuneje, ni jaꞌuk te tut kꞌaalil yuꞌun te jꞌAntipas te jun yoꞌtan a yalbon jkꞌoplal, te la smilik te ba mukꞌul jtejklum te ba ay te Satanase.