Apocalipsis 16:17 - Nuevo Testamento Tzeltal de Amatenango

¹⁷ Te sjukebal ángele la smal bael te sbasoe ta ikꞌ. Y te ba templo ta chꞌulchane, lokꞌ tal jun tulan kꞌop te teꞌ lijk tal baꞌ ay te mukꞌul naktajibale, y la yal: “Juꞌix ta pasel”, xchi.

Bible in Tzeltal Bachajón

¹⁷ Te shuquebal ch'ul a'bat la smal ta ic' te sbahl te copa yu'un, loc' tulan c'op ta templo, ta stojol te muc'ul-huctajibal, hich la yal: Hu'ix, xchi.

Bible in Tzeltal de Oxchuc y Tenejapa

¹⁷ Te sjuquebal ch'ul abate ba smal ta ic' ta bay sjamalul q'uinal te copa yich'oje. Ta bay templo ta ch'ulchan chicnaj tulan c'op te tey loc' tel a ta bay te muc'ul nactijibale, te jich la yale: “Ju'ix”, xi' la caiy.

Apocalipsis 16:17 Referans Kwoze

Apocalipsis 21:6

Ta patil la yalbon: —Juꞌix ta pasel joꞌon te ayon ta slijkibale y sok ta slajibale. Te machꞌa takin yoꞌtane, ta majtanil ya me kaꞌbe yuchꞌ te lokꞌi-jaꞌ yuꞌun te kuxlejale.

San Juan 19:30

Te Jesuse la spas prewa te chꞌaal binoe, y la yal: —Spisil a juꞌix ta pasel —xchi. Te nax a la stsꞌinan ta koel te sjole y lokꞌ xchꞌulel.

Efesios 2:2

yuꞌun jaꞌ atamojik te tut skuenta te balmilal to, y jaꞌ la apasbeyik te tut ya skꞌan yoꞌtan te espíritu te ya xmantalaje te ikꞌ nax aye, sok te jaꞌ ya yaꞌbe spuersa yoꞌtan te machꞌatik ya xkꞌaxintaybeyik smantal te Diose.

Efesios 6:12

Porke ma jaꞌuk ya jtsal jbajtik sok te gente te pajal genteotik soke. Yuꞌun jaꞌ ya jtsal jbajtik sok te spuersa pukujetik te ma tsaꞌamuk yaꞌtele. Jaꞌik ya xmantalejik, ay yaꞌtelik, y ya skuentainik te balmilal to te ay ta ijkꞌal kꞌinale.

Apocalipsis 16:1

La kaꞌiy jun tulan kꞌop te xlokꞌ tal teꞌ ba temploe y te la yalbe te jukeb angeletike: —Baanik y malaik ta sba balmilal te jukeb basoetik yuꞌun te tulan kastigo te ya yakꞌ tal te Diose —xꞌutalanot.

Apocalipsis 14:17

Te nax a, jtul ángel lokꞌ tal te ba templo te ay ta chꞌulchane. Jich yichꞌoj euk jun mam luk te beno yee.

Apocalipsis 14:15

Y lokꞌ tal ta templo jtul xan ángel, xꞌawet tal ta tulan kꞌop te machꞌa nakal ta tokale. Jich a yal: “Ochan ta aꞌtel sok te aluk awichꞌoje y tsoꞌba te kosecha ta balmilale. Porke la staix yorail, yuꞌun yijubix te kosecha ta balmilale”, xchi.

Apocalipsis 11:19

Jich a jeꞌ te templo yuꞌun Dios te ay ta chꞌulchane, y te ba temploe chikan ta ilel te xkaxaul te trate yaloje. Y tal sansewal, xixixet, xpumumet, jun tulan jikichab, y jun tulan bat.

Apocalipsis 11:15

Te sjukebal ángele la yokꞌesin te skornetae. Y la kaꞌiy tulan kꞌop ta chꞌulchan, te jich la yalike: “Te machꞌa ay ta skuenta te ya xꞌoch ta ajwalil ta sba te balmilale jaꞌ japubil yuꞌun te Kajwaltike y sok te Cristo yuꞌune. Y ya xꞌoch ta ajwalil ta sbajtel kꞌinal”, xchiik.