Apocalipsis 14:4 - Nuevo Testamento Tzeltal de Amatenango

⁴ Jaꞌ to jaꞌlan te machꞌatik te maꞌ yixlan sbaik sok antstike yuꞌun maꞌyuk tutꞌi spasik sok. Jaꞌ te machꞌatik stsꞌakliyejik te Chꞌin Karnera te bayuk ya xbajte. Laj kolik lokꞌel ta yolil te genteetik jachik tutꞌil primero smajtan Dios y sok yuꞌun te Chꞌin Karnerae.

Bible in Tzeltal Bachajón

⁴ Ha'ic te ma ba la sbohlobtes sc'oblalic ta scuenta antsetic, yu'un la stsahtay sbahic. Ha'ic te ya st'unic ta bayuc ya xbaht te Jcolel Tuminchij. Mambil scolelic ta yohlil ants-winiquetic scuenta sba sit ya xc'oht ta stojol Dios soc ta stojol te Jcolel Tuminchij.

Bible in Tzeltal de Oxchuc y Tenejapa

⁴ Ja'ic te mach'atic ma ba la sboltes sbaic soc te antsetique, melel ju' yu'unic te ma ba nujbinique. Ja'ic nax stuquelic te ya stsac'linic te Alalchije, chican te banti ya xbajt'e, soc ja'ic te coltaybilic loq'uel ta yolil te ants-winiquetique, swenta yu'un ja'ic sba sit c'oem ta stojol te Diose soc te Alalchije.

Apocalipsis 14:4 Referans Kwoze

Apocalipsis 3:4

“Pero te ba Sardise ay to awuꞌun jtul chebuk te maꞌyuk yijkꞌutesej te skꞌuꞌ-spakꞌe. Te stukelike ya me sjoinikon ta beel sok sak te skꞌuꞌ-spakꞌike. Porke aꞌbil ta jkuenta stukelik.

2 Corintios 11:2

Tulan akꞌoplalik ta koꞌtan, jich tutꞌil tulan akꞌoplalik ta yoꞌtan te Diose. Joꞌon a kakꞌexix ta makel kꞌoem te ya xnujpun sok te jtul nax mamlalile, jaꞌ te Cristoe. Yuꞌun jich ya kakꞌex entregal ta stojol Cristo, jich tutꞌil jtul achꞌix te maꞌyuk smule.

Santiago 1:18

Jich ya skꞌan yoꞌtan te la yakꞌ chaꞌayinukotik ta skuenta te skꞌop te batsꞌi jiche, yuꞌun joꞌotik sba sitotik te yaꞌtel spasoje.

Apocalipsis 5:9

Y la skꞌayojinik te achꞌ kꞌayoj to: “Jaꞌat atukel te ya xjuꞌ awuꞌun yichꞌel te balbil june y ta xchꞌiꞌel te seyoetik yichꞌoje. Yuꞌun la awichꞌ milel, y la amal achꞌichꞌel yuꞌun la aman ta stojol Dios genteetik ta spisil ta jkaj stsꞌumbal, te skajal skaj skꞌop sok jtejklum sok nasion.

San Juan 12:26

Teme ay machꞌa ya skꞌan yakꞌ sba ta tuuntesel kuꞌune, a me stsꞌakliyon te ba ya xboone. Y te ba ya xkꞌoone, te ya xkꞌot ekꞌa te machꞌa ya xtuun kuꞌune. Te machꞌa ya yakꞌ sba ta tuuntesel kuꞌune kꞌanbil me yuꞌun te jTate.

San Juan 10:27

Te jkarnera ya snaꞌbonik sba te jkꞌope, y te joꞌone ya jnaꞌbe sba, y ya stsꞌakliyikon.

Apocalipsis 17:14

Ya me yaꞌbe sbaik sok ta skontrainel te Chꞌin Karnerae, pero te Chin Karnerae ya me stsaltalan. Porke jaꞌ stukel Ajwalil yuꞌun te ajwaliletike y Rey yuꞌun te reyetike. Y te machꞌatik ay ta skuentae jaꞌ ikꞌtalanbil y tꞌujtalanbil yuꞌun Dios y jun yoꞌtanik ta stojol —xchi.

1 Corintios 6:20

porke Dios toyol a stojtalan. Jaꞌ yuꞌun ya skꞌan ya awakꞌik ta jkuenta a te Dios sok te atiꞌbalulike.

San Juan 8:12

Te Jesuse chaꞌsujt xan bael te ba ay te gentee. Jich a yal: —Joꞌon sakil kꞌinalon yuꞌun te genteetik ta balmilale. Te machꞌa ya stsꞌakliyone yichꞌojix te sakil kꞌinal te ya yakꞌ kuxlejale, y ni makꞌ xbeenix ta ijkꞌal kꞌinal —xchi te Jesuse.

1 Pedro 2:9

Pero te jaꞌexe tsabilex yuꞌun Dios sok te atsꞌumbalike. Saserdoteex te ayex ta abatinel yuꞌun te Reye. Te jaꞌexe jun lekil nasion, jun jtejklum te yuꞌunex te Diose. Y te jich ay to, yuꞌun ya awalbeyik te tut spasoj Dios te lom tsaꞌame, te la yikꞌex tal lokꞌel ta ijkꞌal kꞌinal yuꞌun ya xꞌochex bael te ba sakil kꞌinal yuꞌun te lom tsaꞌame.

Efesios 1:14

Te Chꞌul Espiritue jaꞌ seña te ya kichꞌtik te majtanil te Dios ya yaꞌbotik kꞌalal ya stsꞌakay te machꞌatik ya yichꞌ koltayel yuꞌune. Yuꞌun jich me ya kalbetik te slekilale.

1 Corintios 16:15

Kermanotak, te jaꞌexe anaꞌojik te machꞌatik ay yuꞌun te Estéfanase te jaꞌ nail a xchꞌuunik Dios te ayik ta estado yuꞌun Acaya. Stukelik te lek yakꞌoj sbaik ta mantaltesel yuꞌun te hermanoetik te xchꞌuunejik Diose.

Hechos 20:28

Jaꞌ yuꞌun ila me abaik, y kanantayaik me spisil te hermanoetik ta kongregasione te ba yakꞌojbeyex awaꞌtelik ta kanantawanej te Chꞌul Espiritue, yuꞌun ya akanantayik te machꞌatik xchꞌuunejikix te Kajwaltike, te stukel smanoj ta xchꞌichꞌele.

San Juan 13:37

Te jPedro la yal: —Kajwal, ¿tuꞌun te ma spas ya jtsꞌakliyat bael te ora to? Dispuesto ayon te ya kakꞌ jba ta milel ta akaje —xchi.

San Mateo 25:1

Sok la yal xan te Jesuse: —Te tutꞌil ay ta ajwalinel te Diose, jaꞌ pajal sok te ay lajuntul aꞌchetik te la yichꞌik bael skantilik ta smaliyel ta be te jnujpunele.

San Mateo 8:19

Ja tsꞌin to ay tijilaj tal ta stojol jtul maestro yuꞌun te mantaliletike. Jich a yal: —Maestro, ya jkꞌan joyinat te bayuk ya xbaate —xchi.

1 Timoteo 4:3

Jaꞌik ya xkomawanik ta nujpunel sok ay weꞌelil te ya xkomawanik ta tuuntesel te pasbil yuꞌun Dios sok te ya yalbeyik kola yal Dios yuꞌun te machꞌatik ya sweꞌik, jaꞌ bi jaꞌ te machꞌatik xchꞌuunejik Dios sok te ya snaꞌik te tut batsꞌi jiche.

1 Corintios 7:28

Teme nujpunate, ma me ayukat ta mulil yuꞌun. Y teme ay jtul soltera te ya xnujpune, ma me ayuk ta mulil. Pero te machꞌatik ya xnujpune, ya me sta swokol te xkuxlejalike. Te joꞌone jaꞌ ya jkꞌan te maꞌyuk machꞌa ya sta swokole.

San Mateo 19:12

Ay te winketik te ma xjuꞌ xnujpunike yuꞌun jich a ayin sok stiꞌbalulik. Ay yanetik te jicha pasbot te stiꞌbalulik yuꞌun te winketike. Sok ay yan te makꞌ xnujpunike yuꞌun jich ay ta yoꞌtanik te ya xjuꞌ yuꞌunik te ya yajwalinik te Diose. Aꞌ spas jich te machꞌa ya xjuꞌ yuꞌun te jich ya xkꞌot ta yoꞌtane —xchi te Jesuse.

Efesios 5:27

Yuꞌun jich me ya xkꞌaxik ta stojol jich tutꞌil jtijkꞌ hermanoetik te ben tsaꞌam slekilike. Te maꞌyukix yijkꞌal sok maꞌyuk ixtaꞌajem sok maꞌyuk tut chikan, yuꞌun yichꞌojix lekutesel y tojobenix.

Hebreos 12:23

y sok te ba stsoboj sbaik te machꞌatik nail yuntikil Dios te tsꞌibalanbil sbiil ta chꞌulchane. Tijilajexix ta stojol Dios, te jaꞌ jmeltsaanwanej yuꞌun ta spisile, y sok ta stojol te chꞌulelaletik yuꞌun gente te lek a kꞌax ta stojol te Diose,

Apocalipsis 21:22

Maꞌyuk a kil templo a te ba mukꞌul jtejklume, porke jaꞌ templo yuꞌun te Kajwaltike, jaꞌ te Dios te spisil ya xjuꞌ yuꞌune, y sok te Chin Karnerae.

Apocalipsis 21:23

Te mukꞌul jtejklume ma puersaukix yuꞌun te kꞌajkꞌale ni te xojobil ue. Porke jaꞌ ya sakutes te xojob yuꞌun te Diose, y te sakil kꞌinal yuꞌune jaꞌ te Chꞌin Karnerae.