Apocalipsis 14:12 - Nuevo Testamento Tzeltal de Amatenango

¹² Jaꞌ yuꞌun te machꞌatik yuꞌunik te Diose sok te machꞌatik ya xchꞌuunbeyik te mantaliletik yuꞌun y te sigue jun yoꞌtanik ta stojol te Jesuse, ya skꞌan te ayuk yip yoꞌtanike.

Bible in Tzeltal Bachajón

¹² Ha ya sc'an te ay yip yo'tanic te mach'atic ch'uhltesbilic, ha te mach'atic ya sch'uhunic spasel te smandar Dios soc te jun yo'tanic ta stojol te Jesús.

Bible in Tzeltal de Oxchuc y Tenejapa

¹² Jich yu'un te mach'atic ch'ul lum yu'un Dios te yat'elinejic xch'uunel te smandale soc te ay xch'uunjel yo'tanic ta stojol te Jesuse, ts'ijq'uem yu'unic te swocolique.

Apocalipsis 14:12 Referans Kwoze

Apocalipsis 13:10

Te machꞌatik ay ta skuenta ya yichꞌ chukele, ya me xbajtik ta chukel. Sok te machꞌatik ay ta skuenta ya yichꞌ milel ta puñal, ya me yichꞌ milel ta puñal”, xchi. Jaꞌ yuꞌun, te machꞌatik yuꞌunik te Diose, ya me skꞌan te ayuk spuersa yoꞌtan sok te junuk me yoꞌtan xchꞌuunej te Diose.

Apocalipsis 12:17

Jich mas a ilin te mukꞌul chan ta skontrainel te antse, y ba yaꞌbe sba sok ta skontrainel te jayeb xan stsꞌumbal jilem te antse. Jaꞌ te machꞌatik ya xchꞌuunbeyik te mantaliletik yuꞌun te Diose, y sigue ben jun yoꞌtanik sok te tut batsꞌi jich yaloj te Jesucristoe.

Apocalipsis 3:10

“Apasoj kumplir te mantaliletik kuꞌune te jun awoꞌtan ya atsꞌik awokole, y jaꞌ yuꞌun joꞌon ya jkꞌejat a te tut ora ya xtal te prewa ta stojol ta spisil te balmilale, yuꞌun te ya spasot ta prewa a ta spisil te machꞌatik kuxajtik ta balmilale.

Apocalipsis 3:8

“Kiloj spisil te tut ya apase. Ila awil, kakꞌoj ta atojol jun puerta te jeꞌele, te maꞌyuk machꞌa ya xjuꞌ ya stsꞌuse. Y aunke maꞌyuk lek apuersa, awakꞌoj ta jkuenta te jkꞌope y maꞌ mukojukon ta awoꞌtan.

2 Timoteo 4:7

Juꞌix kuꞌun te lekil tsalawe. Kꞌoonix te ba ay ya xꞌanimajon baele. Jun koꞌtan jchꞌuunej te Diose.

1 Juan 2:3

Teme ya jchꞌuunbetik te mantaliletik yuꞌun te Diose, ya xjuꞌ seguro ayotik te jnaꞌojbetikix sbae.

Apocalipsis 2:13

“Te joꞌone jnaꞌoj te teꞌ anat te ba ay snaktajib te pukuje. Pero sigueuk me junuk awoꞌtan ta jkuenta. Ma jilesejuk te tutꞌi achꞌuuneje, ni jaꞌuk te tut kꞌaalil yuꞌun te jꞌAntipas te jun yoꞌtan a yalbon jkꞌoplal, te la smilik te ba mukꞌul jtejklum te ba ay te Satanase.