Apocalipsis 11:17 - Nuevo Testamento Tzeltal de Amatenango

¹⁷ Jich a yalik: “Ya kalbetikat kola awal, Kajwaltik Dios te spisil ya xjuꞌ awuꞌune. Atalel ayat ta namey sok ta ora to. Porke la awakꞌix ta ilel te lom bayal apoder y la awichꞌix awaꞌtel ta ajwalil.

Bible in Tzeltal Bachajón

¹⁷ hich la yalic: Ya calbatcotic wocol, Cajwaltic Dios te spisil ya xhu' awu'un, te atalel ayat soc te ayat ta namey, como la awich'ix te bayel awu'el soc hahchatix ta cuentahinwanej.

Bible in Tzeltal de Oxchuc y Tenejapa

¹⁷ Jich la yalic: “Ya me caltic wocol ta atojol, Cajwal, Diosat te Spisil ya xju' awu'une. Atalel ayat ta namey, ta ora to soc te nopol ya xtalatixe. Melel la awaq'uix ta ilel te smuc'ul awu'ele. Jich ayatix ta ajwalinel atuquel.

Apocalipsis 11:17 Referans Kwoze

Apocalipsis 1:8

“Joꞌon ayon ta slijkibal y sok ta slajibal”, xchi te Kajwaltike te spisil ya xjuꞌ yuꞌune, te stalel aye, sok te stalel ay ta namey, sok te stalel ay ta sbajtel kꞌinal.

Apocalipsis 16:5

Te nax a la kaꞌiy te jich la yal te ángel yuꞌun te jaꞌetike: —Te jaꞌate, Kajwal, te Chꞌul Diosat, te atalel ayat ta namey sok ta ora to, tojat te jich la awakꞌbeyix te kastigoe.

Apocalipsis 19:6

Jich a kaꞌiy xan te jachik yaꞌiyel tutꞌil skꞌop bayal gente, jachik tutꞌil skꞌop nojel-jaꞌ y sok te lom tulan xpumete. Ya yalik: —Ay ta albeyel ta ichꞌel ta mukꞌ te Kajwaltike, porke lijkix ta pasaw ta mantal te Kajwaltike, te Dios kuꞌuntik te spisil ya xjuꞌ yuꞌune.

Apocalipsis 1:4

Joꞌon Juanon, ya jtsꞌibabey te juktijkꞌ hermanoetik te aylan ta estado Asia. Ichꞌbeyaik te slekil yoꞌtan y te butsꞌan kꞌinal yuꞌun te Machꞌa stalel aye, sok te stalel ay ta namey, sok te stalel ay sbajtel kꞌinal. Y sok euk te jukeb espirituetik te aylan ta sit te ba ay te smukꞌul naktajibe,

Apocalipsis 19:11

La kil jamal te chꞌulchane, y teꞌ chiknaj jkojt sakil kawu a. Y te machꞌa moem aye: “Jun Yoꞌtan” y “Batsꞌi Jich” te sbiile. Porke ta stojil ya spasawan ta mantal y ya xjuꞌ yuꞌun tsalaw.

Apocalipsis 16:7

Jich a kaꞌiy xan te ba altar te jich a yale: —Jich, Kajwal, te Diosat te spisil ya xjuꞌ awuꞌune, jaꞌat la awakꞌix kastigo ta stojil sok batsꞌi jich —xchi.

Apocalipsis 16:14

Jaꞌ espirituetik yuꞌun te pukujetike te ya spasik señailetik sok milagroetik. Y lijkik bael ta stsobel ta spisil te reyetik ta balmilale yuꞌun ya yaꞌbe guerra te jun kꞌaal te lom tulan skꞌoplal yuꞌun te Dios te spisil ya xjuꞌ yuꞌune.

Apocalipsis 15:3

Ya skꞌayojinik te skꞌayoj jMoises te yaj-aꞌtel Dios y sok te skꞌayojil te Chꞌin Karnerae. La yalik: “Lom mukꞌ y kꞌax lom tsaꞌam ta spisil te tutiꞌ apasoje, Kajwaltik Dios te spisil ya xjuꞌ awuꞌune. Toj y batsꞌi jich te beetik awuꞌune, jaꞌat ajwalilat yuꞌun te nasionetike.

Apocalipsis 11:15

Te sjukebal ángele la yokꞌesin te skornetae. Y la kaꞌiy tulan kꞌop ta chꞌulchan, te jich la yalike: “Te machꞌa ay ta skuenta te ya xꞌoch ta ajwalil ta sba te balmilale jaꞌ japubil yuꞌun te Kajwaltike y sok te Cristo yuꞌune. Y ya xꞌoch ta ajwalil ta sbajtel kꞌinal”, xchiik.

1 Timoteo 1:12

Ya kalbe kola yal te Kajwaltik Jesucristoe te jaꞌ a yaꞌbon jpuersae, porke ya yil te jun koꞌtane, y la yaꞌbon kichꞌ kaꞌtel,

San Lucas 10:21

Mismo tiempo a te Jesuse ben kontento kꞌajta yuꞌun te Chꞌul Espiritue. Jich a yal: —Kola awal Jtat, te yajwalat chꞌulchan sok te balmilale, ben bayal te slekil awoꞌtane. Porke jaꞌ la awakꞌtalanbe snaꞌ sluwaril spisil te machꞌatik chꞌin yakꞌoj sbaike. Ma jaꞌuk la awaꞌbe snaꞌ te machꞌatik pꞌijike, sok te machꞌatik ben pꞌij skuyoj sbaike. Jich Jtat, yuꞌun jich a skꞌan awoꞌtan atukel —xchi.

San Mateo 11:25

Jich yorail a te la yal te Jesuse: —Tat te yajwalat te chꞌulchan sok te balmilale, ben bayal slekil awoꞌtan te jaꞌ la awaꞌbe snaꞌik sluwaril spisil te machꞌatik chꞌin ayike, te ma jaꞌuk la awakꞌbe snaꞌik sluwaril te machꞌatik ay spꞌijilike sok te ya snaꞌik kꞌinale.

2 Corintios 9:15

Kola yal te Diose, porke la yaꞌbotik jun majtanil te lom mukꞌe, te ma jnaꞌtik yalel te tutꞌil aye.

2 Corintios 2:14

Kola yal Dios te sil tiempo xcholetotik ta spat te Cristo Jesus te tsalawanemix stukele, y ta jkuentatik joꞌotik te ya yakꞌ chiknajuk ta bayuk te skꞌope, te pajal sok te ya xchiknaj ta bayuk nax te ben tsꞌaam yikꞌe.

San Juan 11:41

La slokꞌesik te tone, y te Jesuse la skꞌelu moel chꞌulchan. Jich la yal: —JTat, ya kalbeyat kola awal te la awaꞌibonix te jkꞌope.

Apocalipsis 18:8

Jaꞌ yuꞌun ta jun nax kꞌaal ya xtal te tulan swokolike: lajel, wokol y wiꞌnal, sok ya me yichꞌ chikꞌel ta kꞌajkꞌ. Porke te Diose bayal spoder, te jaꞌ Ajwalile, jaꞌ la yichꞌix jkuentae —xchi.