Apocalipsis 1:3 - Nuevo Testamento Tzeltal de Amatenango

³ Ben tsaꞌam slekil te machꞌa ya yil te jun to, y ben tsaꞌam slekil te machꞌatik ya yaꞌiyik te tut yaloj te Diose, y te ya skꞌej ta yoꞌtanik te tut tsꞌibabil liye porke xnopetix tal te tiempoe.

Bible in Tzeltal Bachajón

³ Bayel me yutsil te mach'a ya yil soc te ya ya'iy ha'i sc'op-jalwanej ini, soc te ya yac' ta yo'tanic te bintic ts'ihbalambil tey a, como nopol ya xc'ohtix ta pasel.

Bible in Tzeltal de Oxchuc y Tenejapa

³ Bin nax me yutsil te mach'a ya sc'opon in jun to, soc te mach'a ya yaiybey stojol te sc'op te j'alwaneje, soc te ya yac' ta yo'tan te bila ts'ibubile, te melel nopol te ya xc'otix ta pasel.

Apocalipsis 1:3 Referans Kwoze

San Lucas 11:28

Te Jesuse la sjakꞌ: —Jaꞌ ben tsaꞌam slekil te machꞌatik ya yaꞌibeyik sluwaril te skꞌop Diose, y ya xchꞌuunik —xchi.

Apocalipsis 22:10

Sok la yalbon xan: —Ma me amuk ta awoꞌtan te skꞌoplal te tutiꞌ yalbelat te tsꞌibabil liꞌ ba libro to. Porke ya xtijilajix tal te tiempoe te ya xkꞌot ta pasele.

Romanos 13:11

Spisil ito ya skꞌan ya jnaꞌtik te tiempo kuxulotik toe. A me jnaꞌtik te jaꞌ yorailix te ya jkux koꞌtantik yuꞌun te wayele, porke te jkoleltike tijilix ay te ora to. Ma jachikuk te tut nail toe te kꞌalal la jchꞌuuntik te skꞌop Diose.

1 Pedro 4:7

Nopolix ya xtal slajibal ta spisil te tutik aye. Jaꞌ yuꞌun, te jaꞌexe naꞌaik me tutꞌ ayex y kuxa me awoꞌtanik ta skꞌoponel Dios.

Apocalipsis 22:12

Te Jesus la yal: —Jich. Ya me xtalon ta ora. Y ya kichꞌ tal te majtanil te ya kaꞌbe ta juju-tul chikan te tut spasoje.

2 Pedro 3:8

Sok xan, kermanotak te kꞌuxex ta koꞌtane, ma me xchꞌay ta awoꞌtanik yuꞌun te Kajwaltike te jun kꞌaale jachik kꞌoem yuꞌun te jmil jaꞌbile, y te jmil jaꞌbile jachik kꞌoem te tutꞌil jun kꞌaale.

Apocalipsis 22:20

Te machꞌa yalojix ta jamal to, ya yal: —Batsꞌi jich ya me xtalon ta ora —xchi. Jichuk. Laꞌ, Kajwal Jesus.

San Mateo 24:15

“Te jꞌalwanej yuꞌun Dios te jDaniel sbiile la yalbe jilel skꞌoplal te tut a te ma tsaꞌamuk te ya xꞌixlanwane. (Te machꞌa ya yil te tut tsꞌibabil liye, aꞌ me snaꞌbe sluwaril). Te kꞌalal ya awilik te ayix ta ba ay te chꞌul luwar te tut a te ma tsaꞌamuk te ya xꞌixlanwane,

Romanos 13:12

Te ajkꞌubale lom kꞌaxemix bael y tijilix ay tal te kꞌajkꞌaltike. Jaꞌ yuꞌun ya skꞌan ya jilestikix te tutik ay ta pasel ta ijkꞌal kꞌinale. Ya skꞌan ya jchap jbajtik yuꞌun te sakil kꞌinale jich tutꞌil jtul soltaro te lek xchapoj sba sok te smajkile sok yaꞌtajibe.

Apocalipsis 3:11

Ya xtalon ta ora. Kꞌeja te tut ay awuꞌune, yuꞌun maꞌyuk machꞌa ya yichꞌbeyat te amajtane.