2 Corintios 11:1 - Nuevo Testamento Tzeltal de Amatenango

¹ Ayuk me tutꞌil ya xkujch awuꞌunik te ay jowil nax ya xkꞌopojone. Te tutꞌiluk ya awaꞌiyike, tsꞌikbikon me.

Bible in Tzeltal Bachajón

¹ Ayuc bin ut'il ya xcuhch awu'unic jtebuc howil c'op. Cuhchuc me awu'unic,

Bible in Tzeltal de Oxchuc y Tenejapa

¹ Ayuc bit'il ya xcujch' awu'unic te bit'il jowil nax ya xc'opojone. Chican teme amen ya awaiyic te jc'ope, ts'icbonic me jiche.

2 Corintios 11:1 Referans Kwoze

2 Corintios 11:4

Porke teme ay machꞌa tal jtuluk te ya yalbey skꞌoplal yan Jesus te ma jichuk te tutꞌil la kalbetikex skꞌoplale, jun awoꞌtanik ya awaꞌiyik te skꞌope. O teme ya awikꞌik sok sbujtsꞌ awoꞌtanik te jun espíritu te ma pajaluk sok te Espíritu te awikꞌojikixe, y sok ya achꞌuunik jun skꞌoplal kolel te ma pajaluk sok te tutꞌil achꞌuunejikixe.

1 Corintios 1:21

Te Diose ta skuenta spꞌijil maꞌ yakꞌ sba ta naꞌel yuꞌun te machꞌatik ay ta skuenta te balmilale; maꞌ snaꞌbeyik sba ta skuenta te spꞌijilik naxe. Jaꞌ lek a yaꞌi te Diose te ya skoltay ta skuenta skꞌop te ya stikon ta alel ta stojol te machꞌatik ya xchꞌuunike, aunke te skꞌoplal to jowil nax kꞌoem ta yoꞌtanik.

2 Corintios 11:21

Manchuk me ya xkꞌexawon ta yalel: Te joꞌotike, yuꞌun maꞌyuk jpuersatik, ma jichuk la jpastik ta atojolike. Pero te yanetik ya skꞌan ya stoy sbaike, jich euk te joꞌone ya jkꞌan ya jtoy jba euk, aunke jich ya kal te jowil naxe.

2 Corintios 11:19

Te jaꞌexe ben pꞌijex. Pero junuk awoꞌtanik kujchem awuꞌunik te machꞌatik xlaj jowiye,

2 Corintios 5:13

Teme ya xjowiyotik ya awilike, jaꞌ ta skuenta te Diose. Y teme ma jowiyemukotike, yuꞌun jaꞌex ta akuentaik.

Hebreos 5:2

Te saserdote ya xjuꞌ ya xkꞌuxutay te machꞌatik ma snaꞌik kꞌinal y sok te machꞌatik chꞌayemike, yuꞌun pajal maꞌyuk yip yoꞌtan sok.

2 Corintios 12:11

Jicha jpasix jich tutꞌil jtul jowiyel. Pero jaꞌex la asujikon ta spasel. Porke jaꞌex ya skꞌan la awalbikon lek jkꞌoplal. Aunke ma tuton a te joꞌone, maꞌyuk machꞌa pekꞌ ayon yuꞌun ke te mukꞌul apostoletik awuꞌunik te jaꞌ atsꞌakliyejike.

1 Corintios 4:10

Te joꞌotike jaꞌ ta skaj te Cristo te kuybilotik ta ma pꞌijukotike. Yan te jaꞌexe, ben pꞌijex ta skuenta Cristo ta akꞌopik. Te joꞌotike maꞌyuk jpuersatik. Yan te jaꞌexe bayal apuersaik ta akꞌopik. Te joꞌotike pꞌajbilotikix. Yan te jaꞌexe aꞌbilex ta jkuenta.

1 Corintios 4:8

Jich akuyoj abaik te maꞌyukix falta ya awaꞌiyike y ayix awuꞌunik spisil te tut ya akꞌanike. Akuyoj abaikix ta reyetik, y ma xꞌakꞌanikix te ay tut ya kaltik ta atojolik. Te batsꞌi jichukexix tutꞌil te reyetike, yuꞌun jich me ya xjuꞌ ya joyintikex ta ajwalil euk te jichuke.

1 Corintios 3:18

Ma me machꞌa ya sloꞌlay sba. Teme ay machꞌaukex a te pꞌij skuyoj sbae, teme ta skuenta nax pꞌijilil ta balmilale, jich me ya skuy sba te tutꞌil maꞌyuk tutꞌ ya snaꞌe, yuꞌun jich me ya xkꞌot te batsꞌi ay spꞌijile.

Hechos 26:29

Te jPabloe la yal: —Me ta ora nax o ma orauk, teme jich ya skꞌan te Diose, ma jaꞌukat nax, koꞌtanuk jich spisil te machꞌatik ya yaꞌibon te jkꞌop te ora to, jichuk ya xkꞌot tutꞌil te joꞌone. Pero ma jaꞌuk ya kal te ya awichꞌik chukel ta kadenae —xchi te jPabloe.

Hechos 18:14

Te jPabloe kꞌan kꞌopojuk ta ora, pero te jGalione la yalbe te juriyoetike: —Jaꞌex te juriyoexe, te jaꞌuk tulan mulil te tut spasoje, joꞌon mismo ya kaꞌibe sluwar te tut ma tsaꞌamuk ya awaꞌibeyike.

San Mateo 17:17

La sjakꞌ te Jesuse: —¿Tuꞌun tut ayex, genteetik te maꞌyuk tut xchꞌuunej awoꞌtanik ta stojol te Diose sok te ma lekuk awoꞌtanike? ¿Jayeb me xan kꞌaal te joyinejexe? ¿Jayeb me xan kꞌaal te ya jtsꞌikbeyex te tutꞌil ayexe? Ikꞌbikon tal te kereme —xchi.