1 Timoteo 4:4 - Nuevo Testamento Tzeltal de Amatenango

⁴ Yuꞌun lek ay spisil te tut spasoj te Diose, y ma me ayuk machꞌa ya spꞌaj. Jaꞌ nax ya skꞌan te ya kalbetik kola yal a te Diose kꞌalal ya jweꞌtike.

Bible in Tzeltal Bachajón

⁴ Como lec spisil bintic pasbil yu'un Dios, mayuc bin ay ta p'ajel, teme ya yich' halbeyel wocol Dios yu'un,

Bible in Tzeltal de Oxchuc y Tenejapa

⁴ Melel spisil bila spasoj te Diose lec stuquel. Jich ma sc'an teme ay bi ya jp'ajtique, melel ma'yuc bila ma lecuc ta tuuntesel. Ja' nax ya sc'an te ya calbeytic wocol Dios yu'un te ya jtuuntestique.

1 Timoteo 4:4 Referans Kwoze

Romanos 14:20

Ma me xꞌajimbey yaꞌtel Dios ta skaj te weꞌele. Ma yuꞌunuk ma lekuk ta weꞌel spisil ta jkaj te weꞌele. Jaꞌ ma lekuk teme ay tut ya jweꞌtik te ya xꞌixlanbot yoꞌtan yuꞌun te yane.

1 Corintios 10:25

Te jaꞌexe weꞌaik spisil te tut ya xchonot te ba ay jmil-tiꞌbaletike. Ma me ajojkꞌoyik ba talem te tiꞌbale yuꞌun jich me jun awoꞌtan a.

Romanos 14:14

Te joꞌone jnaꞌojbe sluwar te maꞌyuk tut ya xjuꞌ te ya xꞌixtaꞌ a jkꞌoplaltik ta skuenta Dios. Te tutꞌil jchꞌuunej te Kajwaltik Jesuse, seguro ayon te jich aye. Yan teme ay machꞌa ya snop te ay tut te ma tsaꞌamuk ta pasele, yuꞌun nanix ma tsaꞌamuk teme jich ya spase.

1 Corintios 10:23

Ay ya yalik: “Ayotik ta libre yuꞌun spasel te tutꞌ ya jkꞌantike”, xchiik. Jich. Pero ma spisilik ya xlokꞌ jkuenta kuꞌuntik a. Ayotik ta libre yuꞌun spasel te tut ya jkꞌan jpastike, pero ma spisiluk te ya skoltayotik ta skuenta Diose.

Hechos 21:25

Yan te machꞌatik ma juriyouk te xchꞌuunejikix te Kajwaltike, la kalbeytikix bael ta jun te tut jnopojtike te ma spas ya sweꞌik tiꞌbal teme ta skuenta ídoloe, sok te chꞌichꞌe, sok stiꞌbalul chambalam te tsꞌotbil nax snukꞌe, sok te makꞌ sꞌantsiwejike —xchiik.

1 Timoteo 4:3

Jaꞌik ya xkomawanik ta nujpunel sok ay weꞌelil te ya xkomawanik ta tuuntesel te pasbil yuꞌun Dios sok te ya yalbeyik kola yal Dios yuꞌun te machꞌatik ya sweꞌik, jaꞌ bi jaꞌ te machꞌatik xchꞌuunejik Dios sok te ya snaꞌik te tut batsꞌi jiche.

Hechos 15:29

Jaꞌ te makꞌ me ya aweꞌbeyik stiꞌbalul chambalametik te ya xmilbot smajtanin te lotil diosetike, sok ma me aweꞌik chꞌichꞌ, ni te stiꞌbalul chambalametik te tsꞌotbil nax snukꞌe, y sok ma me antsiwejanik. Teme ya akom abaik ta spasel to, jich toj ayex bael abi. Ila me abaik kꞌael”, xchiik ta jun.

Hechos 10:15

Kꞌoponot xan ta xchaꞌmelal y jicha albot: —Te tut lekubenix yuꞌun te Diose ma me awal te jaꞌate te ma lekuk skꞌoplale —xchi.

Romanos 14:6

Te machꞌa ya skanantay te jun kꞌaale yuꞌun ya yakꞌ ta jkuenta a te Kajwaltike. Jaꞌ yuꞌun ya skanantay. Te machꞌa makꞌ skanantaye, yuꞌun jich ya yakꞌ ta jkuenta a te Kajwaltike. Y machꞌa ya sweꞌ ta spisile, yuꞌun ya yakꞌ ta jkuenta a te Kajwaltike. Ya sweꞌ y ya yalbe kola yal Dios yuꞌun. Yan te machꞌa ma sweꞌ ta spisile, yuꞌun ya yakꞌ ta jkuenta a te Kajwaltike te ma sweꞌe, sok ya yalbe kola yal Dios yuꞌun.

1 Corintios 10:26

Porke ta spisil te balmilale sok spisil te tutik ay ae, jaꞌ yuꞌun te Kajwaltike.

1 Corintios 10:30

Teme ya kalbe kola yal Dios yuꞌun te tut ya jweꞌe, ¿tuꞌun te ya awalbikon te ma lekuk te ya jweꞌe?” teme xchie.