1 Timoteo 4:1 - Nuevo Testamento Tzeltal de Amatenango

¹ Pero jamal ya yal te Espiritue: Ta slajibal kꞌaal ay machꞌa ya sjilesik ta chꞌuunel te Diose. Jaꞌ ya xbajt ta yoꞌtanik te skꞌopik jloꞌlawanejetike y te nojpesel yuꞌun te pukujetike.

Bible in Tzeltal Bachajón

¹ Pero jamal ya yal te Espíritu te ta nopol slajibal c'ahc'al ay mach'atic ya yihquitayic sch'uhunel Dios, ya me st'unic jlo'loywanej espírituhetic soc te bintic ya yaq'uic ta nopel pucujetic.

Bible in Tzeltal de Oxchuc y Tenejapa

¹ Ja'uc me to, jamal yalojix te Espíritu te ay mach'atic jc'axel ya xch'ay xch'uunjel yo'tanic te c'alal nopolix a te slajibal c'aale. Ya me xjajch' xch'uunic te lo'layel yu'un te pucujetic, soc te nopjibal yu'unique.

1 Timoteo 4:1 Referans Kwoze

2 Pedro 2:1

Ta namey ay palso jꞌalwanejetik te ba ay te jtejklum Israel; y jich me ay palso maestroetik te ba ayex te jaꞌexe. Ya me snojpeswanik ta mukul te tut snopojike te ya xjimawanike. Jaꞌ ya spꞌajik te Kajwaltik te jaꞌ a koltalanot yuꞌune. Jich me ora ya yichꞌik jimel stukelik.

Judas 1:18

Jich la yaltalanbeyex jilel: “Ta slajibal kꞌaal ay me gente ya xlaj iktiwan, te jich aylan sok te tut ma lekuk ya skꞌan yoꞌtanike”, te xchie.

2 Pedro 3:3

Naꞌaik me nailuk te tutꞌil ay sluwaril to: Ta slajibal kꞌaal ya me xtal genteetik te jaꞌ nax ya spasik te tut ma lekuke te ya skꞌan yoꞌtan ya spasike, y te ya yiktinik te tut yaloj te Diose.

Judas 1:4

Yuꞌun ay mukul la yochintayex jtul cheb genteetik te ya sloꞌlayexe. Jaꞌ te machꞌatik namey ay jilel skꞌoplal ta Sjun Dios yuꞌun te chꞌayel ya xlaj bajte. Jaꞌ genteetik te ma lekikuke. Syanutesejik te tutꞌil ay slekil yoꞌtan te Kajwaltik Dios, yuꞌun ya yalik te jich ay ta pasel spisil te tut ma tsaꞌamuke. Sok ma xyakꞌik ta jkuenta te úniko Ajwalil kuꞌuntik, ja te Kajwaltik Jesucristoe.

2 Corintios 11:3

Pero ya xiꞌon yuꞌun, te jich tutꞌil te chan te ben maño la sloꞌlay te xꞌEvae, teme jich ya sloꞌlayex ekꞌa te jaꞌexe. Y teme te ya xchꞌay ta apensarik te tut lek anopojik ta stojol te Cristoe.

2 Timoteo 3:13

Pero te machꞌatik ma lekikuke y sok te jloꞌlawanejetike yanyan ta ixtaꞌajel stukelik. Ya xloꞌlawanik y ya xloꞌlalanot euk.

1 Juan 4:6

Yan te joꞌotike, jaꞌ yuꞌunotik te Diose. Te machꞌa ya snaꞌbe sba te Diose ya me yaꞌibotik te tut ya kaltike, pero te machꞌa ma jaꞌuk yuꞌun te Diose ma xyaꞌibotik te tut ya kaltike. Jich ya xjuꞌ te ya jnaꞌtik te machꞌa yikꞌoj te Espíritu yuꞌun te tut batsꞌi jiche, y te machꞌa yikꞌoj te espíritu yuꞌun te jloꞌlawaneje.

San Juan 16:13

Yan te kꞌalal ya xtal te Espíritu te ya yakꞌ ta naꞌel sluwar te tut batsꞌi jiche, jaꞌ me ya yaꞌbeyex anaꞌbeyik sluwar. Porke ma stukeluk yuꞌun te tut ya yale. Jaꞌ me ya xtal yalbeyex spisil te tut yaꞌiyeje, y jaꞌ me ya yalbeyex te tut ya xkꞌot ta pasele.

1 Juan 2:18

Kuntikil, jaꞌ to jaꞌ slajibalix kꞌaal. Te jaꞌexe awaꞌiyejikix te ay jtul ya xtal te jaꞌ skontrainej te Cristoe. Te ora to ayix bayal machꞌa skontrainej te Cristoe. Jaꞌ yuꞌun jnaꞌojtik te jaꞌ slajibalix kꞌaale.

Apocalipsis 2:11

“Te machꞌa ay xchikine a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe makꞌ me yil swokolik xchꞌinuk yuꞌun te xchꞌamelal lajele”, uta me —xchi.

2 Timoteo 4:4

Ya yakꞌik jilel ta spatik te tut batsꞌi jiche y jaꞌ ya yakꞌ ta jkuenta ta spisil ta jkaj te kuentoetike.

Apocalipsis 20:10

Y te pukuje, te loꞌlaylanbil yuꞌune, chꞌojot ochel te ba yipal ta tilel kꞌajkꞌ sok asufree, teꞌ ba chꞌojtalanbil ochel euk te chanbalam te xiꞌbentik sbae y sok te palso jꞌalwanejetike. Teꞌ me ya yilik swokolik a kꞌajkꞌal ajkꞌubal ta sbajtel kꞌinal.

Apocalipsis 3:6

“Te machꞌa ay chikine, a me yaꞌiy te tut ya yal te Espíritu ta stojol te juju-tijkꞌ hermanoetike”, uta me —xchi.

Apocalipsis 2:29

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike.

1 Pedro 1:20

Jich chapalix a te kꞌalal ma to spas a te balmilale te ya xkꞌax swokol te Cristoe. Pero te tiempo to te slajibalixe, jicha chiknajix yuꞌun alekilik a te jaꞌexe.

Apocalipsis 18:2

Sok tulan skꞌop xꞌawet: —¡Jimix, jimix te mukꞌul jtejklum Babiloniae! Sujtemix ta sna pukujetik. Jaꞌ xchꞌenikix spisil ta jkaj te pukujetik te ma lekuke. Xluchtajibix spisil ta jkaj te mutetik te ma lekuke y te pꞌajbile.

Colosenses 2:18

Ma me awakꞌik te ay machꞌa ya yaꞌbeyex yajtal awoꞌtanike, te skꞌayinej te chꞌin yakꞌoj sbaik y te ya skejan sbaik ta skuenta te angeletike. Lom nax ya yalik te ay tut yiloje, y jowiyel nax ya stoy sbaik ta skaj nax spensarik ta stiꞌbalulik nax.

1 Corintios 10:20

Te tut ya kale, jaꞌ te kꞌalal jich ya spasik te machꞌatik ma snaꞌbeyik sba Diose te ay tut ya yaꞌbeyik smajtanin te lotil diose, jaꞌ ya yaꞌbeyik smajtan a te pukuje, y ma jaꞌuk yuꞌun te Diose. Y te joꞌone ma jkꞌan teme jich ya apasik te ya awakꞌ abaik sok te pukujetike.

Apocalipsis 20:8

Y ya xlijk sloꞌlay te nasionetik ta spisil te balmilale, jaꞌ te Gog y Magog sbiilike. Sok ya me stsob tal ta guerra te soltaroetik yuꞌune, te lom bayal te jachik tutꞌil sjiꞌal te mare.

Apocalipsis 19:20

Te chanbalam te xiꞌbentik sbae la yichꞌ tsakel, jun nax sok te palso alwanejetik te la yakꞌik ta ilel seña milagroetik ta stojole. Ta skuenta te señailetik abi, te palso jꞌalwanejetik juꞌ yuꞌun sloꞌlayel te machꞌatik la skꞌan a yichꞌbeyik te smarka te chanbalam te xiꞌbentik sbae y te la yichꞌbeyik ta mukꞌ te slokꞌole. Jich te chanbalam te xiꞌbentik sbae y sok te palso alwanejetike kuxul a chꞌojtalanot ochel ta kꞌajkꞌ te yipal ta tilel sok asufree.

Apocalipsis 18:23

Sok ma xojobin xan ta atojol te lus yuꞌun te jun lamparae. Sok makꞌ me xꞌaꞌiyotix ta atojol te xniket kꞌin yuꞌun te nujpunele. Aunke te bayal yipik ta balmilal te jchonbajeletik awuꞌune, sok la aloꞌlay ta spisil te nasionetik sok te ma lekuk poxetik yuun pukuje —xchi me.

Apocalipsis 13:14

Y ta skuenta te tutꞌil ay señaetike te jich ya xꞌaꞌbot spas ta stojol te primero chanbalam te xiꞌbentik sbae, la sloꞌlay te machꞌatik aylan ta balmilale. Sok la spastalan ta mantal te ya spasbeyik jun slokꞌol te chanbalam te xiꞌbentik sbae te la yichꞌ ejchꞌentesel ta puñal te ma ba cham yuꞌune.

Apocalipsis 9:20

Pero te jayeb xan sobra te gente, te machꞌatik maꞌ chamik yuꞌun te wokoletik to, ni maꞌ sujtes yoꞌtanik yuꞌun te tut ma lekuk spasojik ta skꞌabike. Ni maꞌ yijkitayik yichꞌel ta mukꞌ te pukujetike y sok te lotil diosetik te pasbil ta oro sok ta plata sok ta bronse sok ta ton sok ta teꞌ, te ma xjuꞌ ya yilik kꞌinal ni ma xyaꞌi kꞌop ni ma spas xbeen.

Apocalipsis 3:22

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike.

Apocalipsis 3:13

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike”, uta me —xchi.

Apocalipsis 2:17

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe ya me kakꞌtalanbe sweꞌ te mana waj te nakꞌal aye. Y ya me kakꞌtalanbe euk te jun sakil ton te teꞌ tsꞌibabil jun achꞌ biilil te maꞌyuk machꞌa ya snaꞌe, jaꞌ nax te machꞌa ya yichꞌe”, uta me —xchi.

Apocalipsis 2:7

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe, ya me kꞌabe sweꞌ te sit teꞌ yuꞌun te kuxuyinele te teꞌey ba ay te lekilal yuꞌun te Diose”, uta me —xchi.

1 Corintios 12:11

Pero ta spisil te jich ay ta pasele, jtul nax Espíritu ya yaꞌbe ta juju-tul te tut la skꞌan yoꞌtan stukele.

Hechos 28:25

Jich maꞌyuk akuerdo a kꞌot yuꞌunik, y lijk bajtikuk. Te jPablo la yaltalanbe: —Leka kꞌopoj te Chꞌul Espíritu ta stojol te antibo ameꞌ-atatike ta skuenta te jꞌalwanej te jich a yale:

Hechos 17:18

Ay maestroetik yuꞌun te epikureoetike sok te estoikoetike lijk sjojokꞌobe sba sok te jPabloe. Ay la yalik: —¿Tut a te ya yal chawchꞌunetel to? —xchiik. Te yane la yalik: —Yuꞌun wan yipal ta yalbeyel skꞌoplal achꞌ diosetik —xchiik. Jich a yalik, yuꞌun te jPabloe yipal ta yaltalanbeyel te lekil achꞌ kꞌop yuꞌun te Jesuse sok te chaꞌkuxele.

Hechos 13:2

Ay jun kꞌaal te stsoboj sbaik ta kulto yuꞌun te Kajwaltike y skomoj sweꞌelik a, te Chꞌul Espiritue altalanbot yuꞌun: —Pitbikon te jBernabee sok te Sauloe yuꞌun tsabilix kuꞌun te ya spas te aꞌtele —xꞌutalanot.

Apocalipsis 16:14

Jaꞌ espirituetik yuꞌun te pukujetike te ya spasik señailetik sok milagroetik. Y lijkik bael ta stsobel ta spisil te reyetik ta balmilale yuꞌun ya yaꞌbe guerra te jun kꞌaal te lom tulan skꞌoplal yuꞌun te Dios te spisil ya xjuꞌ yuꞌune.

San Mateo 18:7

Oꞌol sbaik te genteetike skaj te yalesel ta mulile. Puersa ay machꞌatik ya syaleswan ta mulil, pero oꞌol me sbaik te machꞌa jich ya spase.

San Lucas 17:1

Te Jesuse la yalbe te jnopojeletik yuꞌune: —Puersa me ay yalesel ta mulil. Pero oꞌol me sba te machꞌa ya syaleswan ta mulile.

Hechos 20:23

Jaꞌ nax ya jnaꞌ te ba kꞌaxon ta spisil te jtejklumetike, te Espiritue ya yalbon te ya smaliyon te prexoe sok te bayal wokole.

Hechos 21:11

Kꞌot te ba ayotike. La yichꞌbe te sinturon jPabloe, la xchuk yokꞌ skꞌab a, y la yal: —Te Chꞌul Espiritue ya yal: “Te yajwal sinturon to jich ya xkꞌo chukek yuꞌun te juriyoetik te ba Jerusalene. Sok ya xꞌakꞌot entregal ta skꞌab jyanlumetik”, xchi me —xchi te jꞌAgaboe.

1 Corintios 2:10

Dios la yaꞌbotikix jnaꞌtik te tutik ta skuenta te Espiritue. Yuꞌun te Espiritue ya xjuꞌ yuꞌun te ya yakꞌ ta naꞌel spisil, manchuk me jaꞌ te tut mukꞌul ay yuꞌun stukel te Diose.

1 Corintios 11:19

Yuꞌun ya kaꞌiy te jaꞌexe puersa ya xba apit abaik ta juju-tijkꞌ; yuꞌun te ya xchiknaj a te machꞌa batsꞌi xchꞌuunej te Diose.

Santiago 3:15

Porke te pꞌijilil to ma jaꞌuk te ya xtal ta stojol te Diose, sino ke jaꞌ te pꞌijilil yuꞌun te liꞌ ba balmilale. Jaꞌ nax spensar te gentee, y jaꞌ yuꞌun mismo te pukuje.