1 Timoteo 3:3 - Nuevo Testamento Tzeltal de Amatenango

³ Sok ma me jyakubeluk, sok ma me kꞌayemuk ta sjajchel pleto. Ayuk me slekil yoꞌtan, chꞌunuluk me, sok ma me yauk skꞌupin takꞌin.

Bible in Tzeltal Bachajón

³ ma xyacub, lec yo'tan, ma orahuc ya x'ilin, lamaluc yo'tan soc ma xbic'taj yo'tan yu'un c'uhlejalil.

Bible in Tzeltal de Oxchuc y Tenejapa

³ Ma me xyaiy yacubel, ma me c'aemuc ta xjajch'esel c'op, ya sc'an te ay yutsil yo'tane, te lamal yo'tane, soc te ma xbic'taj yo'tan yu'un te taq'uine.

1 Timoteo 3:3 Referans Kwoze

Tito 1:7

Yuꞌun te machꞌa yichꞌoj yaꞌtel ta statalil yuꞌun te hermanoetike, jaꞌ ay yaꞌtel yuꞌun ta skanantayel te tutik yuꞌun te Diose. Jaꞌ yuꞌun ya skꞌan te tojuk ay bael te xkuxlejale. Ma me toybauk, ma me orauk ya xꞌilin, sok ma me wakꞌ yakubuk, ni ma me tojoluk pleto, sok ma me xbikꞌtaj yoꞌtan yuꞌun sloꞌlayel takꞌin.

Tito 3:2

Ma me ayuk machꞌa ma lek ya yalbe skꞌoplal. Ma me yauk slijkesik kꞌop. Ayuk slekil yoꞌtanik. A me yakꞌik ta ilel te kꞌun yoꞌtanik te tut ya spasik sok te genteetike.

Efesios 5:18

Ma me yakubanik, yuꞌun jaꞌ me ya yikꞌex bael ta sleel amulik. Jaꞌuk me nojel ta awoꞌtanik te Chꞌul Espiritue.

1 Timoteo 3:8

Jich mismo te diakonoetike ya skꞌan te jaꞌ te winketik te lek yoꞌtanike, sok te toj ya xkꞌopoje, sok te ma xyakube, sok te ma yauk skꞌupin sloꞌlayel takꞌin.

Santiago 4:1

¿Ba ya xtal te pletoe y te ya awut abaike? ¿Meꞌn ma jaꞌuk te tutik ma lekuk ya skꞌan awoꞌtanike te sil tiempo yipal ya sujexe?

1 Pedro 5:2

Kanantayaik me te karneraetik yuꞌun te Diose te jaꞌ yakꞌojbeyexix ta akuentaike. Pasaik sok spꞌejel awoꞌtanik jich tutꞌil ya skꞌan te Diose, y ma me ta sujeluk ya apasik. Ma me xbajt ta awoꞌtanik takꞌin. Gano me xꞌaꞌtejex.

Hebreos 13:5

Ma me jaꞌuk xbajt ta awoꞌtanik te takꞌine; junuk me awoꞌtanik te tut ay awuꞌunike. Porke jich yaloj te Diose: “Ma me yauk jilesat ni yauk jchꞌojat jilel”, xchi me.

Tito 2:3

Jich mismo euk te meꞌ-meꞌeletike ya skꞌan te lek ya xꞌakꞌawanik ta jkuentae. Ma me tojoluk aꞌbiye, ni yakubel. Sok ya skꞌan te lekuk te tut ya yakꞌ ta ilele.

Apocalipsis 1:9

Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.

Judas 1:11

¡Oꞌol me sbaik! Porke jaꞌ stamojbeyik sbe te jCaine. Ta skaj nax sganar takꞌin te ya xlaj chꞌay baele, jachꞌik tutꞌil te jBalaame. Y jich tutꞌil te jCore, ya xlaj cham yuꞌun te xkꞌaxemule.

2 Pedro 2:3

Ay sbikꞌtal yoꞌtanik yuꞌun te takꞌine, jich ay tut ya slokꞌesbeyex sok te tut palso ya yakꞌik ta nopele. Pero namey chapal skꞌoplalik te ya xbajtik ta chꞌayel. Ni ma xjuꞌ ya skoltay sbaikix teꞌae.

Tito 1:11

Te machꞌatik jich ya yalike, ya skꞌan kombeyel te stiꞌike. Yuꞌun ya yixlanbe yoꞌtanik spꞌejel te machꞌatik jun nax ay snaike. Ya snojpeswanik te tut ma jichuk ya skꞌane, skuenta jich ya staik sloꞌlayel takꞌine.

1 Tesalonicenses 5:14

Sok ya kalbeyex, kermanotak, ya me atsitsik te machꞌatik ma skꞌan xꞌaꞌtejike. Aꞌbeyaik yip yoꞌtanik te machꞌatik maꞌyuk yip yoꞌtanike. Koltayaik me te machꞌatik lom xcheben yoꞌtanike. Sok ayuk apasensia ta stojol spisilik.

Romanos 16:18

Porke ma xtuunik yuꞌun te Kajwaltik Jesucristoe, yuꞌun jaꞌ nax baem ta yoꞌtanik te tut ya skꞌupin te stiꞌbalule. Te skꞌopike ben tsaꞌam ta aꞌiyel y lek yaꞌiyel, pero jaꞌ ya yixlanbe yoꞌtanik te gente te maꞌyuk spꞌijilike.

Hechos 20:33

Maꞌyuk machꞌa bikꞌtaj koꞌtan yuꞌun stakꞌin, ni ayuk machꞌa kꞌupinbe skꞌuꞌ-spakꞌ.

San Mateo 21:13

Y la yaltalanbe: —Jich tsꞌibabil ta Sjun Dios: “Te jnae jaꞌ snaul skꞌoponel Dios sbiil”, xchi me. Pero te jaexe sujtix awuꞌunik ta xchꞌen jꞌelekꞌetik —xyut.

2 Timoteo 3:2

Te winketike stukel nax lek ya skꞌan sbaik, sok ya me xbikꞌtaj yoꞌtanik yuꞌun te takꞌine, sok ya me stoy sbaik y lom mukꞌ me ya yakꞌ sbaik. Ya me stoyba-kꞌoptayik te Diose, sok ma xchꞌuunbe smantal smeꞌ-statik. Ma me snaꞌik yalel kola yal y maꞌyuk tut ya xchꞌuunik.