1 Timoteo 2:1 - Nuevo Testamento Tzeltal de Amatenango

¹ Jaꞌ nail ya kalbeyex to: Sil tiempo ya skꞌan ya akꞌoponbeyik Dios ta spisil te genteetike y sok ya awalbey kola yal Dios ta skuentaik.

Bible in Tzeltal Bachajón

¹ Ha nahil ya jtsits spisilic te ya me sc'oponic Dios, te ay bintic ya sc'ambeyic soc te ya yalbeyic wocol Dios yu'un spisil ants-winiquetic,

Bible in Tzeltal de Oxchuc y Tenejapa

¹ Ya me jtac'uyex ta apisilic: C'oponaic me te Diose, c'anbeyaic te bila ya ac'anique, bic'tal-c'opojanic ta stojol te Diose. Albeyaic wocol Dios yu'un ta spisil te ants-winiquetique,

1 Timoteo 2:1 Referans Kwoze

2 Tesalonicenses 1:3

Kermanotak, sil tiempo ya skꞌan kalbetik kola yal Dios yuꞌun te jaꞌexe. Jaꞌ lek te jich ya jpastike porke te xchꞌuunel awoꞌtanike yipal ta mukꞌubel, y te xkꞌuxul awoꞌtanik te ay awuꞌunik ta juju-tule yipal ta mukꞌubel ta stojol te yanetike.

Santiago 5:16

Jaꞌ yuꞌun, albeya abaik ta jamal ta juju-tul te amulike. Y kꞌoponbeya abaik Dios ta juju-tul, yuꞌun jich me ya xlekubex a. Bayal tut ya xkꞌot ta pasel teme jun yoꞌtan ya skꞌopon Dios te machꞌa toj yoꞌtane.

Efesios 5:20

Y albeyaik sil tiempo kola yal Dios te Tatil yuꞌun spisil te tutik ay ta skuenta te Kajwaltik Jesucristoe.

2 Timoteo 2:24

Y te jtul jꞌatel yuꞌun te Kajwaltike ma spas teme lom nax ya slijkes pletoe. Jaꞌ ya skꞌan te lek skꞌanojlan ta spisil te yanetike. Ya skꞌan te ay spꞌijil yoꞌtan ta nojpeswanej, sok ya skꞌan te ya stsꞌijk yuꞌune.

1 Timoteo 2:4

Yuꞌun stukel ya skꞌan te spisil ya xkole y te ya xkꞌot ta yoꞌtanik te tut batsꞌi jiche.

Filipenses 1:3

Ya kalbe kola yal Dios awuꞌunik ta juju-mel te ya jnaꞌexe,

Hebreos 6:11

Pero jaꞌ ya jkꞌantik te ta juju-tulex te sigue ya awakꞌik ta ilel te jun awoꞌtanike jaꞌ to ta slajibal kꞌaal, yuꞌun tsꞌakal me ya ataik te tut yipalex ta smaliyele.

Tito 3:2

Ma me ayuk machꞌa ma lek ya yalbe skꞌoplal. Ma me yauk slijkesik kꞌop. Ayuk slekil yoꞌtanik. A me yakꞌik ta ilel te kꞌun yoꞌtanik te tut ya spasik sok te genteetike.

Tito 2:11

Yuꞌun Dios a yaꞌbotik kiltik te slekil yoꞌtane, te jaꞌ yichꞌoj tal te kolel yuꞌun ta spisil te genteetike.

1 Timoteo 5:5

Yan te meꞌba ants te yal stukel xanix aye, jaꞌ yipinej yoꞌtan te Diose, y ma skom sba ta yalulanbeyel y skꞌoponel Dios ta kꞌajkꞌal ajkꞌubal.

1 Corintios 15:3

Te tut nail a kaꞌbeyex anaꞌike, jaꞌ te tutiꞌ yaꞌbelon jnope. Jaꞌ a kakꞌ anoptalanik te Cristoe cham ta skaj jmultik, jich tutꞌil ya yal te Sjun Diose.

Hechos 17:30

Te Diose maꞌyuk tuti yal yuꞌun te jich yipal kꞌaal ayikix tal ta spasel te gente te ma snaꞌbe sluware. Yan te ora to ya spasix ta mantal spisil genteetik ta bayuk te ya sujtes yoꞌtanik ta stojole.

1 Tesalonicenses 3:12

Y te Kajwaltike jaꞌ ya skꞌoltayex te bayal to xan kꞌux ya awaꞌiy abaik sok te ay skꞌuxul awoꞌtanik yuꞌun te yanetik ekꞌae. Jich tutꞌil joꞌotik te kꞌux ya kaꞌiytikex.

Romanos 6:17

Pero kola yal Dios, te jaꞌex te nail to moso ayex yuꞌun te mulile, achꞌuunejikix ta awoꞌtanik jich tutꞌil te nojpesel te la awichꞌike.

Romanos 1:8

Te primeroe, ta skuenta te Jesucristoe, ya kalbe kolayal te Dios kuꞌune ta juju-tul te jaꞌexe, porke ta bayuk ya xꞌalot te achꞌuunejikixe.

2 Corintios 8:6

Jaꞌ yuꞌun la jkꞌanbetikix pawor te jTitoe te ya xtal yichꞌbeyex bael te koltayel ya awakꞌik ta skuenta slekil awoꞌtanik, te jaꞌ nax nail a lijk stsobe.

Efesios 3:13

Jaꞌ yuꞌun awokolikuk ma me acheban awoꞌtanik yuꞌun ta skaj te jaꞌex te ayon ta wokole. Yuꞌun tey ya ataik alekilalik a te jaꞌexe.

Efesios 6:18

Siluk me tiempo kꞌoponaik te Diose. Wokoletanik y kꞌanbeyaik Dios te siluk tiempo ya stojutesex te Espiritue. Kuxuluk me awoꞌtanik. Ma me cheban awoꞌtanik, y kꞌoponbeyaik Dios spisil te machꞌatik xchꞌuunejik Diose.

Filipenses 4:6

Ma me tut ya yakꞌ yajtal awoꞌtanik yuꞌun. Jaꞌ ya skꞌan ya akꞌoponik Dios yuꞌun ta spisil te tut ya xtuun awuꞌun, y albeyaik kolayal ekꞌa.