1 Timoteo 1:5 - Nuevo Testamento Tzeltal de Amatenango

⁵ Te tut sluwar te jich la jpasat ta mantale, yuꞌun jaꞌ skꞌan te kꞌux ya kaꞌi jbajtik ta juju-tule. Jaꞌ te skꞌuxul-oꞌtanil te ya xchiknaj teme sakubenix te koꞌtantike, sok teme tojobenotike, y sok teme lek jchꞌuunejtik te Diose.

Bible in Tzeltal Bachajón

⁵ Te bin scuentahil te mandar ini ha te c'uxul-o'tanil te hahchem tal ta o'tanil te mayuc yabacul, ta o'tanil te mayuc bin ya yal yu'un, soc ta sch'uhunel-o'tanil te melel ay.

Bible in Tzeltal de Oxchuc y Tenejapa

⁵ Te bi swentailuc in mandal to, ja' te xc'uxul-o'tanil te ayinem ta bay lequil-o'tanil, soc te lequil nopjibale, soc te xch'uunjel-o'tanil ta melel.

1 Timoteo 1:5 Referans Kwoze

1 Timoteo 1:19

Ay machꞌatik te ma xyakꞌik ta jkuenta te tut lek ta pasele. Chꞌayix xchꞌuunel yoꞌtanik yuꞌun.

Gálatas 5:22

Yan te tut ya yakꞌ te Espiritue jaꞌ te skꞌuxul koꞌtantike y sok ay goso ta koꞌtantik, sok bujtsꞌan kꞌinal, sok spisil ya stsꞌijk kuꞌuntik. Sok lek ya kil jbajtik, y ay slekil koꞌtantik, sok jun koꞌtantik,

2 Timoteo 2:22

Xiꞌan me yuꞌun te tutik ma lekuk ya skꞌupin spasik te kermetike. Toj me ya skꞌan xkuxuyinat, sok xchꞌuunel awoꞌtan, sok skꞌuxul awoꞌtan, y bujtsꞌanuk me kꞌinal ya awaꞌi. Joyina spisilik te machꞌatik sakubenix yoꞌtanik te ya yalbeyik wokol ta stojol te Kajwaltike.

2 Timoteo 1:5

Porke ya jnaꞌ te jun awoꞌtan achꞌuunej te Diose, jich tutꞌil nail xchꞌuunejik Dios te ameꞌchich xLoidae y sok te ameꞌ xꞌEunice. Seguro ayon te jich awoꞌtan ekꞌa te jaꞌate.

2 Timoteo 1:3

Sil tiempo ya jnaꞌat ta skꞌoponel Dios. Ta kꞌajkꞌal ajkꞌubal ya kalbe kola yal Dios te jun koꞌtan kakꞌoj jba ta abatinel yuꞌun, jich tutꞌil la yakꞌ sbaik ta abatinel te antibo jmeꞌ-jtate.

1 Pedro 3:21

Y te skꞌoplal jaꞌ abi, ja xyal te ichꞌjaꞌe, te jaꞌ ta skuenta te kolemotikix te ora to. Ma yuꞌunuk ya spokbotik lokꞌel te yijkꞌal jtiꞌbalultike, sino ke jaꞌ kꞌanbeyel te Diose te ya slekutes te koꞌtantike. Jich ya skoltayotik te tutꞌil chaꞌkux tal te Jesucristoe.

1 Pedro 3:16

Pero lekuk me xꞌawalbey yaꞌiyik y akꞌaik me ta jkuenta. Lekuk me spisil te tut ya apasike. Jich me jun awoꞌtanik ya awaꞌiyik yuꞌun. Yuꞌun te machꞌatik ma lekuk tut ya yalbeyex, aunke lek ayex yuꞌun achꞌuunejik te Cristoe, ya me xkꞌexawik yuꞌun te skꞌopike.

1 Pedro 1:22

Te ora to te jaꞌexe, te la achꞌuunik te skꞌoplal te tut batsꞌi jiche, la alekutesikix te awoꞌtanike yuꞌun ben jun awoꞌtan ya akꞌuxutayik a te hermanoetike. Jich ya skꞌan te kꞌux ya awaꞌiy abaik ta juju-tul sok spꞌejel awoꞌtanik sok spisil apuersaik.

2 Pedro 1:7

sok te kꞌuxuk ya awaꞌiyik te hermanoetike, sok ayuk xkꞌuxul awoꞌtanike.

Romanos 10:4

Porke te mantaliletike kꞌo lajuk skꞌoplal ta skuenta Cristo, yuꞌun jaꞌ ya skoltay yuꞌun smul spisil te machꞌatik ay xchꞌuunel yoꞌtanike.

Tito 1:15

Yuꞌun te machꞌatik lek ay spensarike, lek skꞌoplal yuꞌunik spisil tutik ay. Pero te machꞌatik ma xchꞌuunike, ni ma lekuk te spensarike, sok maꞌyuk tutꞌil lek skꞌoplalik yuꞌunik. Yuꞌun lom ijkꞌubenik te spensarike y te tut ya snaꞌike.

1 Timoteo 3:9

Ya skꞌan te jun yoꞌtan xchꞌuunej te batsꞌi jich te tut jchꞌuunejtikixe, sok te ben lek te yoꞌtane.

2 Corintios 1:12

Ay tut yuꞌun te ay sbujtsꞌ koꞌtantike: jaꞌ te ya jnaꞌtik te lek kakꞌoj jbatik y stojil a kuxuyinotik liꞌ ba balmilale, y mas to xan a ta awolilik te jaꞌexe. Ma jaꞌuk pꞌijilil ta skuenta tiꞌbalulil. Jaꞌ nax ta slekil yoꞌtan Dios te skoltayejotik te jich ya xkuxuyinotike.

1 Pedro 4:8

Jaꞌ tulan skꞌoplal te ayuk me bayal xkꞌuxul awoꞌtanik, porke te xkꞌuxul-oꞌtanile bayal perdon ya yakꞌ yuꞌun muliletik.

Santiago 4:8

Tijilajanik ta stojol Dios, y ya me xtijilaj tal ta atojolik. Sakutesa te akꞌabike, jmulawiletik. Lekutesa te awoꞌtanike, jaꞌex te lom xchebet awoꞌtanike.

Hechos 23:1

Te jPablo la skꞌelulanbe sit te machꞌatik stsoboj sbaik te ay yaꞌtelike, y la yaltalanbe: —Kermanotak, te joꞌone bikꞌiton to a te jun koꞌtan ayon ta stojol Dios asta te ora to —xchi.

1 Juan 3:3

Y spisil te machꞌa jich yipal ta smaliyele, ya me slekutesik te yoꞌtanike, jich tutꞌil te lek yoꞌtan stukel te Jesucristoe.

Hebreos 10:22

Jaꞌ yuꞌun ya skꞌan xtijilajotik ta stojol Dios sok spisiluk me koꞌtantik y sok xchꞌuunel koꞌtantik te batsꞌi seguroe. Sakubenuk me te koꞌtantik yuꞌun te tut ma lek ya jnoptike, y sapbiluk me te jtiꞌbalultik ta puro lekil jaꞌ.

1 Corintios 13:1

Teme jich ya xkꞌopojon te tutꞌ ya xkꞌopoj winketike o jich tutꞌ ya xkꞌopoj te chꞌul angeletike, pero teme maꞌyuk xkꞌuxul koꞌtane, jich nax kꞌoemon tutꞌil te stsꞌintsꞌun nax te takꞌine sok te chꞌininet nax te platilloe.

Romanos 14:15

Pero teme ta skaj te aweꞌel te ya yakꞌ yajtal yoꞌtan te awermanoe, yuꞌun maꞌyuk slekil awoꞌtan te tutꞌ ayate. Ma me ta skajuk te aweꞌele te chꞌayel ya xbajt te yane, te jaꞌ a cham Cristo yuꞌune.

Romanos 9:1

Batsꞌi jich te tut ya kal ta skuenta te Cristoe, ma jlotuk. Sok jaꞌ ya yalbon ta koꞌtan te Chꞌul Espíritu te ma jlotuk te tut ya kale.

Hechos 24:16

Jaꞌ sluwaril te sil tiempo kuidado ayon ta stojol te Diose y sok ta stojol te genteetike.

Hechos 15:9

Te Diose ma yanuk a yilotik sok te machꞌatik ma juriyouke, yuꞌun jich ya spasbe perdon yuꞌun smulik euk ta skuenta nax te la xchꞌuun ta yoꞌtanike.

San Mateo 12:35

Te machꞌa lek te yoꞌtane lek te tut ya yal lokꞌel ta stiꞌe. Yan te machꞌa ma tsaꞌamuk te yoꞌtane ma lekuk te tut ya yal lokꞌel ta stiꞌe.

San Mateo 5:8

“Ben me tsaꞌam slekilik te machꞌatik maꞌyuk mulil ta yoꞌtanike, jich me ya xkꞌo yilbeyik sit te Diose.

1 Juan 3:23

Y te smantale, jaꞌ te ya jchꞌuuntik te Xnichꞌane, jaꞌ te Jesucristoe. Y te kꞌux ya kaꞌiy jbajtik ta juju-tule, jachik tutꞌil te la yalbotik mantale.

Hebreos 13:18

Kꞌoponbotik me Dios. Seguro ayotik te jun koꞌtantik ta stojol Dios, sok jaꞌ ya jkꞌantik te lek ya jpastik spisile.

Hebreos 9:14

Pero teme jich ay to, jaꞌ to xan mas ay yip stukel te xchꞌichꞌel Cristoe. Yuꞌun ta skuenta te Espíritu te sbajtel kꞌinal aye, Cristo la yakꞌ sba ta milel ta stojol Dios jich tutꞌil milbil smajtan Dios te maꞌyuk smule. Y te xchꞌichꞌele la sakutesbotik koꞌtantik yuꞌun te kaꞌteltik te ya yikꞌotik bael ta lajele. Yuꞌun jich me ya xjuꞌ te ya kakꞌ jbajtik ta abatinel yuꞌun te kuxul Diose.

Gálatas 5:6

Porke jun nax ayotik sok te Cristo Jesuse, jich ma baleukix ya xkꞌot a teme kichꞌojtik sirkunsisione o teme ma kichꞌojtikuke. Te tut lom balee jaꞌ te ay xchꞌuunel koꞌtantike. Y te xchꞌuunel-oꞌtanile ya yakꞌ kuxuyinukotik sok te skꞌuxul koꞌtantike.

Romanos 12:9

Kꞌux me xꞌawaꞌiy abaik ta awoꞌtanik juju-tul. Pꞌajaik te tut ma tsaꞌamuke, y jaꞌ xꞌatamik te tut leke.

1 Timoteo 1:18

Jaꞌat jTimoteo, te jnichꞌanat ta koꞌtane, ya kaꞌbeyat ta akuenta te aꞌtel to, yuꞌun jich me ya xjuꞌ awuꞌun tsalaw ta skuenta te xchꞌuunel awoꞌtane y ta skuenta te toj awoꞌtane. Jich tutꞌil te nail yaloj te hermanoetik te la yalik te akꞌoplale ta skuenta te Diose.

1 Juan 3:10

Chikan ta ilel machꞌatik te yuntikil te Diose y te machꞌatik yuntikil te pukuje. Porke machꞌauk te ma jaꞌuk ya spas te tut leke o teme ma kꞌuxuk ta yoꞌtan te yermanoe, ma jaꞌuk yuꞌun Dios abi.