1 Timoteo 1:4 - Nuevo Testamento Tzeltal de Amatenango

⁴ te manchuk jaꞌuk nax ya xbajt ta yoꞌtanik te jontol kuento naxe, sok te tutik skuentoal te antiboetike te ma xlaj ta alele. Te tutik jich aye, jaꞌ nax ya yikꞌotik bael ta tijtonbajel, y ma jaꞌuk ya skoltayotik ta spasel te aꞌtel yakꞌojbotik te Dios yuꞌun te jchꞌuunejtike.

Bible in Tzeltal Bachajón

⁴ soc te manchuc ya xbaht ta yo'tanic sna'el namey c'opetic te ay ta halel soc te bihililetic yu'un ts'umbalil te ma xlaj ta halel, te ha ya shach c'op, te ma ba ya yac' muc'ubuc te ya'tel Dios te ay ta scuenta sch'uhunel-o'tanil.

Bible in Tzeltal de Oxchuc y Tenejapa

⁴ Soc te manchuc ja'uc ya xbajt' ta yo'tanic te bila jontol c'op aiyejetic naxe, soc te bila sc'oplal nax te namey q'uinal me'il-tatiletic te ma xlaj ta alele. Ja' in to, ja' nax ya xjach tsaltomba c'op, ma ja'uc ya yac'botic xch'uunjel co'tantic ta spasel te bila chapal yu'un te Diose.

1 Timoteo 1:4 Referans Kwoze

Tito 3:9

Pero koma te kꞌopetik te jowil naxe, te skuentoal nax te antiboetike, sok te tsaltomba pleto kꞌopetik yuꞌun te tutꞌil ay te mantaliletik yuꞌun te jMoisese. Jaꞌ te tutik ma xtuun y te maꞌyuk sluwarile.

Tito 1:14

Jich me makꞌ ya yakꞌik ta jkuenta a te kuentoetik te jich nax nopbil yuꞌun te juriyoetike, ni te tut ya yalik ta mantal te machꞌatik yakꞌoj ta spat te tut batsꞌi jiche.

1 Timoteo 4:7

Pero ma me awakꞌ ta jkuenta te kuentoetik skuenta balmilal te jowil naxe. Kꞌayesa me aba ta xchꞌuunel te Diose.

2 Timoteo 4:4

Ya yakꞌik jilel ta spatik te tut batsꞌi jiche y jaꞌ ya yakꞌ ta jkuenta ta spisil ta jkaj te kuentoetike.

2 Pedro 1:16

Te nojpesel te la kaꞌbetikex te tutꞌil ay spoder te ya xtal xan te Kajwaltik Jesucristoe, ma kꞌop abiyejuk nax te ya xloꞌlawane. Yuꞌun batsꞌi ta sitik a kiltik te Kajwaltik te lom mukꞌ ay slekilale.

1 Timoteo 6:20

Jaꞌat, jTimoteo, kanantaya me lek te tut kalojbeyate. Ma me awakꞌ achikin a te kꞌopetik skuenta balmilale te ma xtuune, ni te pꞌijil kꞌopetik te jowil nax te kuybil te ya snaꞌbe sluwarile.

Hebreos 13:9

Ma me awakꞌ abaik ta loꞌlayel yuꞌun yanetik nojpesel te ma jaꞌuk yuꞌun te Diose. Jaꞌ lek te ayuk spuersa te koꞌtantike ta skuenta xkꞌuxul yoꞌtan te Diose. Ma me jaꞌuk nax xbajt ta awoꞌtanik te mantal yuꞌun te tutik weꞌeliletike, yuꞌun maꞌyuk tutiꞌ staik a te machꞌa jich ay ta pasele.

2 Timoteo 2:14

Aꞌbeya snaꞌik to te machꞌatik akuentaineje, y altalanbeya ta skuenta te Kajwaltike aꞌ sjilesik ta yalulanel te puru kꞌop aꞌbiyejetike sok te puru tsalaw ta kꞌope te maꞌyuk tut ya xlokꞌ aye. Te tut ya spasike jaꞌ nax ya yixlan te machꞌatik ya yaꞌiye.

2 Timoteo 2:22

Xiꞌan me yuꞌun te tutik ma lekuk ya skꞌupin spasik te kermetike. Toj me ya skꞌan xkuxuyinat, sok xchꞌuunel awoꞌtan, sok skꞌuxul awoꞌtan, y bujtsꞌanuk me kꞌinal ya awaꞌi. Joyina spisilik te machꞌatik sakubenix yoꞌtanik te ya yalbeyik wokol ta stojol te Kajwaltike.

1 Timoteo 6:11

Pero te jaꞌate, te swinikat te Diose, xiꞌan me yuꞌun ta spisil to. Tojuk me xbaat sok te akuxlejale ta snaꞌel te Diose. Ayuk xchꞌuunel awoꞌtan, sok xkꞌuxul awoꞌtan, sok jun awoꞌtan, sok chꞌin me xꞌawakꞌ aba.

1 Timoteo 3:16

Jamal chikan te lom mukꞌ te tut jchꞌuunejtik te mukul aye: Dios la yichꞌ stiꞌbalul, chiknaj ta ilel. Akꞌot ta naꞌel te toj yoꞌtan yuꞌun te Espiritue. Ilot yuꞌun te chꞌul angeletike. La yichꞌ alel ta stojol te nasionetike. La yichꞌ chꞌuunel ta balmilal. Sok ikꞌot bael ta lekilal.

Tito 1:1

Joꞌon jPabloon, yaj-aꞌtelon te Diose sok apostolon yuꞌun te Jesucristoe. Tikonbilon ta yaꞌbeyel xchꞌuun Dios te machꞌatik tꞌujbilik yuꞌun te Diose, sok yuꞌun ya me snaꞌik ta batsꞌi jich te tut jchꞌuunejtike,

2 Corintios 1:12

Ay tut yuꞌun te ay sbujtsꞌ koꞌtantike: jaꞌ te ya jnaꞌtik te lek kakꞌoj jbatik y stojil a kuxuyinotik liꞌ ba balmilale, y mas to xan a ta awolilik te jaꞌexe. Ma jaꞌuk pꞌijilil ta skuenta tiꞌbalulil. Jaꞌ nax ta slekil yoꞌtan Dios te skoltayejotik te jich ya xkuxuyinotike.

Efesios 3:2

Yuꞌun ya skꞌan ya anaꞌik: Te ta skuenta slekil yoꞌtane, Dios la yaꞌbon kaꞌtel ta skuenta alekilik te jaꞌexe.

2 Timoteo 2:23

Ma me awakꞌ ta jkuenta te kꞌopetik te maꞌyuk sluwaril sok te jowil naxe. Anaꞌojix te jaꞌ nax ya slikes kꞌope aye.