1 Timoteo 1:1 - Nuevo Testamento Tzeltal de Amatenango

¹ Joꞌon jPabloon, apostolon yuꞌun te Jesucristoe. Tikonbilon ta smantal Dios te Koltawanej kuꞌuntike y te Kajwaltik Jesucristoe te jaꞌ yip koꞌtantike.

Bible in Tzeltal Bachajón

¹ Pablo, jpuc-c'op yu'un te Jesucristo ta scuenta smandar Dios te Jcoltaywanej cu'untic, soc te Cajwaltic Jesucristo te ha smuc'ul co'tantic,

Bible in Tzeltal de Oxchuc y Tenejapa

¹ Jo'on Pabloon te ayon ta jpuc-c'op yu'un te Jesucristoe ta swenta smandal te Diose, te ja' Coltaywanej cu'untique, soc uuc te Cajwaltic Jesucristo, te ja' smuc'ul co'tantic stuquele.

1 Timoteo 1:1 Referans Kwoze

Tito 1:3

Y te ora to, te la staix stiempoale, la yaꞌbotikix jnaꞌtik te skꞌoplal te tutꞌil ay ta alel, te jaꞌ la yaꞌbon kal ta skuenta smantal Dios te jkoltawanej kuꞌuntike.

Colosenses 1:27

Te Diose jaꞌ la yaꞌbotik jnaꞌtik te tutꞌil mukul nax ay yuꞌune, jaꞌ te kꞌop te bayal slekil ta aꞌiyel yuꞌun spisil te machꞌatik maꞌ juriyouke. Jaꞌ te tutꞌil ya xꞌanin ta awoꞌtanik te Cristoe, te jaꞌ ya amaliyik te slekil te ya xba awichꞌike.

Hechos 9:15

Pero te Kajwaltike la yalbe: —Baan, porke jtsaojix tal te winik me to. Yuꞌun ya me yalbon jkꞌoplal ta stojol te genteetik ta yanetik nasione, y sok euk te reyetik yuꞌune, y sok te israeletike.

1 Pedro 1:3

Ben tsaꞌam slekil te Dios, jaꞌ te Stat te Kajwaltik Jesucristoe. Ta skuenta te lom bayal slekil yoꞌtane la yakꞌ chaꞌayinukotik ta achꞌ ta skuenta te chaꞌkux tal te Jesucristoe. Jaꞌ to jaꞌ te yipalotik ta smaliyele.

1 Timoteo 1:12

Ya kalbe kola yal te Kajwaltik Jesucristoe te jaꞌ a yaꞌbon jpuersae, porke ya yil te jun koꞌtane, y la yaꞌbon kichꞌ kaꞌtel,

Gálatas 1:1

Joꞌon jPabloon, te apostolon. Ma jaꞌuk tikonbilon yuꞌun te winketike sok ma jaꞌuk la yaꞌbonik kaꞌtel. Jaꞌ la yaꞌbon kaꞌtel te Jesucristoe y sok te Dios Tatile te jaꞌ a xchaꞌkuses tal te Jesuse te ba ay te animaetike.

2 Corintios 1:1

Joꞌon jPabloon. Skꞌanojel yoꞌtan Dios te apostolon yuꞌun te Jesucristoe, sok te hermano jTimoteoe. Ya jtsꞌibay te karta to ta akuentaik te jayebex te achꞌuunejik Dios te ayex ta jtejklum Corintoe y sok te jtejklum yuꞌun Dios ta spisil te estado yuꞌun Acayae.

2 Pedro 1:1

Joꞌon Simon Pedroon, jꞌaꞌtelon y apostolon yuꞌun te Jesucristoe. Ya jtsꞌibabeyex te karta to ta akuentaik, te pajal ay ta jkuentaik xchꞌuunel te tut ben tsaꞌame, porke toj yoꞌtan stukel te Diose y sok te jKoltawanej Jesucristoe.

1 Timoteo 2:7

Jich yuꞌun joꞌon aꞌbilon kaꞌtel ta apostolil ta yalel te tutꞌil aye, y la yaꞌbelon kaꞌtel te ya jnopes te machꞌatik ma juriyouke tutꞌ ay ta chꞌuunel sok te tut batsꞌi jiche. Te tut ya kale batsꞌi jich, ma jlotuk.

2 Tesalonicenses 2:16

Te Kajwaltik Jesucristoe y sok te Jtatik Dios te kꞌuxotik ta yoꞌtane y te la yaꞌbotik smukꞌul koꞌtantik sbajtel Kꞌinal y sok te ya jmaliytik te slekilale,

1 Corintios 1:1

Joꞌon jPabloon, te la yikꞌon ta aꞌtel te Diose ta skꞌanojel yoꞌtan. La yakꞌon ta apostolil yuꞌun te Jesucristoe. Joꞌon sok te hermano Sóstenese

1 Juan 4:14

Te joꞌotike kilojtik te Jesucristoe, y ya kaltik ta jamal te Tatile la stikon tal te Xnichꞌan yuꞌun tal skoltay te machꞌatik ayik ta balmilale.

1 Pedro 1:21

Ta skuenta te Cristoe te ya achꞌuunik Dios te jaꞌexe. Jaꞌ te la yichꞌ chaꞌkuxesel te ba ay te animaetike, sok akꞌot ta akꞌel ta jkuenta. Jich yuꞌun te jaꞌexe awakꞌoj xchꞌuunel awoꞌtanik sok yipalex ta smaliyel te tut ya yaꞌbeyex te Diose.

Tito 3:6

Y sok ta skuenta te Jesucristo, te jKoltawanej kuꞌuntike, la yaꞌbotik te Chꞌul Espíritu te ma xatꞌbiluke,

Tito 3:4

Pero te Diose, te jKoltawanej kuꞌuntike, la yakꞌ ta ilel te slekil yoꞌtan sok xkꞌuxul yoꞌtan ta stojol te genteetike.

Tito 2:13

Jaꞌ ya jmalitik te ben tsaꞌam ya sta skꞌalel te tut sjapojbotik jilele, jaꞌ te ben tsaꞌam te ya sujt tal te mukꞌul Dios kuꞌuntik, jaꞌ te jKoltawanej Jesucristoe.

Tito 2:10

Ma me yauk yelkꞌanik sino ke tsꞌakaluk me ya yakꞌik ta jkuenta, yuꞌun jich me ya yilik ta spisilik te ben tsaꞌam te nojpesel ta skuenta te Dios te jKoltawanej kuꞌuntike.

1 Timoteo 4:10

Jaꞌ yuꞌun ya xꞌaꞌtejotik sok ya jpastik puersa, porke jaꞌ ayotik ta smaliyel te kuxul Diose te jaꞌ jKoltawanej yuꞌun ta spisil, pero ja mero ya xkoltayot yuꞌun te machꞌatik ya xchꞌuunike.

1 Timoteo 2:3

Jaꞌ to jaꞌ lek ya yil te Dios te jKoltawanej kuꞌuntike.

Gálatas 1:11

Ya kaꞌbeyex anaꞌik, jaꞌex kermanotak, te jich aye: Te skꞌoplal kolel te ya kale, ma jaꞌuk ta skuenta nax te winketike.

1 Corintios 9:17

Jaꞌ yuꞌun, teme jaꞌ nax ya jpas te tut ya skꞌan koꞌtane, ya xjuꞌ ya jkꞌan jtojol a te jichuke. Pero te tutꞌil albilon mantal te jich ya skꞌan jpase, junuk me koꞌtan ya jpas te tut ya yalbon te Diose.

Romanos 1:1

Joꞌon jPabloon, te yaj-aꞌtelon te Jesucristoe, ya jtsꞌibabeyex te karta to. Dios la yikꞌon sok spitojon te apostol ya xkꞌoon yuꞌune, yuꞌun ya kalbe skꞌoplal te kolele.

San Lucas 1:47

Ben jun koꞌtan ta stojol te Dios te jkoltawane kuꞌune. Porke Dios teꞌe sit a te ba ayone, manchuk me chꞌin ayon te yabatone.

San Lucas 2:11

Tsꞌin to nax a ayin te ba slumal jDavid te jkoltawane awuꞌunike, jaꞌ te Kajwaltik Cristoe.