1 Pedro 3:1 - Nuevo Testamento Tzeltal de Amatenango

¹ Jich te jaꞌexe antstik, chꞌuunbeyaik me smantal te amamlalike, yuꞌun teme ay amamlalik te ma xchꞌuunik te skꞌop Diose, tikꞌ ya me xchꞌuunik a teme ya yilik te spisil te tut ya apasike. Ma puersauk ya yichꞌ albeyel te skꞌop Diose,

Bible in Tzeltal Bachajón

¹ Ha nix hichex, antsetic, ac'a abahic ta cuentahinel yu'un te amamalalic, scuenta yu'un teme ay ma ba ya sch'uhunic te sc'op Dios, ya me sch'uhunic, ma ha'uc ta scuenta ac'opic, ha ta scuenta te bin yac apasic,

Bible in Tzeltal de Oxchuc y Tenejapa

¹ Ja' nanix jichex uuc antsetic, junuc me awo'tanic ch'uunbeyaic smandal te amamlalique, swenta yu'un teme ay ma ba xch'uunejic sc'op Dios te amamlalique, tic' ya xch'uunic a teme ya yilic te bit'il lec spisil te bila ya apasique.

1 Pedro 3:1 Referans Kwoze

Colosenses 3:18

Antstik, chꞌuunbeyaik smantal te amamlalike, yuꞌun jich ya skꞌan yuꞌun te achꞌuunejikix te Kajwaltike.

Efesios 5:33

Jaꞌ yuꞌun ta juju-tulex te jaꞌexe, kꞌuxutaya me te awinamike jich tutꞌil kꞌux ya awaꞌiy aba atukele. Y jich te antse, a me yakꞌ ta jkuenta te smamlale.

1 Corintios 11:3

Pero ya jkꞌan ya anaꞌik te Cristo jaꞌ jolol yuꞌun spisil te winketike. Y te winike jaꞌ jolol yuꞌun te yiname, jich tutꞌil te jaꞌ sjol Cristo te Diose.

1 Corintios 7:16

¿Tutꞌil ya anaꞌ jaꞌex antstik teme ya xjuꞌ xkol awuꞌun te amamlale? Jichex euk winketik, ¿tutꞌil ya anaꞌ teme ya xkol awuꞌun te awiname?

1 Pedro 3:7

Jich euk te jaꞌexe, mamlaliletik, naꞌaik me tutꞌ kuxulex sok te awinamike. Akꞌaik me ta jkuenta te tutꞌil ya skꞌane. Naꞌaik me te antse chꞌin nax me staelik. Sok naꞌaik me euk te ta skuenta slekil yoꞌtan te Diose te jich altalanbil jilel euk te jich ya xꞌaꞌbot xkuxlejal te antstik jich mismo tutꞌil jaꞌexe. Jich me xꞌapasik yuꞌun ma me ayuk tut ya smakex a te ya akꞌoponik te Diose.

Romanos 7:2

Jich tutꞌil, jtul ants te nujpunem sok te swinikul ay ta skuenta te mantaliletik te jayeb kꞌaal te kuxul to aye. Pero teme cham te swinikule, kolem ya xjil te ants yuꞌun te mantalile.

1 Corintios 14:34

Te antstike ya me skꞌan skom sba ta kꞌop te ba ay ta kulto te hermanoetike. Porke ma spas te ya xkꞌopojike. Yuꞌun jaꞌ ya skꞌan te ya xchꞌuun te ya xkomot yuꞌun te mantaliletik yuꞌun te Diose.

San Mateo 18:15

“Sok teme ay tut ma tsaꞌamuk a spasbeyat te awermanoe, baan kꞌopona aba sok ta stukel nax. Aꞌbeya snaꞌ te tut ma tsaꞌamuk spasoje. Teme la yaꞌibe sluwar te akꞌope, lek ayatix sok a te awermano abi.

Colosenses 4:5

Pꞌij me xꞌawakꞌ abaik yuꞌun te machꞌatik ma xchꞌuunejuk Diose. Y lekuk xꞌatuuntesik te tiempoe.

Hebreos 11:8

Ta skuenta xchꞌuunel yoꞌtan, te jꞌAbraham la xchꞌuun te ikꞌel yuꞌun te Diose. Lokꞌ bael yuꞌun teꞌ bajt te ba luwar te Dios ya yalbe te jaꞌ smajtan ya xkꞌote. Lokꞌ bael te ba slumale ni ma snaꞌ te ba ya xbajte.

2 Tesalonicenses 1:8

Yuꞌun ya xtal yaꞌbe kastigo te machꞌatik maꞌ snaꞌbeyik sba Dios ni maꞌ xyakꞌik ta jkuenta te skꞌoplal kolel yuꞌun te Kajwaltik Jesuse.

Romanos 6:17

Pero kola yal Dios, te jaꞌex te nail to moso ayex yuꞌun te mulile, achꞌuunejikix ta awoꞌtanik jich tutꞌil te nojpesel te la awichꞌike.

1 Pedro 4:17

Yuꞌun la staix yorail te ya xlijkix ta chapel te machꞌatik batsꞌi yuꞌun te Diose. Y teme nail ya xlijk te ba ayotik te joꞌotike, ¿tutꞌil ay slajibal te machꞌatik maꞌ xchꞌuunik te achꞌ kꞌop yuꞌun Diose?

1 Pedro 1:22

Te ora to te jaꞌexe, te la achꞌuunik te skꞌoplal te tut batsꞌi jiche, la alekutesikix te awoꞌtanike yuꞌun ben jun awoꞌtan ya akꞌuxutayik a te hermanoetike. Jich ya skꞌan te kꞌux ya awaꞌiy abaik ta juju-tul sok spꞌejel awoꞌtanik sok spisil apuersaik.

Hebreos 5:9

Te tutꞌil lek a juꞌ yuꞌun spasele, chiknaj ta skuenta te kolel sbajtel kꞌinal yuꞌun spisil te machꞌatik ya xchꞌuunike.

Romanos 10:16

Pero ma spisiluk ya yakꞌik ta jkuenta te skꞌoplal te kolele. Jich tutꞌil la yal te jꞌIsaiase: “Kajwal, ¿machꞌa xchꞌuunejix te skꞌop Dios la kaltike?” xchi me.

1 Pedro 3:2

teme ya yilik te lekix ay bael te akuxlejalike y te ya xꞌakꞌawanex ta jkuentae.