1 Pedro 1:12 - Nuevo Testamento Tzeltal de Amatenango

¹² Pero akꞌtalanbot snaꞌ yuꞌun Dios te ma stukelikuk yuꞌunik te tut ya yaltalanike. Sino ke jaꞌ ya xkꞌot ta akuentaik te jaꞌexe. Jaꞌix te skꞌoplal kolel te la yalbeyex awaꞌiyik te machꞌatik la yalik te lekil achꞌ kꞌop ta skuenta spoder te Chꞌul Espiritue te tikonbil tal ta chꞌulchane. Spisil to yoꞌtanik euk te chꞌul angeletik te ya skꞌan xꞌaꞌbot yilik ekꞌae.

Bible in Tzeltal Bachajón

¹² A'bot sna'ic te ma ha'uc ya xc'oht ta scuentahic, ha ya xc'oht ta acuentahic te ha'exe. La yalbeyic sc'oblal te bintic la awa'iyiquix yu'un te mach'atic la yalbeyex te lec yach'il c'op ta scuenta te Ch'ul Espíritu ticombil tal ta ch'ulchan. Ha nix hich te ch'ul a'batetic, yo'tanuc xyilic te bin yac ta halbeyel sc'oblale.

Bible in Tzeltal de Oxchuc y Tenejapa

¹² Ja'uc me to, Dios ac'bot sna'ic stojol yu'un te bit'il ma ja'uc ya xc'ot ta swentaique, yu'un ja' me ya xc'ot ta jwentatic jo'otic. La spucbeyic sc'oplal te bila la jcholbeyex awaiyic sc'oplal ta ora to, ja' te lec yach'il c'op ta swenta yu'el te Ch'ul Espíritu te ticunbil tel ta ch'ulchane. Spisil in to toyol yo'tanic yu'un uuc te ch'ul abatetic te yacuc x'ac'bot yilique.

1 Pedro 1:12 Referans Kwoze

San Juan 15:26

“Pero te kꞌalal ya xtal te Joyinwanej awuꞌunik te ya jtikombeyex tal ta stojol te jTate, jaꞌ me ya yalbon jkꞌoplal stukel. Jaꞌ te Espíritu te ya yakꞌ ta naꞌel te tut batsꞌi jiche.

Efesios 3:10

Jich kꞌot ta pasel yuꞌun te ora to ta skuenta te juju-tijkꞌ hermanoetike, ta spisil te machꞌatik ay spoderik y ay yaꞌtelik ta chꞌulchan ya xkꞌo snaꞌik te tutꞌil ay bayal ta jkaj spꞌijil te Diose.

1 Corintios 2:10

Dios la yaꞌbotikix jnaꞌtik te tutik ta skuenta te Espiritue. Yuꞌun te Espiritue ya xjuꞌ yuꞌun te ya yakꞌ ta naꞌel spisil, manchuk me jaꞌ te tut mukꞌul ay yuꞌun stukel te Diose.

Hebreos 4:2

Porke jich euk te joꞌotike la yalbelotik te skꞌoplal te kolele, jich tutꞌil albilik te antibo jmeꞌ-jtatike. Pero te stukelike maꞌ tuun yuꞌunik te la yaꞌiyike, porke maꞌ xchꞌuunik te tutꞌ ay skꞌoplale.

San Marcos 16:15

Sok altalanbot yuꞌun: —Baanik ta bayuk ta spꞌejel balmilal. Albeyaik spisil te genteetik te lek yachꞌil kꞌope.

1 Pedro 1:25

Pero te skꞌop te Kajwaltike, jmel nax a y sbajtel kꞌinal”, te xchie. Y te kꞌop to jaꞌ te skꞌoplal kolel te la yalbelex te jaꞌexe.

Apocalipsis 5:11

Teꞌ nax a la kil, y la kaꞌibe skꞌop bayal angeletik te sjoyojik te mukꞌul naktajibale sok te tutik kuxajtike y sok te machꞌatik lom mamalikixe. Ay millones y ta millones te ma xlaj ta ajtayel.

2 Corintios 6:6

Jich me ya kakꞌtik ta ilel te lekix ayotik sok te jkuxlejaltike, sok te tutꞌ jnaꞌojbetik sluwaril te tut batsꞌi jiche, sok te ay perdon ta koꞌtantike, sok te ay slekil koꞌtantike, sok te ay ta koꞌtantik te Chꞌul Espiritue, sok te batsꞌi ay xkꞌuxul koꞌtantike,

2 Corintios 1:22

La yaꞌbotikix jmarkatik sok te sello yuꞌune, y yakꞌojbotikix ta koꞌtantik te Chꞌul Espíritu te jaꞌ seña te tut ya to xba kichꞌtike.

Romanos 15:19

sok ta spoder te seña milagroetik, y sok ta spoder te Espíritu yuꞌun te Diose. Jich ta bayuk nax ta spamal te balmilale la kalix te lek achꞌ kꞌop yuꞌun kolel ta skuenta te Cristoe, kꞌalal ta Jerusalen y ta bayuk nax asta ta Estado yuꞌun Iliria.

Hechos 2:33

Y ikꞌotix bael yuꞌun ba naklukix ta sbatsꞌil skꞌab te Diose, y aꞌbot ta skuenta te Chꞌul Espíritu te tut albil yuꞌun te Tatile. Jaꞌ yuꞌun te tut yipalex ta yilele sok te yipalex ta yaꞌiyele, jaꞌ a yakꞌix kꞌotuk ta pasel te Jesuse.

Hebreos 2:4

Sok jaꞌ snujpꞌ kꞌot te skꞌopik te señailetik te ben tsaꞌam y bayal milagroetik te Dios a yakꞌ ta pasel. Sok ta skuenta te Chꞌul Espiritue te la yaꞌbotik jmajtꞌantik ta skajal skaje, chikan te tutꞌil ya skꞌan yoꞌtane.

Gálatas 1:16

Te kꞌalal jich a skꞌan yoꞌtane, la yaꞌbon jnaꞌbe sba te Xnichꞌane, yuꞌun jich me ya kalbe skꞌoplal te kolel te ba ay machꞌatik ma juriyouke. Ma jaꞌuk a ba jojkꞌobey te yanetik genteetike,

Gálatas 1:12

Ma teyuk a jta a ni ma teyuk jnopoj a te ta skuenta nax jtul winike, yuꞌun jaꞌ ta skuenta te Jesucristoe stukel mismo a yaꞌbon jnaꞌ.

Romanos 10:15

¿Y machꞌa kꞌan ba yal te skꞌop Diose, teme maꞌyuk machꞌa tikonbile? Jich tut ya yal te Sjun Diose: “Ben tsaꞌam a julik tal te machꞌa yichꞌoj tal te lek achꞌ kꞌope”, xchi me.

Romanos 1:17

Yuꞌun ta skuenta te lek achꞌ kꞌope ya jnaꞌtik te tutꞌil toj ya yilelotik te Diose ta skuenta nax te xchꞌuunel koꞌtantike. Jich ya yal te tutꞌil tsꞌibabil jilele: “Jaꞌ me ya xkuxuyin te machꞌa ya xꞌilot yuꞌun Dios te tutꞌil toj aye ta skuenta te xchꞌuunel yoꞌtane”, xchi me.

San Lucas 15:10

Ya kalbeyex, jich me ben jun yoꞌtan yuꞌun te chꞌul angeletik yuꞌun Dios ta chꞌulchane teme ya sujtes yoꞌtan yuꞌun smul te jtul jmulawile —xchi te Jesuse.

San Mateo 11:25

Jich yorail a te la yal te Jesuse: —Tat te yajwalat te chꞌulchan sok te balmilale, ben bayal slekil awoꞌtan te jaꞌ la awaꞌbe snaꞌik sluwaril spisil te machꞌatik chꞌin ayike, te ma jaꞌuk la awakꞌbe snaꞌik sluwaril te machꞌatik ay spꞌijilike sok te ya snaꞌik kꞌinale.

1 Tesalonicenses 2:9

Kermanotak, te jaꞌexe naꞌaik me te tutꞌil a aꞌtejotik y la jpastik puersa yuꞌun jich la jta jkuxlejaltik a. Aꞌtejotik ta kꞌajkꞌal y ajkꞌubal, yuꞌun maꞌ jkꞌantik te la kakꞌtik awokolik te jaꞌexe te la kalbeyex skꞌoplal te Diose.

San Lucas 9:6

Jicha lokꞌik bael. Bajtik ta jtejklumetik. La yalbeyik te lek achꞌ kꞌop yuꞌun te kolele y la slekuteslan jchameletik.

San Lucas 2:26

Aꞌbot snaꞌbe sluwar yuꞌun te ma to xcham a te ya yilbe sit te Cristo te ya xtikonot tal yuꞌun te Kajwaltike.

San Mateo 16:17

La yal te Jesuse: —Ben me tsaꞌam alekil jaꞌat Simon te xnichꞌanat te Jonase. Porke ni jtuluk winik te la yaꞌbeyat anaꞌbe sluwar. Jaꞌ a yaꞌbeyat anaꞌ sluwar te jTat te ay ta chꞌulchane.

San Mateo 11:27

Sok la yal xan: —Te jTate yakꞌojbon ta jkꞌab spisil te tutik aye. Maꞌyuk machꞌa ya snaꞌbon jba joꞌon te Nichꞌanilone, jaꞌ nax ya snaꞌbon jba te jTate. Sok maꞌyuk machꞌa ya snaꞌbe sba te jTate, joꞌon nax jtukel te ya jnaꞌbe sbae, sok euk te machꞌa jayeb ya kaꞌbe snaꞌbeyik sbae.

Hebreos 11:13

Spisil te gente abi maꞌ yichꞌik te tutik yaloj jilel te Diose te kꞌalal chamike. Pero ay xchꞌuunel yoꞌtanik, sok la yilik ta jakal sok bujtsꞌnaj yoꞌtanik yuꞌun. Sok la yalik te jkꞌaxel nax ayik ta balmilal sok te majanbil nax yuꞌunik te luware.

Romanos 1:15

Ja yuꞌun koꞌtanuk te yauk kalbeyex te lek achꞌ kꞌop jaꞌex te ayex ta Romae.

Hechos 16:10

Te tutꞌil jich a yil ta xwayuch te jPabloe, jich a jchap jbajtik ta ora y bootik ta estado Macedonia, yuꞌun batsꞌi jaꞌ a yalbotik te Diose te ya yikꞌotik ta yalel teꞌa te lek achꞌ kꞌope.

Hechos 10:44

Yipal to ta kꞌop a te jPedroe kꞌalal jul ta skuentaik te Chꞌul Espíritu spisil te machꞌatik la yaꞌiybeyik sluwar te tuti yale.

Hechos 8:25

Jich te apostoletike ta patil te laj yalik te skꞌoplal te skꞌop Diose, sujtik bael ta Jerusalen. Te kꞌalal yipalik kꞌael ta beel ae, ya yalik kꞌael te lekil achꞌ kꞌop te ba kolonyaetik yuꞌun Samariae.

Hechos 4:31

Te kꞌalal laj yoꞌtanik ta skꞌoponel te Diose, nijkꞌ te luwar ba stsoboj sbaike. Y spisil a noj ta yoꞌtanik te Chꞌul Espiritue, y jamal a lijk yalik te skꞌop Diose.

Hechos 4:8

Te jPedroe nojel ta yoꞌtan te Chꞌul Espiritue la sjakꞌtalanbe: —Stataletik yuꞌun te jtejklume y moletik,

1 Timoteo 3:16

Jamal chikan te lom mukꞌ te tut jchꞌuunejtik te mukul aye: Dios la yichꞌ stiꞌbalul, chiknaj ta ilel. Akꞌot ta naꞌel te toj yoꞌtan yuꞌun te Espiritue. Ilot yuꞌun te chꞌul angeletike. La yichꞌ alel ta stojol te nasionetike. La yichꞌ chꞌuunel ta balmilal. Sok ikꞌot bael ta lekilal.

1 Pedro 4:6

Yuꞌun te machꞌatik chamenikixe altalanbot skꞌoplal te lek achꞌ kꞌope. Yuꞌun jich me ya xjuꞌ ya xkuxuyinik sok xchꞌulelik ta skuenta Dios, aunke liꞌ ba balmilale la me yichꞌ chapel te stiꞌbalule, jich tutꞌil spisil te genteetike.