1 Juan 5:14 - Nuevo Testamento Tzeltal de Amatenango

¹⁴ Jun koꞌtantik ta stojol te Diose, porke jnaꞌojtik teme ay tut ya jkꞌanbetik jich tutꞌil te ya skꞌan yoꞌtane, ya yaꞌibotik.

Bible in Tzeltal Bachajón

¹⁴ Ha smuc'ul co'tantic ini ta stojol Dios: teme hich ya jc'ambetic te bin ya sc'an yo'tan stuquel, ya ya'iyotic.

Bible in Tzeltal de Oxchuc y Tenejapa

¹⁴ Jich ay smuc'ul co'tantic ta stojol te Diose. Teme ay bila ya jc'anbeytic ta swenta te sc'anjel yo'tane, ya me yaiybotic stojol.

1 Juan 5:14 Referans Kwoze

San Juan 14:13

Y spisil te tut ya akꞌanik ta jbiile, ya me kaꞌbeyex. Yuꞌun jich me ya xchiknaj slekilal a te Dios Tatil ta skuenta te Nichꞌanile.

San Juan 15:7

“Teme jmel nax awakꞌoj abaik ta jtojol te jaꞌexe y sok teme jmel nax jun awoꞌtanik ta xchꞌuunel te tuti jnopesex ae, kꞌanaik te tut ya akꞌanike y ya me yaꞌbelex.

San Mateo 21:22

Spisil te tut ya akꞌanbeyik te Diose ya yaꞌbelex teme jich xchꞌuunej awoꞌtanike —xchi te Jesuse.

Santiago 4:3

Ya akꞌanik pero ma xꞌataik, porke ma sluwariluk ya akꞌanik, yuꞌun ya akꞌanik ta slajinel nax te tut skꞌan skꞌupin te atiꞌbalulike.

San Juan 9:31

Lom lek ya jnaꞌtik te Diose ma xyaꞌibe skꞌop te mulawiletike. Jaꞌ nax ya yaꞌibe skꞌop te machꞌatik ya xchꞌuunik sok te ya spasbe te sboluntare.

Efesios 3:12

Jaꞌ ta skuenta Cristo te ya xjuꞌ kuꞌuntik te ya xtijilajotik ta stojol te Diose. Jun koꞌtantik ya xꞌochotik tey a ta skuenta te xchꞌuunel koꞌtantike.

San Juan 16:24

Te ora to te jaꞌexe ma to ayuk tuti kꞌanojik ta joꞌon jkuenta. Kꞌanaik te tut ya akꞌanike, ya me yaꞌbelex. Jich me ya xjunub lek awoꞌtanik yuꞌun.

1 Juan 2:28

Te ora to, kuntikil, jun nax xꞌanex sok te Cristo ta jmel nax. Yuꞌun me jun koꞌtantik a te kꞌalal ya xchiknaj tale, y jich makꞌ jtajtik kꞌexlal ta sit stukel te kꞌalal ya xtale.

Santiago 5:16

Jaꞌ yuꞌun, albeya abaik ta jamal ta juju-tul te amulike. Y kꞌoponbeya abaik Dios ta juju-tul, yuꞌun jich me ya xlekubex a. Bayal tut ya xkꞌot ta pasel teme jun yoꞌtan ya skꞌopon Dios te machꞌa toj yoꞌtane.

Hebreos 10:35

Ma meꞌ chꞌay yip awoꞌtanik ta stojol Dios, porke jaꞌ me ya yichꞌbeyex te jun mukꞌul majtanile.

Hebreos 3:14

Porke yuꞌun te ya xjuꞌ te jun nax ya xkꞌootik sok te Cristoe, jaꞌ ya skꞌan te jun koꞌtantik kꞌalal ta slajibal kꞌaal jich tutꞌil te smukꞌul koꞌtantik ay kuꞌuntik ta slijkꞌibale.

San Juan 11:42

Ya jnaꞌ te sil tiempo ya awaꞌibon te jkꞌope, pero la kal yuꞌun slekilik a te genteetik te liꞌ aylane, yuꞌun jich me ya xchꞌuunik a te jaꞌat la atikonon tale —xchi.

Hebreos 3:6

Yan te Cristo te Xnichꞌan Diose, jun yoꞌtan skuentainej spisil te sna Diose, jaꞌ te joꞌotike, teme jmel nax jun koꞌtantik kꞌalal ta slajibal kꞌaale, te ben tsaꞌam yipalotik ta smaliyele.