1 Juan 5:13 - Nuevo Testamento Tzeltal de Amatenango

¹³ La jtsꞌibabeyex to jaꞌex te achꞌuunejik te Xnichꞌan Diose, yuꞌun jich me ya anaꞌik te ay akuxlejalik sbajtel kꞌinale.

Bible in Tzeltal Bachajón

¹³ La jts'ihbabeyex ini, ha'ex te ach'uhunejic te sbihil te Snich'an Dios, scuenta yu'un yac ana'ic te ay acuxlejalic sbahtel q'uinal.

Bible in Tzeltal de Oxchuc y Tenejapa

¹³ La jts'ibubeyex in to, ja'ex te ach'uunejic te sbiil te Snich'an Diose, swenta yu'un jich me ya ana'ic stojol te ay acuxlejalic sbajt'el q'uinal.

1 Juan 5:13 Referans Kwoze

San Juan 20:31

Pero jaꞌ nax a yichꞌ tsꞌibayel to yuꞌun jich me ya achꞌuunik a te jaꞌ Cristo sok jaꞌ te xNichꞌan Dios te Jesuse. Y teme la achꞌuunike, ay akuxlejalik sbajtel kꞌinal ta skuenta te Jesuse.

San Juan 1:12

Pero te machꞌatik la yakꞌik ta jkuentae Y la xchꞌuunik te tikonbil tal yuꞌun te Diose, akꞌtalanbot ta skuentaik te yal xnichꞌan Dios ya xlaj kꞌotike.

1 Juan 3:23

Y te smantale, jaꞌ te ya jchꞌuuntik te Xnichꞌane, jaꞌ te Jesucristoe. Y te kꞌux ya kaꞌiy jbajtik ta juju-tule, jachik tutꞌil te la yalbotik mantale.

San Juan 3:18

Te machꞌa ya xchꞌuun te xNichꞌan Diose maꞌyukix ta chꞌayel. Pero te machꞌa ma xchꞌuune, ayix bael ta chꞌayel ta skꞌaj te ma xchꞌuun te úniko jtul Xnichꞌan Diose.

1 Juan 2:21

La jtsꞌibabeyex ito, ma yuꞌunuk maꞌ anaꞌojikuk te tut batsꞌi jiche, sino ke anaꞌojikix. Y te jaꞌexe anaꞌojikix te ni junuk te lot ya xjuꞌ xtal yuꞌun te tut batsꞌi jiche.

Gálatas 4:6

Y yuꞌun jich me ya xchiknaj a te yal xnichꞌanotikixe, Dios a stikon tal ta koꞌtantik te Espíritu yuꞌun te Xnichꞌane. Jaꞌ mismo te Espiritue ya xkꞌopoj: “Tat”, xchi ta stojol te Diose.

1 Juan 5:10

Te machꞌa ya xchꞌuun te Xnichꞌan Dios, ay ta yoꞌtan te testigo-kꞌope. Te machꞌa ma xchꞌuune, jaꞌ skuyoj ta jle-lot te Diose, porke ma xchꞌuun te testigo-kꞌop te Dios a yalbe ta skuenta te Xnichꞌane.

1 Juan 2:1

Kuntikil, ya jtsꞌibabeyex te tutik to yuꞌun jich me makꞌ ya xmulawex a. Aunke teme ay machꞌa ya sle smul, ay jtul Machꞌa ya xkꞌopoj kuꞌuntik ta sit te Tatile, jaꞌ te Jesucristoe, te toj ay stukele.

1 Juan 1:4

Te tutik to la jtsꞌibatik yuꞌun tsꞌakal me ya awichꞌik a te bujtsꞌan kꞌinale.

1 Pedro 5:12

Te Silvanoe, jaꞌ te jtul hermano te jun yoꞌtan xchꞌuunej Diose, jaꞌ la jmajanbey skꞌab ta stsꞌibayel te chꞌin karta to. Yuꞌun ya jtsꞌitsex y ya kalbeyex ta jamal te bendisionetik te awichꞌojikixe, te chikan a te jich ay slekil yoꞌtan te Diose. Jmel nax me junuk awoꞌtanik te tutꞌil jich ay te xkꞌuxul yoꞌtane.

2 Corintios 5:1

Te tiꞌbalultik jachik tutꞌil jun naul-pakꞌ te ma xjalaje. Pero jnaꞌojtik teme ya xlaj te naul-pakꞌ to, Dios spasojbotik ta chꞌulchan jun na skuenta sbajtel kꞌinal te ma jaꞌuk pasbil ta skꞌab genteetike.

Hechos 4:12

Maꞌyuk yan machꞌa ay kolel ta skuenta, porke maꞌyuk yan machꞌa ya xkolotik yuꞌun. Maꞌyuk yan biilil ta balumilal te ya xjuꞌ xkolotik yuꞌune —xchi te jPedroe.

San Juan 2:23

Te kꞌalal ay ta Jerusalen a te Jesuse te stiempoil te kꞌin Pascuae, bayal machꞌa xchꞌuunik te Jesuse yuꞌun la yilbeyik seña smilagro te ya spase.

1 Juan 2:26

Jaꞌ a jtsꞌibabeyex te tutꞌil ay skꞌoplal te machꞌatik snopoj te ya sloꞌlayexe.

Hechos 3:16

Te tutꞌil ayix spuersa yok te winik to te ya awilik te ya anaꞌbeyik sbae, jaꞌ ta xchꞌuunel-oꞌtanil ta skuenta te Jesuse. Te xchꞌuunel-oꞌtanil ta skuenta te Jesuse jaꞌ te batsꞌi la slekutesix te winike te tutꞌil tekꞌelix ta asitike.

San Juan 21:24

Jaꞌ mismo te jnopojel to te la yalix tal ta spisile y te stsꞌibayojix ta june. Y jnaꞌotik te tut ya yale batsꞌi jich te tuti stsꞌibaye.

San Juan 5:24

Jamal ya kalbeyex, te machꞌa ya yaꞌibon sluwar te tut ya kale, y teme la xchꞌuun te machꞌa la stikonon tale, ay xkuxlejal sbajtel kꞌinal. Ma chꞌayueluk ya xbajt, yuꞌun kꞌaxemix a te ba lajele, ayix ta kuxlejal.

1 Juan 2:25

Jaꞌ to jaꞌ yalojbotikix te Jesucristoe te ya yakꞌ te kuxlejal sbajtel kꞌinale.

1 Juan 4:9

Dios a yakꞌ ta ilel te xkꞌuxul yoꞌtan ta jkuentatik te la stikonbotik tal ta balmilal te úniko Xnichꞌane, yuꞌun jich me ay jkuxlejaltik ta skuenta stukel.

1 Juan 5:11

Jaꞌ te testigo-kꞌop yuꞌun te Diose: Jaꞌ te la yaꞌbotikix te kuxlejaltik sbajtel kꞌinal, y te kuxlejal to ay ta skuenta te Xnichꞌane.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.