1 Juan 4:14 - Nuevo Testamento Tzeltal de Amatenango

¹⁴ Te joꞌotike kilojtik te Jesucristoe, y ya kaltik ta jamal te Tatile la stikon tal te Xnichꞌan yuꞌun tal skoltay te machꞌatik ayik ta balmilale.

Bible in Tzeltal Bachajón

¹⁴ Ho'otcotic quilojcotic soc ya calcotic ta testigo te Tatil la sticon tal te Nich'anil scuenta Jcoltaywanej yu'un te bahlumilale.

Bible in Tzeltal de Oxchuc y Tenejapa

¹⁴ Jo'on testigoon soc te jo'taque, la quilbeytic sit te Jesucristo te ticunbil tel yu'un te Tatile, ja' te Snich'an Dios te Jcoltaywanej yu'un spisil te ants-winiquetique.

1 Juan 4:14 Referans Kwoze

1 Juan 4:10

Jich ya xchiknaj te kꞌuxul-oꞌtanile: Jaꞌ te ma joꞌukotik kꞌux a kaꞌitik te Diose, sino ke kꞌux a yaꞌiyotik stukel. Sok la stikon tal te Xnichꞌan yuꞌun la yakꞌ ta milbil majtanil, yuꞌun jich perdonado ya xjil te jmultike.

San Juan 4:42

Y la yalbeyik te antse: —Te ora to ma jaꞌuk xanix te tut la awalbotik te ya jchꞌuuntike. Yuꞌun mismo joꞌotik a kaꞌibetik sluwar te skꞌope, y la jnaꞌtikix te batsꞌi jich te jaꞌix te Cristo te jkoltaywane yuꞌun spisil te genteetike —xyutik.

San Juan 1:14

Te machꞌa Skꞌop Diose jicha kꞌot tutꞌ winik y kuxuyin ta koliltik, nojel tal ta yoꞌtan te slekile y te tut batsꞌi jiche. Te joꞌotike la kilbetik te slekile, jaꞌ slekil te úniko Xnichꞌan Dios te aꞌbot yuꞌun te jTatik Diose.

San Juan 1:29

Ta xchebal kꞌaal te Juane la yil te yipal tal ta tijilajel te Jesus te ba aye, y la yal: —Ila awilik: jaꞌ to jaꞌ te mera karnera yuꞌun Dios te ya xchꞌaybe smul te machꞌatik ayik ta balmilale.

1 Juan 5:9

Teme ya kichꞌtik te testigo-kꞌop yuꞌun te genteetike, mas to ya kichꞌtik te testigo-kꞌop yuꞌun te Diose te mas bale stukel. Porke te testigo-kꞌop yuꞌun te Diose, jaꞌ a yalbe skꞌoplal te Xnichꞌane.

1 Pedro 5:12

Te Silvanoe, jaꞌ te jtul hermano te jun yoꞌtan xchꞌuunej Diose, jaꞌ la jmajanbey skꞌab ta stsꞌibayel te chꞌin karta to. Yuꞌun ya jtsꞌitsex y ya kalbeyex ta jamal te bendisionetik te awichꞌojikixe, te chikan a te jich ay slekil yoꞌtan te Diose. Jmel nax me junuk awoꞌtanik te tutꞌil jich ay te xkꞌuxul yoꞌtane.

San Juan 12:47

Pero te machꞌa ya yaꞌibon sluwar te jkꞌope, teme ma xchꞌuune, ma joꞌukon ya kal te ya xꞌakꞌot ta chꞌayel yuꞌune. Porke ma jaꞌuk talemon yuꞌun te ya kakꞌ bael ta chꞌayel te genteetike. Jaꞌ talemon yuꞌun te ya jkoltay.

San Juan 5:39

Te jaꞌexe ya anopilanik te tut tsꞌibabil ta Sjun Diose, porke ya awalik te teꞌ ya ataik a te kuxlejal sbajtel kꞌinale. Pero jaꞌ ya yalbon jkꞌoplal te tutik tsꞌibabile.

San Juan 3:34

Yuꞌun te machꞌa tikonbil tal yuꞌun te Diose jaꞌ ya yal te skꞌop Diose, porke te Diose ma pꞌisbiluk nax ya yakꞌ te Espiritue.

Hechos 18:5

Kꞌalal lijkik tal ta Macedonia te Silas sok te jTimoteoe, te jPabloe jaꞌ nax a yaꞌtelin yalel te skꞌop Diose, y jamal a yaltalanbe te juriyoetik te jaꞌix Cristo te Jesuse.

San Juan 10:36

Teme Dios a stꞌujon sok teme la stikonon ta balmilale, ¿Tut yuꞌun te ya awalbikon te ya jtoyba-kꞌoptay te Dios te la kal te xNichꞌanon Diose?

San Juan 3:32

Jaꞌ ya yal stukel te tutik yiloje sok te tutik yaꞌiyeje. Pero maꞌyuk machꞌa ya xchꞌuun te tut ya yale.

San Juan 3:11

Jamal ya kalbeyat, te joꞌotike jaꞌ ya kaltik te tut jnaꞌojtike, y joꞌotik testigootik yuꞌun te tut kilojtike. Pero te jaꞌexe ma xꞌachꞌuunik te tut ya kaltike.