1 Juan 3:16 - Nuevo Testamento Tzeltal de Amatenango

¹⁶ Jnaꞌojtik tut a te slekil-oꞌtanile, porke te Jesucristoe la yakꞌ xkuxlejal ta jkuentatik. Jich euk te joꞌotike, ya skꞌan ya kakꞌ jkuxlejaltik yuꞌun te kermanotaktike.

Bible in Tzeltal Bachajón

¹⁶ Hich ya jna'tic bin ut'il ay te c'uxul-o'tanil, ha te la yac' sba ta lajel ta jcuentatic. Ha nix hichotic, ya sc'an ya cac' jcuxlejaltic ta scuenta te quermanotactique.

Bible in Tzeltal de Oxchuc y Tenejapa

¹⁶ Jich jna'ojtic stojol bit'il ay te c'uxul-o'tanile, ta swenta bit'il la yac' sba ta lajel ta jwentatic te Jesucristoe. Ja' nanix jich ya sc'an ya cac' jbatic ta lajel soc jcuxlejaltic ta swenta uuc te quermanotactique.

1 Juan 3:16 Referans Kwoze

Efesios 5:2

Sokuk me xkꞌuxul awoꞌtanik xꞌanex, jich mismo tutꞌil Cristo la xkꞌuxutayotike y te la yakꞌ sba ta lajel ta jkajtik te joꞌotike, jich tutꞌil smajtan Dios y te majtanil te lom tsaꞌam yikꞌ ta stojol te Diose.

San Juan 13:34

Ya kaꞌbeyex te achꞌ mantal to: Te kꞌux me xꞌawaꞌi abaik ta juju-tule, jich te tutꞌil kꞌux a kaꞌiyexe, jich me kꞌux ya awaꞌi abaik ta juju-tul te jaꞌexe.

San Juan 3:16

Porke te Diose bayal a xpichꞌin yoꞌtan te genteetike. Jaꞌ yuꞌun la stikon tal te úniko jtul Xnichꞌane, para ke yuꞌun spisil te machꞌa ya xchꞌuune makꞌ xchꞌay. Ya sta xkuxlejal sbajtel kꞌinal.

Romanos 5:8

Pero te Diose la yakꞌix ta ilel te ben skꞌanojotik ta yoꞌtane, te tutꞌil cham Cristo ta jkajtik te kꞌalal ayotik to ta mulil aye.

Apocalipsis 1:5

y sok euk te Jesucristoe, te jun yoꞌtan ay ta testigoe. Jaꞌ stukel primero a chaꞌkux tal te ba animaetike, y yichꞌoj tulan yaꞌtel te mas mukꞌ ay yuꞌun te ajwaliletik ta balmilale. Kꞌuxotik ta yoꞌtan te Cristoe, sok la yakꞌotikix ta libre yuꞌun te jmultik te la smal te xchꞌichꞌele.

1 Pedro 3:18

Porke te Cristoe kꞌax swokol ta milel yuꞌun te jmultik te jun nax buelta ta sbajtel kꞌinale. Lek yoꞌtan stukel, pero kꞌax swokol yuꞌun te machꞌatik ma lekuke, yuꞌun ya yikꞌex bael ta stojol Dios te jaꞌexe. Jich tutꞌil winik cham te stiꞌbalule; pero chaꞌkux sok te xchꞌulele.

San Mateo 20:28

Jich tutꞌil te Nichꞌanile ma jaꞌuk a tal yuꞌun teme ay machꞌa ya smantaltese. Jaꞌ a tal yuꞌun te ya yakꞌ sba ta mantaltesel sok te ya yakꞌ sba ta milele. Yuꞌun jich me ya xwejt skolelik a te ipal genteetike —xchi te Jesuse.

Hechos 20:28

Jaꞌ yuꞌun ila me abaik, y kanantayaik me spisil te hermanoetik ta kongregasione te ba yakꞌojbeyex awaꞌtelik ta kanantawanej te Chꞌul Espiritue, yuꞌun ya akanantayik te machꞌatik xchꞌuunejikix te Kajwaltike, te stukel smanoj ta xchꞌichꞌele.

Efesios 5:25

Mamlaliletik, kꞌuxutayaik me lek te awinamike jich tutꞌil Cristo te lek xkuxutayej te hermanoetik y te la yakꞌ xkuxlejal yuꞌunike.

Tito 2:13

Jaꞌ ya jmalitik te ben tsaꞌam ya sta skꞌalel te tut sjapojbotik jilele, jaꞌ te ben tsaꞌam te ya sujt tal te mukꞌul Dios kuꞌuntik, jaꞌ te jKoltawanej Jesucristoe.

Romanos 16:4

Stukelik kꞌan yakꞌ sbaik ta lajel kuꞌun, jich a kolon yuꞌunik. Ma jaꞌuk nax ya kaltalanbe kolayal. Jich ya yalik euk spisil te hermanoetik ta ma juriyouke.

1 Juan 2:6

Te machꞌa ya yal te jun nax ayix sok te Diose, jich ya skꞌan xkuxuyin jachik tutꞌil kuxuyin te Jesucristoe.

Filipenses 2:17

Y manchuk me ya jmal jchꞌichꞌel yuꞌun jich me ya stsꞌakay a te smajtan Dios ya awakꞌike, jaꞌ bi jaꞌ te xchꞌuunel awoꞌtanike, ya xjunub koꞌtan yuꞌun y ya xjunub awoꞌtanik yuꞌun euk ta apisilik te jaꞌexe.

Apocalipsis 5:9

Y la skꞌayojinik te achꞌ kꞌayoj to: “Jaꞌat atukel te ya xjuꞌ awuꞌun yichꞌel te balbil june y ta xchꞌiꞌel te seyoetik yichꞌoje. Yuꞌun la awichꞌ milel, y la amal achꞌichꞌel yuꞌun la aman ta stojol Dios genteetik ta spisil ta jkaj stsꞌumbal, te skajal skaj skꞌop sok jtejklum sok nasion.

1 Pedro 2:24

Te Cristoe jaꞌ a yichꞌ bael te jmultike ta stiꞌbalul te ba kruse. Yuꞌun jich me a laj jilel skꞌoplal a te mulile, sok ya xkuxuyinotik bael ta spasel te tut leke. Te Cristoe ejchentesot yuꞌun jich me a lekubex a te jaꞌexe.

1 Pedro 1:18

Yuꞌun Dios la skoltayex te jaꞌexe yuꞌun te akuxlejalik te jowil nax te la yaꞌbeyex jilel te antibo ameꞌ atatike. Te jaꞌexe lom lek anaꞌojik te stojol te kolel to maꞌ yichꞌ tojel ta tutik te ya xkꞌaꞌe, jich tutꞌil te oro o te platae,

Filipenses 2:30

Yuꞌun chꞌin kꞌan chamuk te yakꞌoj sba ta abatinel yuꞌun te Cristoe. Ma xkꞌuxutay te xkuxlejal stukele te la yakꞌ sba ta mantaltesel kuꞌune. Jaꞌ ajelolik te jaꞌex te ma juꞌ awuꞌunik te la awakꞌ abaik ta mantaltesel kuꞌune.

San Juan 10:11

“Joꞌon te lekil jkananone. Te lekil jkanane ya yakꞌ sba ta milel yuꞌun te skarnerae.

1 Tesalonicenses 2:8

Jich lek a jkꞌuxutaytikex te jaꞌexe. Ben jun koꞌtantik a kaꞌbetikex te ma jaꞌuk nax te lek achꞌ kꞌop yuꞌun te Diose, sino ke asta te jkuxlejaltike. Yuꞌun ben kꞌuxex ta koꞌtantik.

1 Juan 2:9

Teme ay machꞌa ya yal te ayix ta sakil kꞌinale, pero teme ya spꞌaj te yermanoe, yuꞌun nanix ay to ta ijkꞌal kꞌinal a.

2 Corintios 4:12

Jich te lajele ya xkꞌax ta jtojoltik, y te jaꞌexe ya ataik akuxlejalik.