1 Juan 2:17 - Nuevo Testamento Tzeltal de Amatenango

¹⁷ Pero te balmilale yipal bael ta lajel, y sok spisil te tut ma lekuk ta kꞌanele. Yan te machꞌa jaꞌ ya spasbe te tut ya skꞌan yoꞌtan te Diose, ya xkuxuyin sbajtel kꞌinal stukel.

Bible in Tzeltal Bachajón

¹⁷ Ya me xc'ax bahel te bahlumilal soc te bintic mulambil yu'un te mach'atic ayic ta scuenta, yan te mach'a ya spas te bin ya sc'an yo'tan te Diose, sbahtel q'uinal ya xcuxaj stuquel.

Bible in Tzeltal de Oxchuc y Tenejapa

¹⁷ Ja'uc me to, xquechet ta lajel bael te balumilale soc spisil sbic'tal yo'tanic te ants-winiquetique. Yan te sc'anjel yo'tan stuquel te Diose, sbajt'el q'uinal ay stuquel.

1 Juan 2:17 Referans Kwoze

San Mateo 24:35

Te chꞌulchane sok te balmilale ya me xlaj stukel. Yan te jkꞌope ma xlaj skꞌoplal stukel.

Romanos 12:2

Ma me jichuk ya xkuxuyinex jich tutꞌil te machꞌatik kuxajtik te ora to. Jaꞌ lek akꞌa me ta jelontesel te tut ya anopike, yuꞌun jich me ya xjelon te tutꞌ kuxulexe. Jich me ya anaꞌbeyik sluwar te tut ya skꞌan yoꞌtan te Diose, jaꞌ bi, jaꞌ te tut lek ta pasele, sok te tut ben tsaꞌame, sok te tut ben toje.

1 Corintios 7:31

Y te jayebex ay tut ya atuuntesik tut ay liꞌ ba balmilale, jich me skꞌan xꞌanex te tutꞌil maꞌyuk tut ya atuuntesike. Porke te balmilal to te ya kiltike ya me xlaj jilel stukel.

1 Pedro 4:2

Yuꞌun jich ya xkuxuyin te jayeb xan kꞌaal kuxul jich tutꞌil ya skꞌan yoꞌtan te Diose, y ma jaꞌuk te tut ya skꞌan te stiꞌbalule.

Hebreos 10:36

Te jaꞌexe puersa ya skꞌan xjuꞌ awuꞌunik te wokole, yuꞌun jaꞌ ya apasik te tut ya skꞌan yoꞌtan te Diose y jich ya awichꞌik te tut a te stukel yaloje.

San Marcos 3:35

Machꞌauk a te ya spas te tut ya skꞌan te Diose, jaꞌ kitsꞌin sok jaꞌ jmeꞌ —xchi te Jesuse.

1 Pedro 1:5

Ta skuenta te achꞌuunejik te Diose, ya me skanantayex ta spoder, yuꞌun jich me ya ataik a te kolel te chapal yuꞌune, te ya xba yakꞌ ta ilel ta slajibal kꞌaale.

1 Tesalonicenses 4:3

Te tut ya skꞌan te Diose jaꞌ te maꞌyuk amulik ya xkuxuyinex ta skuentae, sok te ma me ayuk machꞌa ya sꞌantsiweje.

San Juan 4:14

Pero te machꞌa ya yuchꞌ te jaꞌ ya kakꞌ joꞌone, sbajtel kꞌinal ma xtakej yoꞌtan yuꞌun. Porke te jaꞌ ya kakꞌ joꞌone jich ya xkꞌot tutꞌil lokꞌi-jaꞌ ta yoꞌtan te ya xkuxuyin sbajtel kꞌinal yuꞌune —xchi te Jesuse.

San Mateo 7:21

“Te machꞌatik “Kajwal, Kajwal”, ya yutikone, ma spisiluk ya xꞌochik te ba ay ta mantal te jTatik Diose. Jaꞌ nax ya xꞌochik teꞌa te machꞌatik ya spasbey te tut ya skꞌan yoꞌtan te jTat te ay ta chꞌulchane.

Santiago 4:14

Y ni ma xꞌanaꞌik tutꞌil ay te akuxlejalik te pajele. Te jaꞌexe jachikex tutꞌil jun sab jaꞌ te jtsꞌin nax ya xchiknaj, y te nax a ya xchꞌay bael.

San Juan 6:58

Jaꞌ ya kalbe skꞌoplal te waj te koem tal ta chꞌulchane. Joꞌon te waj te ma pajaluk sok te mana-waj te la sweꞌik te antibo ameꞌ-atatike. La sweꞌik pero chamik bael. Te machꞌa ya sweꞌ te waj to ya xkuxuyin sbajtel kꞌinal —xchi te Jesuse.

San Mateo 21:31

“¿Machꞌa ta xchebalik ya awaꞌi te la spasbe te tut la skꞌan yoꞌtan te state? —xchi te Jesuse. La sjakꞌik: —Jaꞌ te naile —xchiik. Te Jesuse la yal: —Jamal ya kalbeyex, te jkꞌan-tojemaletike sok te jmulawil-antstike ya me xnalajik ochel awuꞌunik te ba ay ta mantal te Diose.

1 Tesalonicenses 5:18

Albeyaik kola yal Dios yuꞌun ta spisil, porke jich ya skꞌan yoꞌtan stukel te Diose te tutꞌil achꞌuunejik te Cristo Jesuse.

Colosenses 4:12

Xkoltanukex laj me yuꞌun euk te Epafras te jtul yaj-aꞌtel te Cristo Jesuse, te lokꞌem tal ta awolilike. Sil tiempo ya skꞌoponbeyex Dios ta akuentaik yuꞌun jich me jun awoꞌtanik a, y sok spisiluk awoꞌtanik ya apasik te tut ya skꞌan yoꞌtan te Diose.

Colosenses 1:9

Ja yuꞌun te joꞌotike, jaꞌ to kꞌalal la kaꞌiytik te akꞌoplale, maꞌyuk ya jkom jbajtik ta skꞌoponel Dios ta akuentaik. Ya jkꞌanbeytik Dios te ya yaꞌbeyex anaꞌik te tut ya skꞌan yoꞌtane, sok te ya yaꞌbeyex spisil ta jkaj pꞌijilil y ta snaꞌel te tut skuenta te Espiritue.

San Juan 7:17

Teme ay machꞌa ya skꞌan spasbe te sboluntar Diose, jich me ya snaꞌbe sluwar te tut ya kakꞌ ta nopele me talem ta stojol Dios o joꞌon nax ya jnop te tut ya kale.