1 Juan 1:8 - Nuevo Testamento Tzeltal de Amatenango

⁸ Teme ya kaltik te maꞌyuk jmultike, joꞌotike nax mismo ya jloꞌlayej jbajtik y te tut batsꞌi jiche maꞌyuk ta jtojoltik.

Bible in Tzeltal Bachajón

⁸ Teme ya caltic te mayuc jmultic, ya jlo'loy jbahtic, ma ba ay ta co'tantic te smelelil c'ope.

Bible in Tzeltal de Oxchuc y Tenejapa

⁸ Teme ya caltic te ma'yuc jmultique, jtuqueltic nax yacotic lo'laybel jbajtic abi, yu'un ma'yucotic tey ta bay te bila melele.

1 Juan 1:8 Referans Kwoze

Romanos 3:23

yuꞌun spisilik mulawenik y jakal ayik te ba ay slekilal te Diose.

Santiago 3:2

Jpisiltik bayal ya xmulawotik. Teme ay machꞌa ni maꞌyuk ya xmulawe yuꞌun te tut ya yale, jaꞌ toj ta winikil stukel, sok ya xjuꞌ yuꞌun te ya stojutes spisil te stiꞌbalule.

1 Juan 2:4

Pero teme ay machꞌa ya yal: “Te joꞌone jnaꞌojbe sba”, te xchie, y ma xchꞌuunbe te mantaliletik yuꞌune, jaꞌ jtul jloꞌlawanej y maꞌyuk ta stojol te tut batsꞌi jiche.

1 Juan 1:10

Teme ya kaltik te maꞌyuk jtaoj jmultike, jaꞌ ya jlebetik lot te Diose y ma jchꞌuunejtikuk te batsꞌi jich te skꞌope.

Gálatas 6:3

Teme ay machꞌa skuyoj sbaix te lek aye kꞌalal maꞌyuk tut ya xjuꞌ yuꞌune, stukel nax mismo sloꞌlayej sba.

Santiago 1:26

Teme ay machꞌa ya skuy sba te lek xchꞌuunej Diose, pero ma snaꞌ skomel te stiꞌe, stukel mismo sloꞌlayej sba, y te tut xchꞌuuneje ma baleuk a kꞌot a.

1 Timoteo 6:5

Ya sjajchesik te pleto te maꞌyuk slajibal sok te gente te ma tsaꞌamuk spensarik y ma snaꞌojuk te tut batsꞌi jiche. Ya skuyik ta snegosioik te tut xchꞌuunejike. Ma me ajoyin aba sok te machꞌatik jich ayike.

1 Corintios 3:18

Ma me machꞌa ya sloꞌlay sba. Teme ay machꞌaukex a te pꞌij skuyoj sbae, teme ta skuenta nax pꞌijilil ta balmilale, jich me ya skuy sba te tutꞌil maꞌyuk tutꞌ ya snaꞌe, yuꞌun jich me ya xkꞌot te batsꞌi ay spꞌijile.

2 Juan 1:2

Kꞌuxex ta koꞌtan te jaꞌexe ta skꞌaj te tut batsꞌi jiche te ayix ta koꞌtantike y sil tiempo ay ta jtojoltik.

1 Juan 1:6

Teme ya kaltik te jun nax ayotik sok te Diose, y mismo tiempo ayotik ta ijkꞌal kꞌinal, jaꞌ nax ya jloꞌlay jbajtik ta jkꞌoptik y sok te tut ya jpastike.

Santiago 1:22

Pero ma me jaꞌuk nax te ya awaꞌiyik te skꞌop Diose, ya me skꞌan ya anopik spasel. Yuꞌun teme ma ba ya apas te tut ya awaꞌiye, atukel nax mismo ya aloꞌlay aba.

2 Timoteo 3:13

Pero te machꞌatik ma lekikuke y sok te jloꞌlawanejetike yanyan ta ixtaꞌajel stukelik. Ya xloꞌlawanik y ya xloꞌlalanot euk.

3 Juan 1:3

Ben bayal sbujtsꞌ koꞌtan te kꞌalal ay hermanoetik a laj tal y la yalbikon te batsꞌi ben jun awoꞌtane.

2 Pedro 2:13

Ya me xꞌaꞌbot stojik ta wokolajel te tutꞌil la yakꞌ kꞌaxuk swokol ekꞌa te yane. Skuyojik te jun yoꞌtanike te juju tsꞌin nax ya spasik te tut ya skꞌupinik spasele. Jaꞌ jun kꞌexlal y jaꞌ ya yixlanbe akꞌoplalik te kꞌalal ya ajoyin abaik sok te ba akꞌinike. Sok sbujtsꞌ yoꞌtanik ya spasik te tut ma lekuke te ya xloꞌlawanike.

San Juan 8:44

Te atatik te jaꞌexe jaꞌ te pukuje; te jaꞌexe jaꞌ ya apasbeyik te tut ya skꞌan yoꞌtane. Te pukuje ja jmilaw kꞌalal ta slijkibal to tal. Makꞌ xtuun yuꞌun te tut batsꞌi jiche; maꞌyuk ya yal te tut batsꞌi jiche. Te kꞌalal ya sle lote, jaꞌ ya yal te tut stalel ay ta yoꞌtane. Porke loꞌlawane stukel y jaꞌ tatil yuꞌun te le-lote.

Romanos 3:10

Yuꞌun jich ya yal te Sjun Diose: “Maꞌyuk machꞌa lek te tut ya spase, maꞌyuk ni jtuluk.

1 Juan 4:20

Teme ay machꞌa ya yal: “Te joꞌone kꞌux ya kaꞌiy te Diose”, teme xchie, y mismo tiempo a ya spꞌaj te yermanoe, jaꞌ jun jle-lot abi. Yuꞌun teme ay jtuluk te ma kꞌuxuk ya yaꞌiy te yermano te ya yile, ni ma xjuꞌ yuꞌun te kꞌux ya yaꞌiy te Dios te ma sta ta ilele.